Сафири Тоҷикистон бо вазирони корҳои хориҷӣ ва иқтисодии Малайзия мулоқот анҷом дод
ДУШАНБЕ, 11.01.2020 /АМИТ «Ховар»/. 9 январ дар Путраҷая мулоқотҳои Сафири Тоҷикистон дар Малайзия Ардашер Қодирӣ бо Вазири корҳои хориҷии Малайзия Дато Сайфуддин ибни Абдуллоҳ ва Вазири корҳои иқтисодии Малайзия Дато Сри Муҳаммад Азмин Алӣ баргузор гардид.
Тавре АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад, Сафири Ҷумҳурии Тоҷикистон Ардашер Қодирӣ ва Вазири корҳои хориҷии Малайзия Дато Сайфуддин ибни Абдуллоҳ доир ба масъалаҳои тавсиа ва таҳкими бештари ҳамкориҳои Тоҷикистону Малайзия дар соҳаҳои сиёсӣ, иқтисодиву тиҷоратӣ ва фарҳангиву омӯзишӣ, инчунин омодагӣ ба сафари расмии Вазири корҳои хориҷии Ҷумҳурии Тоҷикистон ба Малайзия табодули назар намуданд.
Дар поёни мулоқот даъватномаи Сарвазири Ҷумҳурии Тоҷикистон ба унвони Сарвазири Малайзия ҷиҳати иштирок дар Конфронси дуюми байналмилалии сатҳи баланд оид ба Даҳсолаи байналмилалии амал «Об барои рушди устувор, 2018-2028», ки 18-20 июни соли 2020 дар Душанбе баргузор мегардад, тақдим гардид.
Инчунин 9 январ дар Путраҷая Сафири Ҷумҳурии Тоҷикистон Ардашер Қодирӣ дар мулоқот бо Вазири корҳои иқтисодии Малайзия Дато Сри Муҳаммад Азмин Алӣ тавсеаи ҳамкории тиҷоративу иқтисодӣ байни ду кишвар ва роҳҳои татбиқи онро мавриди баррасӣ қарор дод.
Ҳар ду ҷониб таъкид намуданд, ки иқтидори саноативу зироатии Тоҷикистону Малайзия имкони афзоиши ҳаҷми табодули тиҷоратӣ ва таҳкими равобити иқтисодиро фароҳам меоварад ва ҳар ду ҷонибро мебояд дар татбиқи он иқдом намоянд.
Аксҳои аз ВКХ ҶТ
Дар Прага таҳкими ҳамкории Тоҷикистон ва Чехия баррасӣ гардид
Санадҳои нави ҳамкорӣ барои тақвияти робитаҳои дуҷонибаи Тоҷикистону Узбекистон шароити мусоид фароҳам меоранд
РАВАНДИ ОБИ ДУШАНБЕ. Тоҷикистон барои пешбурди рӯзномаи ҷаҳонии об тамоми кӯшишро ба харҷ медиҳад
Тоҷикистон бо Созмони ҷаҳонии сайёҳӣ ҳамкориро тақвият мебахшад
Сафири Тоҷикистон дар мулоқот бо Губернатори замини Штирияи Австрия иштирок намуд
Дар Амстердам Ҷашни байналмилалии Наврӯзро таҷлил намуданд
Дар Ҷумҳурии Корея таҳти унвони «Наврӯз — пули пайвандгари фарҳангҳо ва тамаддунҳо» ҳамоиш доир гардид
РАВАНДИ ОБИ ДУШАНБЕ. Чорабиниҳои иловагӣ барои таблиғи идеяҳои калидӣ платформаи иловагӣ фароҳам меоранд
Ҷашни байналмилалии Наврӯзро дар шаҳри Ҳамбург таҷлил намуданд
Дар доираи Конфронси Душанбе оид ба Даҳсолаи амал «Об барои рушди устувор» шаш ҷаласаи мавзуӣ баргузор мегардад
Дар Ҷумҳурии Корея Наврӯзро пуршукуҳ таҷлил намуданд
