Маркази барномаҳои байналмилалӣ: Қабули ҳуҷҷатҳои довталабон барои иштирок дар озмуни бурсияҳои таҳсилии Академияи дипломатии ВКХ Озарбойҷон оғоз гардид

ДУШАНБЕ, 05.03.2020. /АМИТ «Ховар»/. Муассисаи давлатии «Маркази барномаҳои байналмилалӣ»-и Вазорати маориф ва илми Ҷумҳурии Тоҷикистон ба диққати довталабон мерасонад, ки қабули ҳуҷҷатҳои довталабон барои иштирок дар озмуни бурсияҳои таҳсилии Академияи дипломатии Вазорати корҳои хориҷии Ҷумҳурии Озарбойҷон дар соли таҳсили 2020-2021 аз рӯи зинаҳои бакалавр ва магистратура оғоз гардидааст.

Таҳсил (ба истиснои идрорпулӣ), ҷойи зист ва суғуртаи тиббӣ барои донишҷӯён ройгон сурат мегирад.
Ҳуҷҷатҳои лозима:
1) Маълумотнома (дар Марказ пешниҳод мегардад);
2) Ҳуҷҷати давлатии хатми муассисаи таълимӣ;
3) СV ;
4) Сертификати забони англисӣ барои бакалавр ILTS /TOEFL ва ё дигар сертификатҳое, ки холҳо дарҷ гардидаанд, барои магистрон ILTS/TOEFL -ҳатмӣ.
Барои номнавис шудан, хоҳишмандон метавонанд ба Муассисаи давлатии «Маркази барномаҳои байналмилалӣ» (ш. Душанбе, кӯчаи М. Турсунзода 47) муроҷиат намоянд.
Телефонҳо барои тамос: 223-23-59