Волидайни 8 нафар ноболиғ, ки ба бозиҳои зараровари компютерӣ машғул буданд, ҷарима гардиданд
ДУШАНБЕ, 16.01.2020 /АМИТ «Ховар»/. Кормандони Хадамоти пешгирии ҳуқуқвайронкунӣ дар байни ноболиғон ва ҷавонони Вазорати корҳои дохилии Ҷумҳурии Тоҷикистон дар марказҳои бозиҳои компютерии ноҳияи Синои шаҳри Душанбе санҷиш гузарониданд. Дар натиҷаи санҷиш дар маркази бозиҳои компютерӣ, воқеъ дар кӯчаи Ҳуснободи ноҳияи мазкур, ки ба шаҳрванд Мансур Ҷалолов тааллуқ дорад, муайян гардид, ки 8 нафар ноболиғ ва 11 нафар ҷавон ба бозиҳои зараровари компютерӣ машғул буданд. Барои иҷозат додани ноболиғон ба ин марказ нисбат ба соҳибмулки номбаршуда санади зарурӣ тартиб дода, фаъолияти ин марказ муваққатан қатъ карда шуд.
Тавре аз маркази матбуоти Вазорати корҳои дохилӣ ба АМИТ «Ховар» иттилоъ доданд, корамандони ХПҲНҶ бо ин ҷавонон ва ноболиғон суҳбатҳои манфиатовар доир намуда, ба онҳо зарари бозиҳои компютерии дорои хусусияти зуроварӣ ва даҳшату ваҳшониятро фаҳмониданд.
Нисбат ба падару модарони ин ноболиғон дар асоси моддаи 90-и Кодекси ҳуқуқвайронкунии маъмурии Ҷумҳурии Тоҷикистон санади маъмурӣ тартиб дода шуда, ҷарима татбиқ карда шуд.
Тибқи иттилои манбаъ, кормандони Хадамоти пешгирии ҳуқуқвайронкунӣ дар байни ноболиғон ва ҷавонони ВКД бо мақсади пешгирии ҳуқуқвайронкунии ноболиғон, машғул гардидан ба амалҳои ношоиста ва ҷалби онҳо ба мутолиаи китоб, инчунин аз худ кардани барномаҳои таълимӣ пайваста дар муассисаҳои таълимӣ бо хонандагон вохӯриву суҳбатҳои мақсаднок доир менамоянд.
«Мутаассифона, ҳанӯз ҳам ба мушоҳида мерасад, ки бархе ноболиғон вақти пурқимати худро беҳуда, дар марказҳои бозиҳои компютерӣ мегузаронанд.
Санҷиши навбатие, ки дар ноҳияи Синои шаҳри Душанбе аз ҷониби кормандони Хадамоти пешгирии ҳуқуқвайронкунӣ дар байни ноболиғон ва ҷавонони ВКД доир гардид, якчанд далелҳоро дар ин самт ошкор кард»,- афзуд манбаъ.
Дар Душанбе оид ба таҳкими ҳамкории минтақавӣ дар самти коҳиши хавфи офатҳо вохӯрӣ доир шуд
Маркази тадқиқоти стратегии Тоҷикистон бо Институти осиёии дипломатия ва муносибатҳои байналмилалии Непал Ёддошти тафоҳум ба имзо расонид
Муовини Сарвазири Тоҷикистон дар Конфронси минтақавии сатҳи баланд вобаста ба пешгирии зӯроварӣ нисбат ба кӯдакон иштирок намуд
Густариши ҳамкорӣ дар самти татбиқи системаҳои рақамӣ дар раванди таълим бо намояндагони Бунёди аврупоии маориф баррасӣ шуд
Дар муассисаҳои кумаки аввалини тиббию санитарии Тоҷикистон шакли намунавӣ амалӣ мегардад
ИМРӮЗ — РӮЗИ БАЙНАЛМИЛАЛИИ ЗАНОНИ ДЕҲОТ. Фаъолияти Раҳима Салимова дар деҳа намунаи ибрат аст
Маркази тадқиқоти стратегии Тоҷикистон ва Гурӯҳи муассисаҳои MERI-и Ҳиндустон ҳамкориро тақвият мебахшанд
РӮЗИ ҶАҲОНИИ КОҲИШИ ХАТАРИ ОФАТҲОИ ТАБИӢ. Барои пешгирӣ аз пайомадҳои офатҳои табиӣ шаҳрвандон низ бояд масъулиятшинос бошанд.
Байни Маркази тадқиқоти стратегии Тоҷикистон ва Институти Чин ва Осиёи муосири Академияи илмҳои Русия Ёддошти тафоҳуми ҳамкорӣ ба тасвиб расид
Тавассути «Почтаи Тоҷикистон» беш аз 27 миллион рӯзномаю маҷалла ба мизоҷон расонида шуд
Дар Душанбе Форуми дуюми коршиносии «Осиёи Марказӣ – Русия: рӯзномаи рушди муштарак» ба кори худ оғоз намуд
СИРДАРЁ МУТТАҲИД МЕНАМОЯД. Дар Гулистон Форуми сеюми ҷавонони ҳавзаи дарёи Сир – 2025 баргузор мегардад
