Агентии обуҳавошиносӣ: 14-15 апрел дар Тоҷикистон ҳаво номусоид боқӣ мемонад
ДУШАНБЕ, 14.04.2020 /АМИТ «Ховар»/. Ҳавои номусоид дар қаламрави ҷумҳурӣ 14-15 апрел боқӣ монда, бориши борон ва дар баъзе ноҳияҳо боридани ниҳоят шиддатноки он дар назар аст. Қисми зиёди бориш дар минтақаҳои доманакўҳӣ ва кўҳии ноҳияҳои тобеи марказ (Варзоб, Сангвор, Рашт, Нуробод ва Файзобод), вилояти Хатлон (ноҳияҳои Восеъ, Хуросон, Ховалинг, Муъминобод, Ш.Шоҳин ва шаҳри Кўлоб) ва ноҳияҳои доманакўҳи вилояти Суғд (Истаравшан ва Панҷакент) ба қайд гирифта шуда, эҳтимоли омадани сел дар назар аст. Дар ин рӯзҳо дар дарёҳои аз нишебиҳои ҷанубии қаторкўҳҳои Ҳисор ҷоришаванда, Ёхсӯ, Қизилсӯ (ҷанубӣ), шохобҳои дарёи Вахш баландшавии якбораи сатҳи об пешгўӣ мешавад. Дар ин бора аз Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон ба АМИТ «Ховар» хабар доданд.
Бино ба иттилои манбаъ, 16-17 апрел дар ҷумҳурӣ ҳаво асосан бебориш шуда, баландшавии ҳарорат дар назар аст. Дар ин рӯзҳо ҳаво дар вилояти Хатлон шабона 7+12 ва рӯзона аз 8+14 то 19+21 дараҷа гарм мешавад.
Дар вилояти Суғд ҳаво то 15 апрел боронӣ буда, дар доманакӯҳҳо шиддат гирифтани он дар назар аст. Аз 16 то 18 апрел дар ин минтақа ҳавои бебориш ва тағйирёбанда мешавад. Дар ин рӯзҳо шабона 3+8 ва рӯзона аз 12-17 то 18+23 дараҷа гарм мешавад.
Дар вилояти Мухтори Кӯҳистони Бадахшон то 15 апрел ҳавои номусоид дар назар аст. Ҳаво дар ғарби вилоят шабона 2+7 ва рӯзона 12+17 дараҷа гарм мешавад. Дар шарқи вилоят ҳаво шабона 1-6 дараҷа хунук ва рӯзона 5+10 дараҷа гарм мешавад.
Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон дар робита ба ҳавои номусоид иброз медорад, ки бориши шиддатнок, бахусус раъду барқ дар роҳҳо хатар дошта, омадани сел, лағзиши тарма ва резиши санг аз эҳтимол дур нест.
Аз ин рӯ Кумитаи ҳолатҳои фавқулода ва мудофиаи гражданӣ аз аҳолӣ ва меҳмонони мамлакат хоҳиш менамояд, ки рӯзҳои боронӣ ҳамнгоми истифода аз роҳҳои кӯҳӣ эҳтиёт бошанд, мошинҳои худро қабл аз сафар омода ва камбудиҳои техникиро бартараф намоянд ва аз сафар ба минтақаҳои хатарзо худдорӣ намоянд. Дар ҳолати рӯ ба рӯ шудан бо вазъи хатарнок ба рақами 112 ва ё қисми навбатдории Кумита: (+992) 93 880 28 19, 223 13 11 дар тамос шаванд.
Дар ноҳияи Зафаробод агрегати нави пойгоҳи обкашии «Мирзочӯл-2» ба истифода дода шуд
Дар басти якуми истироҳатгоҳи «Ширкент» зиёда аз 320 нафар кӯдакону наврасон ба истироҳати бофароғат ҷалб гардиданд
Доир ба хатари сиёсисозии дини ислом ба амнияту суботи давлат ва ҷомеа конференсияи илмӣ-амалӣ баргузор гардид
Вазирони тандурустии давлатҳои аъзои ТУТ масъалаи муқовимат ба ҳолатҳои фавқулодаро баррасӣ намуданд
Дар Фаронса дастовардҳои Тоҷикистон дар самти ислоҳоти судӣ — ҳуқуқӣ муаррифӣ гардид
ИМРӮЗ–РӮЗИ ТАЪСИСИ БОЗРАСИИ ДАВЛАТИИ АВТОМОБИЛӢ. Амнияти ҳаракат дар роҳ самти асосии фаъолияти ин мақомот мебошад
Дар моҳи июл Тоҷикистонро чӣ гуна ҳаво интизор аст?
Дар Душанбе нахустин маротиба Рӯзи кормандони соҳаи суғуртаи иҷтимоӣ ва нафақа таҷлил гардид
ҒИЗОИ СОЛИМ. Омили афзоиши бемории диабети қанд истеъмоли ғизои аз ҳад зиёд ва номутаносиб мебошад
1 ИЮЛ — РӮЗИ КОРМАНДОНИ СОҲАИ СУҒУРТАИ ИҶТИМОӢ ВА НАФАҚА. Дар солҳои соҳибистиқлолӣ андозаи нафақаҳо зиёда аз 20 маротиба зиёд карда шуд
Дар Душанбе дар мавзуи «Сиёсисозии ислом ва хатари он ба амнияти сиёсӣ ва суботи ҷомеа» ҳамоиши илмӣ доир мегардад
Маросими видоъ бо раиси марҳуми Вилояти Мухтори Кӯҳистони Бадахшон Алишер Мирзонабот баргузор гардид
