ОБУ ҲАВО: Имрӯз дар Тоҷикистон ҳаво тағйирёбанда мешавад

ДУШАНБЕ, 08.01.2020. /АМИТ «Ховар»/.  8-9 январ дар бештари ноҳияҳои вилояти Хатлон, Суғд  ва ноҳияҳои тобеи марказ фаромадани туман дар назар буда, дурии биниш дар ағбаҳо то 300 метрро ташкил медиҳад. Дар роҳҳои нақлиётгарди минтақаҳои кўҳӣ яхбандӣ дар назар аст. Инчунин  дар ин рӯзҳо дар ноҳияҳои кўҳии ноҳияҳои тобеи марказ ва нишебиҳои ҷанубии қаторкўҳҳои Ҳисор фаромадани тарма аз эҳтимол дур нест. Дар ин бора аз Агентии обуҳавошиносии Тоҷикистон ба АМИТ «Ховар» хабар доданд.

Ба иттилои Агентии обуҳавошиносӣ, имрӯз дар Вилояти Мухтори Кӯҳистони Бадахшон ҳаво тағйирёбанда шуда, шабона ва саҳар дар баъзе ноҳияҳо барфи суст меборад.  Рӯзона ҳавои  бебориш мешавад.  Дар  баъзе ноҳияҳо туман мефарояд.  Шамол аз самти ғарб бо суръати 3-8 метр дар як сония мевазад. Ҳаво дар водиҳо  шабона  0-5  дараҷа хунук ва рӯзона 2+7 дараҷа     гарм мешавад. Дар  ноҳияҳои кӯҳӣ  ҳаво шабона 7-12  ва рӯзона 1-6 дараҷа хунук мешавад.

Ҳаво дар вилояти Суғд тағйирёбанда шуда,  рӯзона ҳавои бебориш дар назар аст.  Дар  ноҳияҳои алоҳида туман мефарояд.  Шамол  аз  самти ғарб бо суръати  3-8   метр дар як  сония мевазад. Ҳаво дар водиҳо шабона аз 4 дараҷа хунук то 1 дараҷа гарм  ва рӯзона 0+5 дараҷа гарм мешавад. Дар ноҳияҳои кӯҳӣ ҳаво шабона 10-15 ва   рӯзона   1-6 дараҷа хунук мешавад.

Дар вилояти Хатлон   ҳавои тағйирёбандаи бебориш мешавад.  Танҳо  шабона дар баъзе ноҳияҳои доманакӯҳ барфи суст борида, дар  ноҳияҳо туман мефарояд. Шамол аз самти  ғарб бо суръати  3-8 метр дар як сония мевазад. Ҳаво дар водиҳо  шабона аз 4 дараҷа хунук то 1 дараҷа гарм  ва рӯзона 6+11 дараҷа гарм мешавад. Дар  доманакӯҳҳо ҳаво шабона 0-5  дараҷа хунук ва рӯзона аз 2 дараҷа гарм то 3 дараҷа хунук мешавад.

Дар шаҳру ноҳияҳои тобеи марказ ҳаво тағйирёбанда шуда,  рӯзона ҳавои  бебориш мешавад.  Дар  ноҳияҳо туман мефарояд. Шамол аз самти  ғарб бо суръати 3-8  метр дар як сония  мевазад.  Ҳаво  дар водиҳо  шабона  0-5 дараҷа хунук ва рӯзона 2+7  дараҷа гарм мешавад. Дар  ноҳияҳои кӯҳӣ ҳаво шабона  7-12  ва  рӯзона 1-6 дараҷа хунук  мешавад.

Дар  шаҳри Душанбе  ҳаво тағйирёбанда шуда, шабона ва саҳар дар баъзе ҳолатҳо барфи суст меборад.  Рӯзона ҳавои  бебориш пешбинӣ шудааст.     Шамол аз самти  ғарб бо суръати 2-7  метр дар як сония   мевазад.  Ҳаво шабона 1+3 дараҷа хунук  ва  рӯзона 4+6 дараҷа гарм мешавад.