Маркази тадқиқоти стратегии назди Президенти Тоҷикистон ба рӯйхати 50 маркази беҳтарини таҳлилӣ дар Осиёи Марказӣ шомил шуд
ДУШАНБЕ, 11.02.2020 /АМИТ «Ховар»/. Донишгоҳи Пенсилвания (ИМА) рейтинги марказҳои пешрафтаи таҳлилӣ «Global Go To Think Tank Index Report 2019»-ро муаррифӣ намуд, ки дар он Маркази тадқиқоти стратегии (МТС) назди Президенти Ҷумҳурии Тоҷикистон ба рӯйхати 50 маркази беҳтарини таҳлилии Осиёи Марказӣ шомил гардидааст, хабар медиҳад АМИТ «Ховар».
Дар рейтинги беҳтарин марказҳои таҳлилӣ дар Осиёи Марказӣ, МТС-и назди Президенти Ҷумҳурии Тоҷикистон миёни 63 пажӯҳишгоҳи беҳтарини тадқиқотию таҳлилии Осиёи Марказӣ зинаи 37-умро ишғол намуд. МТС дар муқоиса бо соли гузашта як зина боло рафта, ин нишондодро нисбат ба соли 2017 чор мавқеъ беҳтар намудааст (он вақт Марказ зинаи 40-умро ишғол мекард – тавз. АМИТ «Ховар»).
Дар рейтинг инчунин дар зинаи 57-уми гузориш Маркази бозори озоди Тоҷикистон ҷой дода шудааст. Ин марказ дар муқоиса ба соли гузашта ду зина боло рафта, нишондоди мазкурро нисбат ба соли 2017 панҷ мавқеъ беҳтар намудааст (он вақт Марказ зинаи 62-юмро ишғол мекард – тавз. АМИТ «Ховар»).
Муаллифони рейтинг инчунин ҳисоб кардаанд, ки дар Тоҷикистон 7 маркази таҳлилӣ фаъолият мекунанд. Дар гузориш оварда шудааст, ки дар Қазоқистон 31 маркази таҳлилӣ, дар Қирғизистон — 28, дар Ӯзбекистон – 12 марказ фаъоланд, Туркманистон ба рейтинг шомил карда нашудааст.
МАЪЛУМОТИ АМИТ «ХОВАР»:
Донишгоҳи Пенсилвания (англ. University of Pennsylvania) — донишгоҳи хусусии тадқиқотии ИМА аст, ки дар Филаделфия (иёлати Пенсилвания) ҷойгир мебошад. Онро соли 1740 Бенҷамин Франклин таъсис додааст. Ин яке аз қадимтарин муассисаҳои таҳсилоти олӣ ва аввалин донишгоҳ дар ИМА мебошад.
Рейтинги солонаи марказҳои тадқиқотӣ ва таҳлилии ҷаҳон «Global Go To Think Tank Index Report» аз соли 2008 инҷониб дар доираи барномаҳои «Марказҳои коршиносию таҳлилӣ ва ҷомеаи шаҳрвандӣ» нашр мегардад.
Гузориш ба таъсиси шабакаҳои минтақавӣ ва глобалии институтҳо ва ҷомеаҳои сиёсӣ, ки имкон медиҳад самаранокии кӯшишҳои сиёсӣ дар соҳаҳои гуногуни ҳаёти ҷамъиятӣ баланд бардошта шаванд, мусоидат намуда, ба таҳкими институтҳои демократӣ ва ҷомеаи шаҳрвандӣ дар тамоми ҷаҳон хизмат мекунад.
АКС аз бойгонии АМИТ «Ховар»
«ИЛМ — ФУРӮҒИ МАЪРИФАТ». Дар шаҳри Бӯстон даври вилоятии озмуни ҷумҳуриявӣ идома дорад
«ТОҶИКИСТОН-ВАТАНИ АЗИЗИ МАН». Даври ниҳоии озмуни ҷумҳуриявӣ 30 сентябр ба анҷом мерасад
Вазири фарҳанги Тоҷикистон дар Конференсияи байналмилалӣ дар Қатар иштирок намуд
«ИСТИҚЛОЛИЯТИ ТОҶИКИСТОН ВА ЭҲЁИ МИЛЛАТ». Роҳнамои пажуҳиши осори Пешвои миллат бо ду забон таҳия гардид
Дар шаҳри Хоруғ Озмуни ҷумҳуриявии «Илм-фурӯғи маърифат» оғоз ёфт
Осорхонаҳои миллии Тоҷикистон ва Покистон ҳамкориро тақвият мебахшанд
«ИЛМ — ФУРӮҒИ МАЪРИФАТ». Дар Хатлон даври вилоятии озмун оғоз гардид
««ТОҶИКОН»-ОИНАИ ТАЪРИХИ МИЛЛАТ». Дар Ҳисор даври сеюми озмуни ҷумҳуриявӣ ҷамъбаст гардид
Дар Душанбе оид ба нақши осори Ҷалолуддини Балхӣ дар ҳамгироии фарҳангии давлатҳо дар шароити ҷаҳонишавӣ конференсияи байналмилалӣ доир шуд
Дар Душанбе Фестивали байналмилалии театрҳои лӯхтак баргузор мегардад
22 СЕНТЯБР-РӮЗИ РӮДАКӢ. Маликушшуаро бо осори гаронбаҳо, сухани равону шево ва дурдонаҳои нодири ашъораш ба адабиёти тоҷик асос гузошт
Дар Консерваторияи миллии Тоҷикистон ҷиҳати таҳқиқ ва тармими созҳои миллии мусиқӣ озмоишгоҳи омӯзишӣ таъсис дода шуд
