«Амонатбонк» бо мақсади сода намудани расмияти қарзгирӣ номгӯи ҳуҷҷатҳоро кам намуд
ДУШАНБЕ, 21.04.2020/АМИТ «Ховар»/. Бонки давлатии амонатгузории Ҷумҳурии Тоҷикистон «Амонатбонк» ҷиҳати сода намудани тартиби қарздиҳӣ, пешниҳоди бештари қарзҳо ба соҳаҳои истеҳсолӣ, бахусус соҳибкории хурду миёна ва паст кардани фоизи қарзҳои пешниҳодшаванда соли равон сиёсати қарзии худро таҷдид намуд. Бо мақсади сода намудани расмияти қарзгирӣ, бахусус нисбат ба қарзҳои хурд дар бонк номгӯи ҳуҷҷатҳо кам карда шуд.
Дар хабаре, ки аз Бонки давлатиии амонатгузории Ҷумҳурии Тоҷикистон «Амонатбонк» ба АМИТ «Ховар» расидааст, гуфта мешавад, ки дар ин раванд меъёри фоизи қарзҳои овердрафтӣ, гумрукӣ ва қарзҳо ба соҳаи саноат бо пули миллӣ ва ҳамаи қарзҳои бо асъори хориҷӣ пешниҳодшаванда ба андозаи 2 банди фоизӣ паст карда шуд.
Дар баробари ин, ба муштариёни Бонк имконият дода мешавад, ки маблағи қарзро дар доираи талаботи муқарраргардида истифода намуда, пардохти онро бо усули қисм ба қисм (ануитет) амалӣ намоянд. Дар ин раванд, андозаи қарзҳои бегарав, яъне таҳти замонати шахси сеюм ҷудошаванда то 20 ҳазор сомонӣ муқаррар гардид, ки нисбат ба меъёрҳои қаблан амалкунанда як маротиба бештар мебошад. Ҳамзамон пешниҳоди қарзҳои изофабардошт (овердрафтӣ) тавассути кортҳои пардохтии бонкӣ ҳамчун самти афзалиятноки фаъолияти Бонк қарор дода шуда, тартиби пешниҳоди он сода ва муҳлати истифодааш то 60 рӯз тамдид карда шудааст.
«ТОҶИКИСТОН-2024». Пагоҳ дар Душанбе Намоишгоҳи байналмилалии универсалӣ баргузор мегардад
Дар Тоҷикистон нақшаи кишти пахта 90 фоиз иҷро гардид
Масъалаи рушди соҳаи маорифи Тоҷикистон дар Риёз баррасӣ гардид
Байни Бонки миллии Тоҷикистон ва Бонки марказии Ҷумҳурии Узбекистон Созишномаи ҳамкорӣ ба имзо расид
Байни Бонки миллии Тоҷикистон ва Бонки аврупоии таҷдид ва рушд Ёддошти тафоҳум ба имзо расид
Вазири рушди иқтисод ва савдои Тоҷикистон бо Директори генералии Корпоратсияи исломӣ оид ба суғуртаи сармоягузорӣ ва қарзҳои содиротӣ (ICIEC) мулоқот намуд
Завқӣ Завқизода аз Президенти Гурӯҳи Бонки Исломии Рушд дархост намуд, ки ба соҳаҳои афзалиятноки иқтисоди Тоҷикистон маблағгузориро афзоиш диҳад
Силсилавохӯриҳои ҳайати расмии Тоҷикистон дар ҷаласаи солонаи Гурӯҳи Бонки Исломии Рушд баргузор шуданд
Вазири рушди иқтисод ва савдои Тоҷикистон дар Риёз бо Роҳбари ITFC мулоқот анҷом дод
Ҳайати Тоҷикистон дар ҷаласаҳои солонаи Гурӯҳи Бонки Исломии Рушд дар Риёз иштирок намуд
Одил Рено-Бассо: «Ҳамкории Бонки Аврупоии таҷдид ва рушд ва Тоҷикистонро метавон ҳамчун ҳамкории шарикӣ арзёбӣ намуд»
Дар ноҳияи Данғара Фестивали «Саводнокии молиявӣ» гузаронида шуд
