«Гар бихоҳӣ умри ҷовид, як ниҳоле сабз кун»- намоиши фарҳангию кишоварзӣ дар ноҳияи Ёвон

Январь 20, 2020 14:33

ДУШАНБЕ, 20.01.2020 /АМИТ «Ховар»/. Ба истиқболи ҷашни бостонии Сада дар боғи «Ғалаба»-и шаҳраки Ёвон таҳти унвони «Гар бихоҳӣ умри ҷовид, як ниҳоле сабз кун» намоиши фарҳангию кишоварзӣ баргузор гардид. 

Тавре аз мақомоти иҷроияи ҳокимияти давлатии ноҳия ба АМИТ «Ховар» хабар доданд, дар намоиш  раиси ноҳия ва фаъолону меҳмонон иштирок намуданд. Зимни намоиши мазкур ҳунармандону кишоварзони  ҷамоатҳои шаҳраку деҳот  ҳунарҳои хеш,  аз қабили кашидадӯзию чеварӣ, бофандагию ресандагӣ, рассомию кандакорӣ, маҳсулоти кишоварзӣ ва ниҳолу гулу буттаҳоро ба маърази бинандагон гузоштанд.

Раиси ноҳияи Ёвон  Ҷамшед Саидзода изҳор дошт, ки «Сада яке аз ҷашнҳои мавсимию маросимии мардуми ориёитабор, аз ҷумла ниёгони тоҷикон буда, дар гузашта он ҳамчун рамзи бузургдошти Офтоб, омодагӣ ба кишту кори баҳорӣ ва муждаи Наврӯз таҷлил карда мешуд. Ҷашни Сада рамзи рафтани нимаи зимистон аст, ки ба мардум муждаи баҳор меоварад ва деҳқононро ба кишту кори саҳро омода менамояд».

Самараи истиқлоли Тоҷикистон аст, ки суннатҳо ва анъанаҳои арзишманди аҷдодонамон, аз ҷумла иди ба гӯшаи фаромӯшӣ рафтаи Сада имрӯз аз нав эҳё шудаанд.

Дар хотимаи намоиш барномаи консертии ҳунармандон ва ҳаваскорони ноҳия таҳти унвони «Сада омад, ки туро мужда диҳад аз Наврӯз» манзури ҳозирин гардонида шуд.

Январь 20, 2020 14:33

Хабарҳои дигари ин бахш

Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
Дар Неругоҳи барқи обии «Роғун» роботи махсуси кафшерӣ ба истифода дода шуд
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд
Ангури хуштаъми Тоҷикистон дар бозорҳои шаҳри Самара ба фурӯш гузошта шудааст