«Истаравшан», «Кӯктош» ва «Душанбе-83» ба нимфинали Ҷоми Лигаи футболи Тоҷикистон роҳхат гирифтанд
ДУШАНБЕ, 16.03.2020. /АМИТ «Ховар»/. Дар шаҳри Гулистони вилояти Суғд мусобиқаи Ҷоми Лигаи футболи Тоҷикистон хеле ҷолиб идома дорад. Баъди натиҷагирии бозиҳо дар ҳарсе гурӯҳ дастаҳои футболи «Кӯктош»-и Рӯдакӣ, «Душанбе-83» ва ССКА-и Душанбе ба даври нимниҳоӣ роҳ пайдо карданд. Мавзӯи мазкурро шореҳи варзиши АМИТ «Ховар» Меҳрони Қурбон шарҳ медиҳад.
Дастаи футболи «Кӯктош», ки дар гурӯҳи «А» дар ҳарcе бозӣ ба дастаҳои «Душанбе-83» бо ҳисоби 1:0, «Регар-ТадАЗ»-и Турсунзода бо ҳисоби 3:2 ва «Хатлон»-и Бохтар бо ҳисоби 5:2 пирӯз шуд, бо 9 имтиёз мақоми аввалро касб намуд. Дастаи футболи «Душанбе-83», ки ба дастаҳои «Хатлон» ва «Регар-ТадАЗ» бо ҳисоби якхелаи 1:0 ғолиб омад, мақоми дуюмро аз они худ кард.
Дар гурӯҳи «Б» дастаи футболи «Истаравшан», ки «Файзканд»-ро бо ҳисоби 2:0 ва ҳайати ҷавонони «Истиқлол»-и Душанберо бо ҳисоби калони 10:0 мағлуб намуд, бо 6 имтиёз дар ҷойи аввал қарор гирифт.
Дар гурӯҳи «В» дастаи футболи ССКА, ки дар ҳарду бозӣ бар ҳайати эҳтиётии «Хуҷанд» бо ҳисоби 6:0 ва «Локомотив-Помир» бо ҳисоби 1:0 ғолиб омад, бо 6 имтиёз ҷойи аввалро ишғол кард.
Ба ин тартиб, тибқи дастури Ҷоми Лигаи футболи Тоҷикистон аз гурӯҳи «А» ду даста – «Кӯктош» ва Душанбе-83, аз гурӯҳҳои «Б» ва «В» якдастаӣ – «Истаравшан» ва ССКА — ба нимфинал роҳ пайдо карданд.
Ҷоми Лигаи футболи Тоҷикистон-2020
Гурӯҳи «А»
Даври 1-ум
«Душанбе-83» – «Кӯктош» – 0:1
«Хатлон» – «Регар-ТадАЗ» – 2:1
Даври 2-юм
«Кӯктош» – «Регар-ТадАЗ» – 3:2
«Душанбе-83» – «Хатлон» – 1:0
Даври 3-юм
«Регар-ТадАЗ» – «Душанбе-83» – 0:1
«Хатлон» – «Кӯктош» – 2:5
| Ҷ | ДАСТАҲО | Б | Ғ | М | Б | Т | И |
| 1 | «Кӯктош» | 3 | 3 | 0 | 0 | 9-4 | 9 |
| 2 | Душанбе-83» | 3 | 2 | 0 | 1 | 2-1 | 6 |
| 3 | «Хатлон»« | 3 | 1 | 0 | 2 | 4-7 | 3 |
| 4 | «Регар-ТадАЗ» | 3 | 0 | 0 | 3 | 3-6 | 0 |
Гурӯҳи«Б»
Даври 1-ум
«Истиқлол» – «Истаравшан» – 0:10
Даври 2-юм
«Файзканд» – «Истиқлол» – 9:3
Даври 3-юм
«Истаравшан» – «Файзканд» – 2:0
| Ҷ | ДАСТАҲО | Б | Ғ | М | Б | Т | И |
| 1 | «Истаравшан» | 2 | 2 | 0 | 0 | 12-0 | 6 |
| 2 | «Файзканд» | 2 | 1 | 0 | 1 | 9-5 | 3 |
| 3 | «Истиқлол» | 2 | 0 | 0 | 2 | 3-19 | 0 |
Гурӯҳи «В»
Даври 1-ум
«Хуҷанд» – ССКА – 0:6
Даври 2-юм
«Локомотив-Помир» – «Хуҷанд» – 1:0
Даври 3-юм
ССКА – «Локомотив-Помир» – 1:0
| Ҷ | ДАСТАҲО | Б | Ғ | М | Б | Т | И |
| 1 | ССКА | 2 | 2 | 0 | 0 | 7-0 | 6 |
| 2 | «Локомотив-Помир» | 2 | 1 | 0 | 1 | 1-1 | 3 |
| 3 | «Хуҷанд» | 2 | 0 | 0 | 2 | 0-7 | 0 |
Пагоҳ дар Душанбе Чемпионати Тоҷикистон оид ба самбо оғоз меёбад
Қуръакашии бозиҳои Чемпионати Тоҷикистон-2026 байни дастаҳои Лигаи олӣ оид ба футбол баргузор шуд
Соли 2025 варзишгарони Тоҷикистон аз мусобиқаҳои сатҳи байналмилалӣ 510 медал ба даст оварданд
Паралимпичиёни тоҷик бо 22 медал дар Ҷоми ҷаҳон оид ба армрестлинг ва пара-армрестлинг байни 25 давлат дар зинаи дуюм қарор гирифтанд
НИШАСТИ МАТБУОТӢ. Соли 2025 дар Тоҷикистон беш аз 11 ҳазор иншооти варзишӣ фаъолияти пурсамар намуданд
ФУТБОЛ. 5 феврал қуръакашии тақвими чемпионати Тоҷикистон-2026 баргузор мешавад
Варзишгарони Тоҷикистон дар Ҷоми ҷаҳон оид ба армрестлинг ва пара-армрестлинг 22 медал ба даст оварданд
Дастаи мунтахаби наврасони Тоҷикистон (U-17) оид ба футбол бо ҳамтоёнаш аз Ҳиндустон бозии дӯстона анҷом дод
Шаҳром Самиев фаъолияташро дар бошгоҳи футболи «Ал-Карма»-и Ироқ идома медиҳад
НИШАСТИ МАТБУОТӢ. Донишҷӯёни Донишкадаи тарбияи ҷисмонӣ аз мусобиқаҳои ҷумҳуриявию байналмилалӣ 446 медал ба даст оварданд
Дар Душанбе Мусобиқаи ҷумҳуриявӣ оид ба ҷиу-ҷитсу байни калонсолон баргузор гардид
Дастаи мунтахаби Тоҷикистон оид ба футзал иштирокашро дар Ҷоми Осиё-2026 ба анҷом расонид
