Дар Ваҳдат ширкатҳои сайёҳии «Карон-Тур» ва «Канаск-Тур» таъсис гардиданд

Февраль 7, 2020 15:56

ВАҲДАТ, 07.02.2020 /АМИТ «Ховар»/.  Соҳаи сайёҳӣ дар шаҳри Ваҳдат дар ҳоли  рушд қарор дошта,  соли 2019 ба шаҳр зиёда аз 137 ҳазор сайёҳон ташриф оварданд. Аз ин шумора 1500 нафарашон шаҳрвандони хориҷӣ мебошанд. Ҳамчунин дар ин давра аз ҷониби соҳибкорони ватанӣ ширкатҳои сайёҳии «Карон-Тур» ва «Канаск-Тур» таъсис гардиданд, ки барои рушди  соҳаи мазкур шароити мусоид фароҳам меоваранд. Ин матлабро раиси шаҳри Ваҳдат Раҳмоналӣ Амирзода зимни нишасти матбуотӣ баён дошт.

Зикр шуд, ки дар доираи саноатикунонии мамлакат соли 2019 дар шаҳри Ваҳдат  5 коргоҳи дӯзандагӣ, як дӯкони истеҳсоли маҳсулоти ҳунарҳои мардумӣ,  як  корхонаи коркарди маҳсулоти чармӣ ва ранг кардани он,  корхонаҳои коркарди металлҳои ранга,  истеҳсоли  маҳсулоти қаннодӣ, 5 корхонаи истеҳсоли гӯшти мурғ ва забҳи паранда ба фаъолият оғоз бахшиданд.

Натиҷаи фаъолияти 83 коргоҳу корхонаҳои истеҳсолию саноатӣ буд, ки вазъи иҷтимоию иқтисодии шаҳр рӯ ба афзоиш ниҳода, ҳаҷми истеҳсоли маҳсулоти саноатӣ нисбат ба ҳамин давраи соли гузашта 2,6 фоиз зиёд гардид.

Айни замон дар шаҳри Ваҳдат 12 ҳазору 589 нафар  шахсони воқеӣ ва ҳуқуқӣ ба соҳибкорӣ машғул мебошанд,  ки аз онҳо 64 фоизашон ба истеҳсолоти кишоварзӣ ва 36 фоизашон ба корҳои хизматрасонию савдо машғуланд.

Февраль 7, 2020 15:56

Хабарҳои дигари ин бахш

Тоҷиддин Ҷӯразода дар қароргоҳи СММ доир ба таъсири пандемияи COVID-19 ва тағйирёбии иқлим ба соҳаи сайёҳии Тоҷикистон сухан гуфт
Форуми саёҳативу тиҷоратии Тоҷикистон ва Узбекистон ба ҳамкорӣ дар бахши сайёҳӣ тавсеа мебахшад
Тоҷиддин Ҷӯразода ва Зураб Пололикашвили дар Ню-Йорк дурнамои рушди соҳаи сайёҳиро баррасӣ карданд
Намояндагони ширкатҳои сайёҳии Узбекистон аз маконҳои сайёҳии вилояти Суғд дидан менамоянд
Ба объектҳои табиӣ ва таърихию фарҳангӣ «Шиносномаи объекти сайёҳӣ ҳамчун дастоварди миллӣ» дода мешавад
Нақшаи рушди устувори сайёҳӣ ба идоракунии туризм аз рӯи захираҳои табиӣ ва фарҳангӣ мусоидат менамояд
САЙЁҲИИ МОҲИДОРӢ-САМТИ АФЗАЛИЯТНОК. Дар Тоҷикистон туризми шикори моҳӣ тавассути хатсайрҳо ба роҳ монда мешавад
Дар Душанбе бо иштироки роҳбарону намояндагони ширкатҳои сайёҳии Тоҷикистон ҳамоиш доир гардид
Кумитаи рушди сайёҳӣ дар як қатор шаҳру ноҳияҳои Тоҷикистон даврҳои омӯзишӣ мегузаронад
Мудири Агентии иттилоотии сайёҳии Арабистони Саудӣ бо гурӯҳи фаъолони шабакаҳои интернетии кишвараш ба Тоҷикистон меояд
Тоҷикистон ва Литва ҳамкории судмандро дар соҳаи сайёҳӣ таҳким мебахшанд
Озарбойҷон хостори тавсеаи ҳамкорӣ дар соҳаи сайёҳӣ бо Тоҷикистон аст