Дар Германия ба омӯзиши забони тоҷикӣ таваҷҷуҳи махсус дода мешавад
ДУШАНБЕ, 16.02.2020. /АМИТ «Ховар»/. Дар Германия ба омӯзиши забони тоҷикӣ таваҷҷуҳи махсус дода мешавад. Ин матлаб 14 феврал зимни мулоқоти Вазири маориф ва илми Ҷумҳурии Тоҷикистон Муҳаммадюсуф Имомзода ва Сафири Фавқулода ва Мухтори Ҷумҳурии Федеративии Германия дар Тоҷикистон Андреас Протманн баён гардид. Дар ин бора АМИТ «Ховар» бо истинод ба Вазорати маориф ва илми Ҷумҳурии Тоҷикистон хабар медиҳад.
Зимни мулоқот Муҳаммадюсуф Имомзода ва Андреас Протманн аз ҳамкории ҷойдошта дар соҳаи маориф ва илм ибрози назар намуда, аз ҷумла зикр карданд, ки ҳамкории Тоҷикистону Германия дар асоси Протоколи ҳамасолаи гуфтушунидҳои Комиссияи муштараки байниҳукуматӣ оид ба ҳамкории молиявӣ ва техникӣ ва барномаҳое, ки аз ҷониби Ҷамъияти ҳамкории байналмилалии Германия (GIZ) дар Тоҷикистон амалӣ мегарданд, ба роҳ монда шудааст.
Иттилоъ дода шуд, ки айни замон дар 4 муассисаи таҳсилоти олии касбии Тоҷикистон таълими забони немисӣ ба роҳ монда шуда, наздик ба 200 нафар шаҳрвандони Тоҷикистон дар муассисаҳои таҳсилоти олии касбии Германия таҳсил менамоянд.
Андреас Протманн зикр кард, ки дар Германия ба омӯзиши забони тоҷикӣ таваҷҷуҳи махсус дода шуда, донишҷӯёни германӣ дар лагерҳои тобистона забони тоҷикиро меомӯзанд.
Ҳамзамон, ҷонибҳо ба мувофиқа расиданд, ки минбаъд дар самти зиёд намудани теъдоди бурсияҳо, табодули таҷрибаи ҳайати омӯзгорону профессорон, омӯзиши таҷрибаи якдигар дар самти таҳсилоти томактабӣ ва такмили ихтисоси омӯзгорон ва баргузор кардани чорабиниҳои муштарак ҳамкориро вусъат мебахшанд.
Беш аз 23 ҳазор нусха китобҳои Китобхонаи миллии Тоҷикистон ба шаҳру ноҳияҳои ҷумҳурӣ фиристода шуд
«ДӮСТИИ АБАДӢ». Таҳту чунин унвон барномаи фарҳангии Тоҷикистон ва Қирғизистон доир мегардад
Собиқ Вазири фарҳанги Ҷумҳурии Тоҷикистон Тамара Абдушукурова аз олам даргузашт
Ҷаласаи вазирони фарҳанги давлатҳои аъзои Созмони ҳамкории Шанхай доир гардид
Имсол дар Академияи миллии илмҳои Тоҷикистон 8 озмоишгоҳи замонавӣ ба истифода дода шуд
ҲАРГИЗ НАМИРАД ОН КИ ДИЛАШ ЗИНДА ШУД БА ИШҚ. Девони Ҳофиз дар Тоҷикистон беш аз сад маротиба ба нашр расидааст
КУЛОЛГАРӢ. Саразми бостон яке аз нахустин марказҳои кулолгарии Осиёи Марказӣ будааст
Барномаи консертии арбобони санъати Тоҷикистон ва Қирғизистон таҳти унвони «Дӯстии абадӣ» доир мегардад
«ҚАЛАМДОРӢ-МАСЪУЛИЯТИ ВАТАНДОРИСТ». Таҳти ин унвон маҳфили адабии нависанда Садриддин Ҳасанзода доир шуд
Дар Душанбе бахшида ба Рӯзи маъюбон ҳамоиши фарҳангӣ доир шуд
Дар Душанбе намоиши дастнависҳо, нусхаҳои чопи сангӣ ва хушнависиҳои ашъори Ҳофизи Шерозӣ баргузор шуд
Мехоҳед таътили тобистонаи фарзандатон босамар гузарад? Пас ба Китобхонаи миллии Тоҷикистон биёяд
