Дастоварди тозаи ТВ «Синамо»: Филми кӯтоҳи «Инъикос»-и коргардон Ҷумъа Рустамӣ соҳиби ҷоизаи байналмилалӣ гардид
ДУШАНБЕ, 02.04.2020. /АМИТ «Ховар»/. Филми кӯтоҳи «Инъикос»-и коргардони Муассисаи давлатии телевизиони «Синамо» Ҷумъа Рустамӣ дар 19-умин Фестивали байналмилалии «Картина эта…» («Picture this…film festival»), ки ҳамасола дар шаҳри Калгари Канада баргузор мегардад, соҳиби ҷоиза гардид.
Ҷумъа Рустамӣ дар суҳбат бо хабарнигори АМИТ «Ховар» иброз намуд, ки фестивали мазкур аз 1 апрел шурӯъ гардида, то 4 апрел идома меёбад.
Мавсуф иброз дошт, ки «ҷоизае, ки аъзои ҳакамони Фестивали байналмилалии «Картина эта…» ба филми ман сазовор донистанд, барои «Беҳтарин нақш» аст. Ман ҳам коргардонии филмро ба уҳда доштам ва ҳам дар он нақши асосиро иҷро намудам».
Филми мазкур аз рӯи асари Носири Хусрав гирифта шуда, мавзӯяш фалсафӣ ва оид ба худшиносии инсонӣ мебошад.
Тарзи гузаронидани фестивал чунин аст, ки аъзои ҳакамон филмҳоро қаблан аз назар гузаронида, баҳогузорӣ менамоянд. Дар рӯзҳои фестивал маросими ҷоизасупорӣ доир мегардаду бори дигар филмҳои пешниҳодшударо манзури меҳмонону тамошобинон мегардонанд.
Бояд гуфт, ки филми ин коргардони ҷавон бо зиёда аз 50 филми давлатҳои гуногун рақобат карда, тавонист бо кори олии наворбардорӣ, мусиқиҳои ҷаззоб ва сабки нақшофарӣ диққати ҳакамонро ба худ ҷалб намояд.
Ҷумъа Рустамӣ коргардони ҷавон буда, давоми чанд сол мешавад, ки дар ТВ «Синамо» фаъолият дорад. Филми кӯтоҳи «Инъикос»-и ӯ низ бо дастгирии роҳбарияти ТВ «Синамо» рӯи навор омадааст, ки қобили дастгирист.
Ба майдони кинематография омадани чунин коргардонҳои ҷавон ва хушбину хушзавқ, ки бо назари тоза ва сабки замонавӣ филм меофаранд, аз ояндаи пурифтихори кинои тоҷик дарак медиҳад.
«МИРЗО ТУРСУНЗОДА ДАВОМДИҲАНДАИ НАЗМИ ҲАЗОРСОЛАИ ХАЛҚИ ТОҶИК МЕБОШАД». Андешаҳои адибони бузург дар васфи шоир
Дар Осорхонаи миллӣ маҳфили «Шоҳномахонӣ» баргузор гардид
«ОН ҚАДАР ДАР ДИЛПИСАНДӢ ДИЛПИСАНД АСТӢ, ВАТАН…». Имрӯз зодрӯзи Қаҳрамони Тоҷикистон устод Мирзо Турсунзода аст
«БЕҲТАРИН ТАРҒИБГАРИ ЛИБОСИ МИЛЛӢ-2024». Дар Донишгоҳи технологии Тоҷикистон даври ҷамъбастии озмун гузаронида шуд
«ҲУНАР БЕҲТАР АЗ ЗАР БУВАД». Дар Бадахшон даври вилоятии фестивали ҳунармандон ҷамъбаст гардид
«САЙРИ ГУЛИ ЛОЛА». Имрӯз дар Боғи фарҳангӣ-фароғатии ба номи Абулқосим Фирдавсӣ даври ҷумҳуриявии озмун баргузор мегардад
«БО ҲАМ». Дар Осорхонаи миллӣ намоиши асарҳои рассомони муосири тоҷик оғоз шуд
Муовини вазири корҳои хориҷии Ҷумҳурии Мардумии Чин Қалъаи Ҳисорро тамошо намуд
Чор иншооти муҳими шаҳри қадимии Панҷакент барқарор карда шуд
Дар Институти физикаю техника озмоишгоҳи замонавӣ ба истифода дода шуд
Дар мактаби миёнаи № 35-и шаҳри Минск ба номи Домулло Азизов барномаи фарҳангӣ доир шуд
Дар пояи муҷассамаи Ҳаким Абулқосим Фирдавсӣ дар шаҳри Рими Италия аз номи Пешвои миллат Эмомалӣ Раҳмон гулчанбар гузошта шуд
