«Помирстон» ва «Суман» театри навбунёди Бадахшонро бо сангҳои табиии маҳаллӣ ороиш медиҳанд

Февраль 14, 2020 13:20

ДУШАНБЕ, 14.02.2020 /АМИТ «Ховар»/.  Раиси Вилояти Мухтори Кӯҳистони Бадахшон Ёдгор Файзов бо масъулини ҷамъиятҳои дорои масъулияти маҳдуди «Помирстон» ва «Суман»-и ҳудуди вилоят, ки ба тайёр намудани навъҳои гуногуни ашёи сохтмонии аз санг тайёршуда машғуланд, мулоқот анҷом дод.

Зимни он мавсуф иброз намуд, ки дар навбати аввал маҳсулоти ин ду ширкати сохтмонӣ барои ороиши театри навбунёди вилоятӣ ва атрофи он истифода хоҳад шуд. Дар ин бора аз Мақомоти иҷроияи ҳокимияти давлатии  ВМКБ ба АМИТ «Ховар» хабар доданд.

Раиси вилоят зикр кард, ки таҷрибаи фаъолияти ин ду ширкат дар бунёди Донишгоҳи Осиёи Марказӣ ва Маркази тиббии Оғохон дар шаҳри Хоруғ нишон дод, ки маҳсулоти тайёрнамудаи онҳо мутобиқ ба меъёрҳои байналмилалии сохтмонӣ мебошад. Ба андешаи раиси вилоят, идома додани ин анъана дар сохтмони муассисаҳои таълимии навбунёд ва аз нав кардани роҳравҳои марказии шаҳр ба мақсад мувофиқ мебошад.

Ёдгор Файзов  гуфт, ки ВМКБ дорои захираи бузурги сангҳои гуногуни табиӣ буда, истифодаи ин сангҳо дар сохтмонҳо, аз як тараф агар ба таъсиси ҷойҳои нави корӣ ва афзун намудани буҷаи андоз мусоидати хуб дошта бошад, аз сӯи дигар он ба намуди зоҳирии сохтмонҳо ҷилои тоза бахшида, ҳамчун манбаи ашёи сохтмонии аз ҷиҳати экологӣ тоза ва дорои муҳлати истифодаи тӯлонӣ хизмат хоҳад кард.

Дар баробари  ин дар мулоқот роҳбарони ҶДММ «Помирстон» ва ҶДММ «Суман», ки ин ду ҷамъияти ватанӣ асосан ба тарошидани сангҳои маҳаллӣ машғуланд, аз омодагии худ ҷиҳати анҷом додани фармоишҳои паймонкорон маълумот доданд.

Ба кор бурдани сангҳои табиии маҳаллӣ дар бунёди манзилҳои навсохти худуди ВМКБ аз вазифаҳои муҳими рушди минбаъдаи бахши сохтмон  ном бурда шуд.

Февраль 14, 2020 13:20

Хабарҳои дигари ин бахш

Зеҳни сунъӣ дар соҳаҳои санъати тасвирӣ ва дизайн тағйироти амиқ ба вуҷуд овардааст
Барои мукофотонидани ғолибони Озмуни ҷумҳуриявии «Шоҳномахонӣ» 2 миллиону 660 ҳазор сомонӣ ҷудо карда мешавад
ТУҲФАИ АРЗАНДАИ ПРЕЗИДЕНТИ ТОҶИКИСТОН. Ба беш аз 57 ҳазор оилаи шаҳри Ваҳдат «Шоҳнома» тақдим мегардад
ИЛМ ДАР БАЛАНДИИ ЗИЁДА АЗ 5000 МЕТР. Дар калонтарин пиряхи Тоҷикистон — Ванҷях таҳқиқоти илмӣ гузаронида шуд
Академияи миллии илмҳои Тоҷикистон бо Донишгоҳи давлатии омӯзгории Шинҷони Чин ҳамкориро тақвият медиҳад
Ёдгориҳои нодири тамаддуни тоҷикон дар Осорхонаи миллии Чин ба намоиш гузошта шуданд
Аз ҷониби нашриёти «Адиб» чор китоб ба нашр расид
Туҳфаи арзишманди Пешвои миллат — китоби «Шоҳнома» ба ноҳияи Файзобод расид
Байни консерваторияҳои Тоҷикистон ва Чин Ёддошти тафоҳум ба имзо расид
Намояндагони Шурои байналмилалии ҳунармандӣ бо намунаҳои сӯзании Панҷакент шинос шуданд
Сокинони шаҳри Роғун соҳиби туҳфаи Президенти Тоҷикистон — «Шоҳнома»-и Абулқосим Фирдавсӣ гардиданд
«АНДАЛЕБ-2025». Дар Панҷакент даври шаҳрии фестивал- озмуни ҷумҳуриявии телевизионӣ доир шуд