Бахшида ба Рӯзи кормандони мақомоти назорати давлатии молиявӣ ва мубориза бо коррупсия ҳамоиши тантанавӣ доир шуд
ДУШАНБЕ, 10.01.2020/АМИТ «Ховар»/. Имрӯз ба муносибати Иди касбии кормандони мақомоти назорати давлатии молиявӣ ва мубориза бо коррупсия, ки ҳамасола дар ҷумҳурӣ 10 январ таҷлил мешавад, дар толори Агентӣ ҷамъомади тантанавӣ баргузор гардид.
Директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон, генерал-майори адлия Сулаймон Султонзода зимни ҳамоиш кулли кормандони мақомоти назорати давлатии молиявӣ ва мубориза бо коррупсияи Ҷумҳурии Тоҷикистонро ба ифтихори ҷашни касбӣ самимона табрик карда, иброз намуд, ки бо шарофати ғамхориҳои пайвастаи Пешвои миллат дар муддати кӯтоҳ заминаҳои ташкилию ҳуқуқии фаъолияти Агентӣ фароҳам оварда шуда, ҷойи он дар низоми мақомоти ҳокимияти давлатӣ муайян ва салоҳияту ваколатҳояш дақиқ гардид.
Зикр гардид, ки хизматҳои кормандони Агентӣ ва саҳми онҳо дар татбиқи сиёсати зиддикоррупсионии мамлакат ҳамеша қадр карда шуда, то имрӯз якчанд нафар кормандон бо мукофотҳои давлатӣ ва рутбаҳои олии хизматӣ сарфароз гардонида шуданд.
Директори Агентӣ махсусан аз ғамхории навбатии Президенти Ҷумҳурии Тоҷикистон муҳтарам Эмомалӣ Раҳмон, ки 17 декабри соли 2019 барои кормандони дастгоҳи марказии Агентӣ бинои нави маъмуриро ба истифода доданд, ёдовар шуда, барои ин дастгириҳо ба Пешвои муаззами миллат изҳори сипос намуд. «Маҳз ҳидояту раҳнамоиҳои Президенти мамлакат муҳтарам Эмомалӣ Раҳмон барои кормандони Агентӣ дар иҷрои вазифаҳои хизматӣ баҳри ҳифзи манфиатҳои иқтисодии давлат, таъмини ҳуқуқу озодиҳои инсон ва шаҳрванд, тақвияти муқовимати дастаҷамъона ҷиҳати паст намудани шиддати омилҳои коррупсионӣ рӯҳу илҳоми тоза бахшиданд»,-гуфт мавсуф.
Сулаймон Султонзода дар ин рӯз дар ҷодаи хизмати бошарафу пурмасъулият ба нафъи давлат, Ватан ва халқи Тоҷикистон ба ҳар яки онҳо саломатӣ, азму иродаи қавӣ ва барори кор орзу намуд.
Сипас вобаста ба таҷлили ин санаи муҳим як гурӯҳ кормандони Агентӣ маърӯзаҳо намуда, дар бораи дастоварду муваффақиятҳои мақомот тайи 13 соли фаъолият ибрози андеша карданд.
Дар охири ҳамоиши тантанавӣ бахшида ба ҷашни касбӣ якчанд нафар кормандони мақомот барои намунавор иҷро намудани вазифаҳои хизматӣ, садоқатмандӣ, эҳтиром ба арзишҳои миллию давлатдорӣ бо мукофотҳо сарфароз гардонида шуданд.
Дар Душанбе нақшаи даъвати тирамоҳии ҷавонон ба сафи Қувваҳои Мусаллаҳи Ҷумҳурии Тоҷикистон пурра иҷро гардид
Байни Суди Олии Тоҷикистон ва Созмони умумиҷаҳонии моликияти зеҳнӣ Ёддошти тафоҳум оид ба ҳамкорӣ ба имзо расид
Дар Тоҷикистон нақшаи даъвати тирамоҳӣ ба сафи Қувваҳои Мусаллаҳ 84 фоиз иҷро шуд
Дар ноҳияи Исмоили Сомонии шаҳри Душанбе нақшаи даъвати ҳарбӣ 100 фоиз иҷро гардид
Намояндагони мақомоти судии Тоҷикистон ва Узбекистон дар Минск густариши муносибатҳои судӣ-ҳуқуқиро баррасӣ намуданд
Ноҳияи Шоҳмансури шаҳри Душанбе нақшаи даъвати ҳарбиро 100 фоиз иҷро намуд
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Хуҷанд 100 фоиз иҷро гардид
Машварати понздаҳуми Шурои марказии Ҷамъияти ихтиёрии мусоидат ба артиш, авиатсия ва флоти ИДМ доир шуд
Бонки миллии Тоҷикистон ҳушдор медиҳад, ки ҳангоми истифодаи хизматрасонии бонкии рақамӣ эҳтиёткор бошед
Ҷавонони шаҳри Турсунзода бо гирифтани шаҳодатномаи ронандагӣ ба хизмати ҳарбӣ рафтанд
Хадамоти ҳифзи давлатии объектҳо оид ба муҳофизати шаҳраки Ғарми ноҳияи Рашт бо нақлиёти махсуси оташнишонӣ таъмин гардид
ДАЪВАТИ ТИРАМОҲӢ. Дар Муъминобод ба 20 ҷавон шаҳодатномаи ронандагӣ супорида шуд
