Суғд: барандаи Шоҳҷоизаи Озмуни «Фурӯғи субҳи доноӣ китоб аст» соҳиби 20 000 сомонӣ мегардад

Март 17, 2020 15:55

ДУШАНБЕ, 17.03.2020. /АМИТ «Ховар»/. Бо мақсади таъмини иҷрои Амри Президенти Ҷумҳурии Тоҷикистон дар бораи Озмуни ҷумҳуриявии «Фурӯғи субҳи доноӣ китоб аст», ки 5 феврали соли 2020 ба тасвиб расид, дар вилояти Суғд барои ғолибони   ҷойҳои ифтихорӣ аз 4000 то 10​ 000 сомонӣ ва  ба барандаи Шоҳҷоизаи даври вилоятии озмун 20​ 000 сомонӣ мукофотпулӣ муқаррар гардид. Дар ин бора хабарнигори АМИТ «Ховар» бо истинод ба маркази матбуоти раиси вилояти Суғд иттилоъ медиҳад.

Амри Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо мақсади баланд бардоштани завқи китобхонӣ, тақвияти неруи зеҳнӣ, дарёфти чеҳраҳои нави суханвару сухандон, арҷ гузоштан ба арзишҳои миллию фарҳангӣ, инкишофи қобилияти эҷодӣ, таҳкими эҳсоси худогоҳию худшиносӣ, такмили захираи луғавӣ ва тақвияти ҷаҳони маънавӣ миёни аҳолии мамлакат роҳандозӣ гардидааст.

Озмуни мазкур миёни тарбиягирандагон ва хонандагони муассисаҳои таҳсилоти томактабӣ ва миёнаи умумӣ, донишҷӯёни муассисаҳои таҳсилоти ибтидоӣ, миёна ва олии касбӣ, баъд аз муассисаҳои таҳсилоти касбӣ (магистрҳо, аспирантҳо, докторантҳо),​ калонсолон ва намояндагони касбу кори гуногун (омӯзгорони ҳамаи зинаҳои таҳсилот, кормандони фарҳангу санъат ва дигар табақаҳои аҳолии мамлакат)  доир мегардад.

Тибқи низомномаи озмун иштирокчиёни озмун ба се гурӯҳи зерин ҷудо карда мешаванд:

  1. Тарбиягирандагон ва хонандагони муассисаҳои таҳсилоти томактабӣ ва миёнаи умумӣ;
  2. Донишҷӯёни таҳсилоти ибтидоӣ, миёна ва олии касбӣ, баъд аз муассисаҳои таҳсилоти касбӣ (магистрҳо, аспирантҳо, докторантҳо)
  3. Калонсолон ва намояндагони касбу кори гуногун (омӯзгорони ҳамаи зинаҳои таҳсилот, кормандони фарҳангу санъат ва дигар табақаҳои аҳолии мамлакат) гузаронида мешавад».

Тибқи тарбиби баргузории озмуни мазкур, ғолибони даври ҷумҳуриявии озмун-гирандагони ҷойҳои якум, дуюм, сеюм ва Шоҳҷоиза ба ихтисосҳои филологии муассисаҳои таҳсилоти олии касбӣ: забон ва адабиёти тоҷик, забон ва адабиёти рус, забонҳои хориҷӣ, рӯзноманигорӣ ва тарҷумонӣ пас аз хатми муассисаи таҳсилоти миёнаи умумӣ дар асоси мактуби тавсиявии Вазорати маориф ва илми Ҷумҳурии Тоҷикистон бе имтиҳон ва ройгон қабул карда мешаванд.

Март 17, 2020 15:55

Хабарҳои дигари ин бахш

Дар Вазорати фарҳанг оид ба нақши муассисаҳои фарҳанг дар рушди маънавиёти ҷомеа ҳамоиш доир шуд
«ОФТОБИ НАЗМИ ОЛАМ». Дар Душанбе бахшида ба бузургдошти 700-солагии Ҳофизи Шерозӣ ҳамоиш баргузор гардид
Дар Париж барномаи фарҳангии Шашмақом баргузор гардид
ПАНДИ ҲОФИЗ — ҲИДОЯТГАРИ ИНСОНҲО БА СӮИ КАМОЛОТИ МАЪНАВӢ. Бардошт аз конфронси илмӣ-байналмилалӣ дар ЮНЕСКО
4852 нафар довталаб ба даври сеюми Озмуни ҷумҳуриявии «Илм–фурӯғи маърифат» роҳхат гирифтанд
Дар қароргоҳи ЮНЕСКО ба ифтихори 700-солагии Ҳофизи Шерозӣ намоиши ҷашнӣ ифтитоҳ гардид
Тоҷикистон дар қароргоҳи ЮНЕСКО 700-солагии Ҳофизи Шерозиро таҷлил менамояд
Даври дуюми Озмуни ҷумҳуриявии «Тоҷикистон — Ватани азизи ман» оғоз гардид
Дар Академияи миллии илмҳои Тоҷикистон бахшида ба Рӯзи Ваҳдати миллӣ конференсияи ҷумҳуриявӣ баргузор гардид
Дар Осорхонаи миллӣ намоиши офаридаҳои наққош ва муҷассамасози маъруф Амонуллоҳ Ҳайдарзод ифтитоҳ ёфт
Академияи миллии илмҳои Тоҷикистон аккредитатсияи байналмилалии муассисавиро гузашт
ДАР ҲАР ЯК ОҲАНГ МУҲАББАТИ БЕАНДОЗАИ ТОҶИКОН БА ВАТАН ЭҲСОС МЕШУД. Бардошт аз баргузории Рӯзҳои фарҳанги Тоҷикистон дар Русия