Раиси ҷамоат баъди гирифтани ришва дастгир шуд
ДУШАНБЕ, 07.04.2020. /АМИТ «Ховар»/. Кормандони Агентии назорати давлатии молиявӣ ва мубориза бо коррупсияи Ҷумҳурии Тоҷикистон шаҳрванд С.М.-ро боздошт намудаанд, ки ба даст задан ба амалҳои коррупсионӣ айбдор дониста мешавад.
Ба иттилои Агентии мазкур, номбурда дар вазифаи раиси Ҷамоати деҳоти Фрунзеи ноҳияи Ҷ.Балхии вилояти Хатлон кор карда, моҳи ноябри соли 2019 аз шаҳрванд «А» барои мусоидат намудан оид ба манзур намудани пешниҳод ба мақомоти иҷроияи ҳокимияти давлатии ниҳияи Ҷ.Балхӣ ҷиҳати вобаста намудани 4,10 га. қитъаи замин маблағ талаб намудааст.
Гуфта мешавад, ки ӯ 1200 сомониро пешакӣ гирифта, овардани 4000 сомонии дигарро талаб кардааст.
«27 январи соли 2020 зимни гузаронидани чорабиниҳои фаврӣ-тафтишотӣ шаҳрванд баъди аз «А» гирифтани 4000 сомонӣ аз тарафи кормандони Агентӣ дар ҷои ҳодиса дастгир гардида, далелҳои шайъӣ аз ӯ дарёфт ва гирифта шуданд», — омадааст дар иттилоияи манбаъ.
Нисбат ба С.М. бо моддаи 319, қисми 3 Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, тафтиши пешакии он идома дорад.
Ошкор гардидани ҷинояти одамкушӣ
Нақшаи даъвати баҳории шаҳрвандон ба сафи Қувваҳои Мусаллаҳи Тоҷикистон 93,5 фоиз иҷро шуд
Ҷалби ноболиғон ба кирдорҳои зиддиҷамъиятӣ ҷавобгарии ҷиноятӣ дорад!
Дар Душанбе масоили таҳкими амният ва суботи Осиёи Марказӣ баррасӣ гардид
Дар Душанбе Форуми амниятии Осиёи Марказӣ оғоз гардид
Кибертерроризм — омилҳои таъсиррасон ва хатари он дар ҷаҳони муосир
Дар Душанбе Форуми амниятии Осиёи Марказӣ баргузор мешавад
Имрӯз дар Душанбе Вохӯрии сеюми котибони шуроҳои амнияти давлатҳои Осиёи Марказӣ баргузор гардид
Дар шаҳри Хоруғ даври вилоятии мусобиқаи «Ватанпарвар» баргузор гардид
«ШАҲРИ ҲУШМАНД». Дар Душанбе насби чароғакҳои замонавӣ оғоз гардид
Нақшаи даъвати баҳории шаҳрвандон ба сафи Қувваҳои Мусаллаҳи Тоҷикистон 89,1 фоиз иҷро шуд
Вазири корҳои дохилии Тоҷикистон дар Форуми байналмилалӣ доир ба мубориза бо маводи нашъаовар иштирок намуд
