Сафорат шаҳрвандони Тоҷикистонро аз тартиби тамдиди муҳлати будубоши муваққатӣ дар қаламрави Россия хабардор менамояд
ДУШАНБЕ, 20.03.2020 /АМИТ «Ховар»/. Сафорати Тоҷикистон дар Федератсияи Россия шаҳрвандони Ҷумҳурии Тоҷикистонро аз тартиби тамдиди муҳлати будубоши муваққатии шаҳрвандони хориҷӣ дар қаламрави Федератсияи Россия хабар медиҳад. Дар ин бора АМИТ «Ховар» бо истинод ба Сафорати Ҷумҳурии Тоҷикистон дар Федератсияи Россия хабар медиҳад.
Тибқи иттилои манбаъ, Вазорати корҳои дохилии Россия тартиби тамдиди муҳлати будубоши муваққатии шаҳрвандони хориҷиро дар қаламрави худ интишор намудааст, ки дар он, аз ҷумла гуфта мешавад: «Бо мақсади таъмин намудани ҳуқуқу озодиҳои шаҳрвандон, инчунин бо дарназардошти вазъи вобаста ба паҳншавии сирояти нави коронавирус шаҳрвандони хориҷӣ метавонанд аз 19 марти соли 2020 муҳлати будубоши муваққатии худро дар Федератсияи Россия тамдид намоянд. Барои ин, онҳо бояд ба наздиктарин маҳалли воқеии будубоши худ- мақомоти минтақавии Вазорати корҳои дохилии Россия бо ариза (дар шакли озод) муроҷиат кунанд. Шаҳрвандоне, ки дар асоси раводид ба Россия омадаанд, новобаста аз мақсади ворид шудан ба Россия муҳлати эътибори он тамдид карда мешавад. Агар муҳлати раводид аллакай тамом шуда бошад, муҳлати будубоши муваққатии онҳо низ тамдид карда мешавад.
Шаҳрвандоне, ки бо тартиби бе раводид ба Россия омадаанд, муҳлати будубоши онҳо низ тамдид карда мешавад, аз ҷумла агар муҳлаташ ба охир расида ҳам бошад.
Қабули ариза оид ба додани иҷозат барои ҷалб ва истифодаи коргарони хориҷӣ ва иҷозатномаҳои корӣ барои шаҳрвандони хориҷӣ, ки дар Федератсияи Россия истиқомат мекунанд, дубора оғоз мегардад.
Ғайр аз он, муҳоҷирони меҳнатӣ метавонанд барои гирифтани патентҳои нав бидуни тарк кардани қаламрави Федератсияи Россия ва бидуни ба ҷавобгарии маъмурӣ барои вайрон кардани муҳлати пешниҳоди аризаҳои дахлдор муроҷиат кунанд.
Ба шаҳрвандони хориҷие, ки дар Россия дар асоси иҷозатномаи истиқомати муваққатӣ ё иҷозат барои истиқомат зиндагӣ мекунанд, дар ҳолати ба анҷом расидани муҳлати амали ҳуҷҷати додашуда муҳлати он тамдид карда мешавад.»
АКС: © SPUTNIK / СТАС ЭТВЕШ
Дар Душанбе машваратҳои Тоҷикистон ва Русия дар масоили муқовимат ба таҳдиду хатарҳо баргузор шуд
Намояндаи Тоҷикистон дар вохӯрии Гурӯҳи 77 ва Чин иштирок намуд
Намояндаи Тоҷикистон брифинги ғайрирасмии Хазинаи нуфуси Созмони Милали Муттаҳидро раисӣ намуд
Сафири Тоҷикистон бо роҳбари бахши ҳамкории иқтисодӣ ва рушди Котиботи давлатии корҳои иқтисодии Швейтсария мулоқот намуд
Сафири Тоҷикистон бо муовини Раиси Девони Вазирони Туркманистон оид ба тиҷорат, саноати нассоҷӣ ва соҳибкорӣ мулоқот намуд
Намояндаи доимии Тоҷикистон дар нишасти пленарии Маҷмаи Умумии Созмони Милали Муттаҳид иштирок намуд
Сафари давлатии Президенти Ҷумҳурии Исломии Эрон дар Ҷумҳурии Тоҷикистон анҷом ёфт
Мулоқоти Сафири Тоҷикистон бо роҳбарияти Маркази имдод ва корҳои башардӯстонаи Шоҳ Салмон
Президенти Ҷумҳурии Исломии Эрон Масъуд Пизишкиён бо Сарвазири Ҷумҳурии Тоҷикистон Қоҳир Расулзода мулоқот намуданд
Президенти Ҷумҳурии Исломии Эрон Масъуд Пизишкиён дар пояи муҷассамаи Исмоили Сомонӣ гулчанбар гузошт
Имрӯз Президенти Ҷумҳурии Исломии Эрон Масъуд Пизишкиён бо сафари давлатӣ ба Ҷумҳурии Тоҷикистон ташриф меорад
Сафири Тоҷикистон дар Ҷумҳурии Корея дар вохӯрии 7-уми дӯстони Бунёди рушди сабз иштирок намуд
