«ИНТИХОБОТ ВА ЗАНОН». Номзадии 33 нафар бонувони фаъол ба вакилии маҷлисҳои маҳаллии вакилони халқи шаҳри Роғун пешбарӣ гардид

Февраль 20, 2020 16:59

РОҒУН, 20.02.2020. /АМИТ «Ховар»/. Номзадии 33 нафар занони фаъол ба вакилии маҷлисҳои маҳаллии вакилони халқи шаҳри Роғун пешбарӣ гардид. Дар ин бора дар ҳамоише, ки таҳти унвони «Интихобот ва занон» бо ташаббуси бахши кор бо занон ва оилаи мақомоти иҷроияи ҳокимияти давлатӣ дар шаҳри Роғун доир гардид, иттилоъ дода шуд. Дар ҳамоиши мазкур зиёда аз 30 нафар фаъолзанони шаҳри Роғун иштирок намуданд. Мақсади  ҳамоиш аз баланд бардоштани рӯҳияи худогоҳию хештаншиносӣ, маърифати ҳуқуқӣ, ширкати фаъолона ва саҳмгузории бонувон дар раванди маъракаи муҳими сиёсӣ — интихобот иборат буд.

Дар ҳамоиш  бонувони фаъоли аъзои Шӯрои занони шаҳр оид ба  муҳтавои  маъракаи муҳими сиёсӣ – интихоботи вакилони Маҷлиси Олии Ҷумҳурии Тоҷикистон ва маҷлисҳои маҳаллии вакилони халқ, нақши занон дар гузаронидани интихобот ва иштироки фаъолонаи онҳо, ташкили комиссияҳои ҳавзавӣ ва участкаҳои интихоботӣ, иштироки нозирон оид ба натиҷаи интихобот ва ғайра ибрози андеша намуданд.

Мудири бахши кор бо занон ва оилаи шаҳри Роғун Муқаддас Рамазонова изҳор дошт, ки  “ташкили ҳамоиши имрӯза дар арафаи интихоботи вакилон нишонаи фаъолияти хуби занон ва иштироки бевоситаи онҳо дар ин маърака аст. Интихобот яке аз маъракаҳои муҳими сиёсӣ дар идоракунии давлат маҳсуб шуда, ҳамагон дар баргузории он бояд саҳмгузор бошанд. Саҳми занон ҳамчун неруи созанда дар субот ва пешрафти давлат калон буда, нақш ва мақому манзалати занон дар ҷомеаи мо имрӯз муҳим арзёбӣ мегардад. Бе иштироки фаъолонаи занону духтарон, бидуни фикру ақида ва пешниҳодҳои онҳо ҳалли мушкилоти иҷтимоӣ-сиёсӣ ғайриимкон аст. Занону бонувон имрӯзҳо бо дастгириҳои пайвастаи Ҳукумат дар амалӣ  гаштани сиёсати иҷтимоии давлат бо қаноатмандӣ ва азму иродаи қавӣ  дар тамоми соҳаҳои ҳаёти мамлакат фаъолият намуда истодаанд, ки ин аз пешрафти ҷомеа, рушду субот ва ояндаи миллат дарак медиҳад”.

Дар ҳамоиш зикр гардид, ки солҳои охир теъдоди занони мутахассису соҳибтаҷриба дар зинаҳои мухталифи ҳокимият – мақоми олии қонунгузор, ҳокимияти судиву иҷроия ва тамоми сохтору мақомоти давлативу ҷамъиятӣ торафт афзуда, онҳо дар рушду пешрафти самтҳои гуногуни ҳаёти ҷомеа саҳми назаррас мегузоранд.

Февраль 20, 2020 16:59

Хабарҳои дигари ин бахш

Дар Тоҷикистон «Стратегияи миллии бехатарии ҳаракат дар роҳ» таҳия мегардад
Ширкати фаронсавии EDF дар дарёи Зарафшон корҳои омӯзишӣ мегузаронад
Ҳамкории Тоҷикистон ва Бонки Осиёии рушд оид ба рушди инноватсия ва технологияҳои рақамӣ таҳким меёбад
Ҳайати Тоҷикистон дар ҷаласаи Комиссияи байниҳукуматии ТРАСЕКА дар Теҳрон иштирок намуд
IRS: Роҳи Душанбе-Чанок бинобар мавҷуд будани хавфи тармафароӣ муваққатан баста шудааст
Соли 2025 дар Тоҷикистон раванди татбиқи 32 ҳуҷҷати стратегӣ мавриди баррасӣ қарор мегирад
МАСЛИҲАТИ МУТАХАССИС. Агар хоҳед меъдаатон солим бошад, аввал хӯроки моеъ истеъмол кунед
Устуворӣ ба тағйирёбии иқлим ва навоварӣ дар идораи захираҳои обӣ ва мониторинги пиряхҳо баррасӣ шуд
Дар Вазорати тандурустӣ ва ҳифзи иҷтимоии аҳолӣ машғулияти омӯзишӣ оид ба гардиши электронии ҳуҷҷатҳо гузаронида шуд
«ҒАНИМАТ ДОНАД ИН ФАСЛИ НАКӮРО…». Дар Тоҷикистон баҳор фаро расид
МАРКАЗИ «МЕҲРИ МОДАР». Занону духтарон дар он ҳунарҳои миллӣ меомӯзанд
Барои дарёфти гранти Президенти Ҷумҳурии Тоҷикистон дар соли 2025 озмун эълон гардид