Дар «Боғи Ғалаба»-и Минск Гулгашти дӯстии давлатҳои узви ИДМ бунёд мешавад
ДУШАНБЕ, 17.02.2019. /АМИТ «Ховар»/. Баҳори соли 2020 ба муносибати таҷлили 75-солагии Ғалаба дар Ҷанги Бузурги Ватании солҳои 1941-1945 дар Боғи Ғалабаи шаҳри Минск ба таъсиси Гулгашти дӯстии давлатҳои узви Иттиҳоди давлатҳои мустақил санги асос гузошта мешавад. Дар ин бора АМИТ «Ховар» бо истинод ба маркази матбуоти Кумитаи иҷроияи ИДМ хабар медиҳад.
Масъалаи таъсис додани гулгашт аз ҷониби Сафири Фавқулода ва Мухтори Ҷумҳурии Молдова дар Ҷумҳурии Беларус, Намояндаи доимии ваколатдори Ҷумҳурии Молдава дар назди мақомоти низомномавӣ ва дигар ташкилоти ИДМ Виктор Сорочан пешниҳод ва аз тарафи Шӯрои намояндагони доимии ваколатдори давлатҳои узви Иттиҳод дар назди мақомоти низомномавӣ ва дигар ташкилоти ИДМ, роҳбарияти Вазорати корҳои хориҷии Ҷумҳурии Беларус ва Кумитаи иҷроияи шаҳри Минск мавриди дастгирӣ қарор гирифт.
Барои бомуваффақият амалӣ намудани пешниҳоди мазкур кумитаи тадорукот таъсис дода шуд, ки 13 феврал дар қароргоҳи ИДМ лоиҳаи нақшаи чорабиниҳои омодагӣ ба маросими ботантана гузоштани санги асоси гулгаштро баррасӣ намуд.
Гулгашти дӯстӣ рамзе намунаи муносибати дӯстона ва муттаҳидии халқҳои давлатҳои Иттиҳод, хотирае аз Ғалабаи халқҳои шӯравӣ дар Ҷанги Бузурги Ватанӣ, нишонае аз шахсоне, ки мардуми собиқ Иттиҳоди Шӯравӣ муваззафанд барои сулҳу оромӣ аз онҳо сипосгузор бошанд, хоҳад буд.
Бунёди Гулгашти дӯстӣ дар Минск дар арафаи таҷлили 75-солагии Ғалаба дорои рамзи махсус аст. Зеро Ҷанги Бузурги Ватанӣ, ки дар Ғалаба бар он ҳамаи давлатҳои узви ИДМ саҳмгузоранд, маҳз дар сарзамини Беларус оғоз гаридидааст.
Соли 2020 дар доираи Иттиҳоди давлатҳои мустақил 75-солагии Ғалаба дар Ҷанги Бузурги Ватанӣ эълон гардидааст. Шӯрои сарони давлатҳои узви ИДМ нақшаи чорабиниҳои вобаста ба омодагӣ ва таҷлили солгарди Ғалабаро тасдиқ намудааст. Баргузории зиёда аз 70 чорабинии муштарак, ки дар ҳамаи давлатҳои узви ИДМ дар назар дошта шудааст, дар доираи нақшаи зикршуда сарут мегирад.
ДАР АКС: Сафири Ҷумҳурии Тоҷикистон дар Ҷумҳурии Беларус, Намояндаи доимии ваколатдори Ҷумҳурии Тоҷикистон дар назди мақомоти низомномавӣ ва дигар ташкилоти ИДМ Маҳмадшариф Ҳақдод ва Раиси Кумитаи иҷроия- Котиби иҷроияи ИДМ Сергей Лебедев.. Акс аз маркази матбуоти Кумитаи иҷроияи ИДМ.
Ҳамкории Тоҷикистон ва Беларус дар самти аттестатсияи кадрҳои илмӣ баррасӣ гардид
Фаррух Ҳамрализода бо сафири Подшоҳии Нидерланд дар Ҷумҳурии Тоҷикистон Нико Схермерс мулоқот намуд
Cафири Тоҷикистон бо Президенти «Маркази тиҷоратии ҷаҳонӣ»-и иёлати Ютаҳи ИМА вохӯрӣ намуд
Ҳамкории минтақавии кишварҳои Осиёи Марказӣ ва Эъломияи Хуҷанд дар Маркази Авруосиёи Шурои Атлантик баррасӣ шуд
Машваратҳои сиёсӣ байни вазоратҳои корҳои хориҷии Тоҷикистон ва Индонезия баргузор гардиданд
Дар Душанбе ҷаласаи навбатии комиссияи байниҳукуматии Тоҷикистону Эрон доир шуд
РАВАНДИ ОБИ ДУШАНБЕ. Сарвазири Тоҷикистон Конфронси чоруми байналмилалиро натиҷагирӣ намуд
РАВАНДИ ОБИ ДУШАНБЕ. Тоҷикистон мавқеи пешсафи худро дар пешбурди рӯзномаи ҷаҳонии об тасдиқ намуд
Умут Аҷар: «Дар Тоҷикистон чорабиниҳои байналмилалӣ дар сатҳи баланди ташкилӣ гузаронида мешаванд»
Сироҷиддин Муҳриддин: «Ҳамкории муассир ягона роҳи устувори ҳалли мушкилоти муштараки об мебошад»
РАВАНДИ ОБИ ДУШАНБЕ. Дар Душанбе ташаккули рӯзномаи ҷаҳонии об баъд аз соли 2030 баррасӣ шуд
Ҷонибек Ҳикмат: «Баргузории Конфронси сатҳи баланди оби Душанбе таҷассумгари саҳми шоистаи Тоҷикистон дар пешбурди рӯзномаи ҷаҳонии об мебошад»
