Ҷамъияти тоҷикони шаҳри Новокузнетск: «Ба ҳамватанон кумак мерасонем!»

Май 7, 2020 15:15

ДУШАНБЕ, 07.05.2020 /АМИТ «Ховар»/. Ҷамъияти тоҷикони шаҳри  Новокузнетск, ки «Дӯстии халқҳои тоҷику рус» ном гирифтааст,  бо сарварии Шавкатҷон Тоҳиров ва фаъолони  ин ҷамъият Раҳмоналӣ Одинаев, Имоиддин Сониев, Қаҳрамон Ҳамдамов, Маҳмадкарим Абдукаримов ва Дилшоди Рамазонӣ барои  зиёда аз дусад нафар  оилаҳои муҳоҷирони меҳнатӣ ва ҳамватаноне, ки айни ҳол бо сабаби бекорӣ дар Россия  банд мондаанд, ҳамчунин  донишҷӯёни тоҷик ва  маъюбону солхӯрдагон  новобаста аз миллату халқияташон, ки ниёз ба дастгирӣ доштанд, кумак расониданд.

Тавре роҳбари Ҷамъияти тоҷикони шаҳри  Новокузнетск  Шавкатҷон Тоҳиров зимни суҳбат бо хабарнигори  АМИТ «Ховар» дар Федератсияи Россия Садбаргӣ БОҚӢ  иброз намуд, «хуруҷи коронавирус, ки имрӯз саросари ҷаҳонро фаро гирифтааст, ба фаъолияти муҳоҷирони меҳнатӣ ва таҳсили донишҷӯёни тоҷик дар вилояти Кемерово таъсири худро расонид. Аз ҷумла, бархе аз ҳамватанони мо ва донишҷӯён бо ин сабаб  дар карантин қарор доранд».

«Вобаста ба вазъияти ба амал омада, бо фаъолони ҷамъият пайваста дар байни онҳо корҳои фаҳмондадиҳӣ мегузаронем ва ҷиҳати пешгирӣ аз паҳншавии бемории сироятии «Ковид-19» ва ҳамзаон мубтало нашудан ба ин бемории сироятӣ  ба онҳо маълумоти муфид пешниҳод менамоем. Дар ин баробар ба миқдори зарурӣ ба онҳо аз номи ҷамъият кумак расонидем»,-афзуд Шавкатҷон Тоҳиров.

Мавриди зикр аст, ки аз фаъолияти босамар ва иқдомҳои ватандӯстонаи Ҷамъияти тоҷикони шаҳри  Новокузнетск  «Дӯстии халқҳои тоҷику рус» на танҳо ҳамватанон дар ин шаҳр ва вилояти Кемерово,  балки дар саросари Федератсияи Россия ва Тоҷикистон низ огоҳӣ доранду дар лаҳзаҳои зарурӣ ба онҳо муроҷиат мекунанд.

— Хушбахтона имрӯзҳо шумораи соҳибкороне, ки мехоҳанд дар ин рӯзҳои мушкил паҳлӯӣ ҳамватанон бошанд ва онҳоро ҳамаҷиҳата дастгирӣ кунанд, хеле зиёд аст, ки воқеан  мояи  ифтихори мо дар байни дигар халқияту миллатҳо мебошад- мегӯяд  роҳбари Ҷамъияти тоҷикони шаҳри  Новокузнетск  ва илова менамояд, ки ин ҳама  иқдомҳои наҷибона дар пайравӣ аз суханрониҳои созандаи Пешвои миллат муҳтарам Эмомалӣ Раҳмон сарчашма мегирад, зеро ба таъкиди сарвари давлат дар рӯзҳои сахту вазнин дасти ёрию кӯмак дароз намудан ба эҳтиёҷмандону ниёзмандон аз некутарин амалҳои хайру савоб ба шумор меравад.

Тибқи иттилои масъулини ин ҷамъият, баргузории чорабиниҳои судманд дар партави сиёсати созандаи давлату Ҳукумати Ҷумҳурии Тоҷикистон минбаъд низ идома меёбанд.

Чунин ҳимматбаландию дастгирии  ҳамватанон дар шароити кунунӣ бори дигар аз ҳуввияти баланду некукории мардуми тоҷик  дарак медиҳад.

 

 

Май 7, 2020 15:15

Хабарҳои дигари ин бахш

«БАЧА АЗИЗ, ОДОБАШ АЗ ОН АЗИЗТАР…». Ба таълиму тарбияи фарзандон набояд бетарафӣ зоҳир намуд
Маркази тадқиқоти стратегии Тоҷикистон ва Институти байналмилалии Осиёи Марказӣ масоили ҳамкории илмию таҳлилиро баррасӣ намуданд
35-СОЛАГИИ ИСТИҚЛОЛИ ДАВЛАТӢ. Беморхонаи марказии ноҳияи Темурмалик пурра навсозӣ гардид
ЗАБОН ДОНӢ-ҶАҲОН ДОНӢ. Аз 1 апрел кормандони мақомоти давлатӣ, худидоракунии маҳаллӣ ва ташкилотҳои давлатӣ ба омӯзиши ҳатмии забонҳои хориҷӣ фаро гирифта мешаванд
Дар ноҳияи Айнӣ сеюмин ҳамоиши гирандагони стипендияи президентӣ баргузор шуд
НАВРӮЗИ ХУҶАСТАПАЙ МУЖДАИ НЕКИ БАҲОРИ ХУРРАМ. Дар Суғд Ҷашни байналмилалии Наврӯз бо шукуҳи хоса таҷлил шуд
Тоҷикистон терроризму ифротгароиро қотеона маҳкум менамояд
24 МАРТ — РӮЗИ ҶАҲОНИИ МУБОРИЗА БО БЕМОРИИ СИЛ. Ҳадаф аз он огоҳӣ, пешгирӣ ва мубориза бар зидди ин беморӣ мебошад
ИМРӮЗ ДАР ТОҶИКИСТОН — РӮЗИ ГУЛ ВА НИҲОЛШИНОНӢ. Соли 2023 дар ҷумҳурӣ беш аз 1 миллион бех ниҳоли дарахтони гуногун шинонида шуд
МАСЛИҲАТИ МУТАХАССИС. Истеъмоли гулкарам масунияти инсонро боло мебардорад
МАСЛИҲАТИ МУТАХАССИС. Истеъмоли ғизои солим беҳтарин роҳи ҳифзи солимии шахс мебошад
Кормандони Вазорати меҳнат, муҳоҷират ва шуғли аҳолӣ ҷашни Наврӯзро бо тантана таҷлил намуданд