Прокурори генералӣ: 113 нафар пайрави ташкилоти террористию экстремистии «Ихвон -ул-муслимин» дар Тоҷикистон дастгир гардидаанд
ДУШАНБЕ, 28.01.2020 /АМИТ «Ховар»/. Аз ҷониби мақомоти ҳифзи ҳуқуқи Тоҷикистон 113 нафар аъзои ташкилоти террористию экстремистии «Ихвон-ул-муслимин» ё «Бародарони мусулмон» дар қаламрави ҷумҳурӣ дастгир шуда, нисбат ба онҳо парвандаи ҷиноятӣ оғоз карда шудааст.
Прокурори генералии Ҷумҳурии Тоҷикистон Юсуф Раҳмон 28 январ дар нишасти матбуотӣ ба намояндагони расонаҳои хабарӣ гуфт, ки аз 113 нафар, ки ба пайравӣ аз ташкилоти террористию экстремистии «Ихвон-ул-муслимин» ба ҳабс гирифта шудаанд, 20 нафараш кормандони муассисаҳои олӣ, як нафар корманди мақомоти иҷроияи ҳокимияти давлатии шаҳри Исфара ва ду нафар шаҳрванди хориҷӣ мебошанд.
Прокурори генералии Ҷумҳурии Тоҷикистон овозаҳоро доир ба дастгир гардидани як нафар корманди Дастгоҳи иҷроияи Президенти ҷумҳурӣ ва як нафар корманди Вазорати тандурустӣ ва ҳифзи иҷтимоии аҳолии мамлакат бо ҷурми пайравӣ аз созмони террористию экстремистии «Ихвон-ул-муслимин» рад кард.
Юсуф Раҳмон афзуд, ки аз ҷониби кормандони мақомоти Прокуратураи генералӣ дар ҳамкорӣ бо дигар мақомоти марбутаи мамлакат — Кумитаи давлатии амнияти миллӣ, Вазорати корҳои дохилии ҷумҳурӣ нисбат ба дастгир намудани дигар аъзои ин ташкилоти террористию экстремистӣ корҳои фаврӣ-ҷустуҷӯӣ ва тафтишотӣ идома доранд.
Бояд зикр кард, ки дар асоси ҳалномаи Суди Олии Ҷумҳурии Тоҷикистон ташкилоти «Ихвон-ул-муслимин» созмони террористию экстремистӣ эълон шуда, фаъолияти он ва узвият дар он дар мамлакат тибқи қонунгузории Ҷумҳурии Тоҷикистон ҷиноят эътироф гардида, манъ шудааст.
Ҳадафи асосии ташкилоти террористию экстремистии «Ихвон-ул-муслимин» сарнагун кардани ҳокимият бо роҳи зӯрӣ ва бунёд кардани давлати исломӣ мебошад.
Созмони террористию экстремистии «Ихвон-ул-муслимин»- соли 1928 дар Миср таъсис дода шудааст. Ин ташкилоти террористӣ дар бархе аз давлатҳои шимоли Африқо ва Шарқи Наздик нуфуз дорад. Пайравони ин ташкилоти террористӣ ҳангоми табаддулоти давлатӣ, ки бо номи «Баҳори Араб» дар Миср соли 2011 ба вуқӯъ пайваст, роҳбари худ Муҳаммад Мурсиро дар Миср ба сари қудрат оварданд, ки баъдан аз ҷониби артиши Миср сарнагун гардид.
«Нозирони навраси ҳаракат»-и Тоҷикистон дар озмуни байналмилалӣ соҳиби ҷойи якум гардиданд
Бахшида ба ҷашни Истиқлоли давлатӣ бо иштироки кормандзанони мақомоти корҳои дохилӣ ҳамоиши идона доир гардид
Амнияти киберӣ яке аз муҳимтарин унсурҳои амнияти миллии Тоҷикистон мебошад
Ҳайати Тоҷикистон дар вохӯрии сеюми «Шабакаи занон GLO.ACT» иштирок менамояд
Дар ноҳияи Рӯдакӣ оид ба нақши шаҳрвандон дар таҳкими Истиқлоли давлатӣ ва ваҳдати миллӣ мулоқот доир гардид
«SOS». Барномаи мобилие, ки дар ҳолатҳои фавқулода ба шаҳрвандон кумак мерасонад
Тоҷикистон ва шарикони минтақавию байналмилалӣ ҳамкориро дар самти идоракунии хавфҳои иқлимӣ тақвият медиҳанд
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
Масъалаҳои таҳкими ҳамкории Тоҷикистон ва Чин дар самти мубориза бо ҷинояткорӣ баррасӣ гардиданд
