Донишҷӯён Донишгоҳи давлатии Хуҷанд ҳунари мебелсозиро аз худ мекунанд

Февраль 28, 2020 14:58

ДУШАНБЕ, 28.02,2020. /АМИТ «Ховар»/. Ҳамкорӣ дар самти илм, инноватсия ва таълим, аз ҷумла роҳандозии лоиҳаи «Навсозии потенсиали илмӣ-истеҳсолӣ ва таълимии Парки технологӣ, ташкил ва гузаронидани курсҳои кӯтоҳмуддати мебелсозӣ барои донишҷӯён ва ҷавонон»- чунин буд муҳтавои асосии мулоқоти ректори Донишгоҳи давлатии Хуҷанд ба номи академик Бобоҷон Ғафуров Ҷамшед Ҷӯразода бо мушовири Барномаи рушди Созмони Милали Муттаҳид (БРСММ) дар Федератсияи Россия Рубен Газанчян, ки 27 феврал баргузор гардид.

Тавре ба хабарнигори минтақавии АМИТ «Ховар» масъули шуъбаи кор бо ВАО-и донишгоҳ Фаридун Ҳодибоев хабар дод, маблағи умумии лоиҳаи пешбинишуда 97 ҳазор сомониро ташкил дода, қисми асосии он барои харидории таҷҳизоту лавозимоти мебелсозӣ ва ташкили курсҳои кӯтоҳмуддати омӯзиши он пешбинӣ шудааст.

Пас аз мулоқот намояндагони Барномаи рушди Созмони Милали Муттаҳид аз намоиши ҳунарии устоҳои «Парки технологӣ»-и донишгоҳ дидан намуда, ба фаъолияти он баҳои баланд доданд.

Айни ҳол  дар донишгоҳ дар самти бурдани корҳои илмӣ 5 лоиҳа дар бахшҳои адабиётшиносӣ, шарқшиносӣ, биология ва физика амалӣ гардида, дар назар аст, ки соли 2021 боз 6 лоиҳаи дигар доир ба  масъалаи ҳунарҳои мардумӣ, сайёҳӣ, физика, илмҳои дақиқ, адабиётшиносӣ ва таърих роҳандозӣ гарданд.

Дар маҷмӯъ, имрӯз Донишгоҳи давлатии Хуҷанд ба номи академик Бобоҷон Ғафуров дар миқёси мамлакат дуюмин муассисаи калонтарин ба ҳисоб рафта, дар он аз рӯи 80 ихтисос 20822 нафар донишҷӯён таҳсил доранд. Донишгоҳ бо 50 муассисаи олӣ ва ташкилотҳои илмӣ-тадқиқотии хориҷӣ шартномаи ҳамкорӣ бастааст.

 

Февраль 28, 2020 14:58

Хабарҳои дигари ин бахш

Пагоҳ дар Душанбе ба ифтихори 115-солагии академик Бобоҷон Ғафуров Симпозиуми байналмилалии илмӣ доир мешавад
Дар Кумитаи ҳифзи муҳити зист намоиш-фурӯши китобҳои тозанашр ташкил гардид
«ТОҶИКОН» – ОИНАИ ТАЪРИХИ МИЛЛАТ». Шаҳри Душанбе бо гирифтани 2 Шоҳҷоиза, 11 ҷой ва 3 ҷойи ифтихорӣ дар ҷумҳурӣ беҳтарин дониста шуд
Сарбоз Ҳасани Назар: «Шароити муҳайëгардида дар қисмҳои низомӣ имкон дод, ки дониши худро сайқал дода, сазовори 70000 сомонӣ шавам»
Аз саҳифаҳои матбуоти даврӣ
Ғолибони Озмуни ҷумҳуриявии ««Тоҷикон» – оинаи таърихи миллат» муайян гардиданд
««ТОҶИКОН» – ОИНАИ ТАЪРИХИ МИЛЛАТ». Дар он чор нафар сазовори «Шоҳҷоиза» гардид
Беҳрӯз Сайфиддинов дар озмуни байналмилалӣ соҳиби ҷои аввал шуд
Президенти Академияи миллии илмҳои Тоҷикистон дар ҷаласаи Комиссияи давлатҳои ИДМ оид ба истифодаи неруи атомӣ бо мақсадҳои осоишта иштирок намуд
Барои дарёфти Ҷоизаи давлатии Ҷумҳурии Тоҷикистон ба номи Абӯабдулло Рӯдакӣ дар соли 2024 озмун эълон гардидааст
Дар Душанбе Озмуни ҷумҳуриявии «Китоби сол-2023» ҷамъбаст гардид
Ба «Маркази омӯзиши пиряхҳои Академияи миллии илмҳои Тоҷикистон» хроматографи ионӣ супорида шуд