Филми «Хаёлфурӯш»-и Шарофат Арабова соҳиби ҷоизаи «Golden Begonia Award» гардид
ДУШАНБЕ, 29.01.2020. /АМИТ «Ховар»/. Дар шаҳри Литсани музофоти Юнанни давлати Чин дар 7 -умин Кинофестивали ҷаҳонии филмҳои хурд (7th Asian Micro Film Art Festival) филми «Хаёлфурӯш» миёни филмҳо аз 20 мамлакати ҷаҳон соҳиби ҷоизаи “Golden Begonia Award” (Бегонияи тиллоӣ) гардид. Дар ин бора аз Муассисаи давлатии «Тоҷикфилм» ба АМИТ «Ховар» иттилоъ доданд.
Коргардони филми мазкур Шарофат Арабова буда, он соли 2017 дар ҳамкорӣ байни Муассисаи давлатии «Тоҷикфилм» ва студияи кинои ҳиндии «Марудхар Артс» истеҳсол шудааст. Филми мазкур аз рӯи асари нависандаи маъруфи ҳиндӣ Робиндранат Такур – «Кобулӣ» ба навор гирифта шудааст. Филми мазкур мавзӯи дӯстӣ ва меҳру шафқатро миёни одамон ба тасвир мекашад. Дар филм ҳунарпешаи ҳиндӣ Пушпендра Сингх ва Мафтунаи Одилҷон нақши асосиро иҷро намудаанд.
Мавриди зикр аст, ки қабл аз ин филми мазкур дар кинофестивалҳои бонуфузи ҷаҳонӣ, аз ҷумла 5-умин Кинофестивали осиёӣ дар Испания, 4-умин Кинофестивали Кашмир, 16-умин Кинофестивали осиёии Мумбай-чашми сеюми давлати Ҳиндустон, 2-юмин Кинофестивали ҷаҳонии занона дар шаҳри Асвани давлати Миср, Кинофестивали ҷаҳонии «Само»-и Шветсия, Кинофестивали байналмилалии занона дар шаҳри Ҳироти Ҷумҳурии Исломии Афғонистон, Кинофестивали ҷаҳонии «Ҷогҷа-Нетпак»-и Индонезия ва 16-умин Кинофестивали байналмилалии Бангладеш иштирок намуда, сазовори «Диплом» ва ҷоизаҳо гардидааст.
Дар назар аст, ки ҳамчунин миёни 20-гонаи филмҳо аз 20 мамлакати ҷаҳон барои соли 2020 филми «Хаёлфурӯш» дар мамлакати Бангладеш манзури тамошобинон мегардад.
Ҷоизаи «Бегонияи тиллоӣ» охирин ҷоизаест, ки филми «Хаёлфурӯш» соҳиби он гардид. Дархосткунандагон метавонанд филми «Хаёлфурӯш»-ро дар сомонаи ҷаҳонии «Ютуб» тамошо намоянд.
Дар шаҳри Норак 2 ёдгории бостонӣ кашф ва таҳқиқ карда шуд
Дар Душанбе дуюмин Синамоҷашнвораи байналмилалӣ «Тоҷи сомон» баргузор мегардад
Дар театри Муҳаммадҷон Қосимов намоишномаи «Ман Таҳминаам…» аз рӯи достони «Шоҳнома» пешниҳод мегардад
Бо ташаббуси Агентии ҳифзи мероси таърихию фарҳангӣ дар ноҳияи Ховалинг Рӯзи Ваҳдати миллӣ ҷашн гирифта шуд
Шоири халқии Тоҷикистон Камол Насрулло: «Ҳақиқат ин аст, ки Пешвои миллат ваҳдатро бунёд гузошту таҳким доду қавӣ сохт»
Дар Осорхонаи миллӣ гӯшаи доимоамалкунандаи «Ваҳдати миллӣ» ташкил гардидааст
Тамоми комёбиҳои миллат ва саодати рӯзгори мардум аз иттиҳоди миллӣ ибтидо мегирад
«ЭМОМАЛӢ РАҲМОН – МЕЪМОРИ СУЛҲУ ВАҲДАТ». Дар Вазорати фарҳанг ҳамоиши илмӣ доир гардид
Таҳти унвони «Қисса ва ҳикояҳо» китоби Абдурофеъ Рабизода нашр гардид
«ДАР МЕҲМОНИИ ДУШАНБЕ». Фестивали байналмилалии эҷодиёти бадеии кӯдакон ва наврасони ИДМ оғоз гардид
Дар Агентии ҳифзи мероси таърихию фарҳангӣ таҳти унвони «Ваҳдати миллат — бақои миллат!» ҳамоиш баргузор шуд
Дар ёдгории Ҳалқаҷари ноҳияи Хуросон бозёфти нодири таърихӣ — «обкӯзаи хонуми Сагкин» кашф гардид
