Ноҳияи Хуросон: Хонаву ҳавлиҳои сокинон аз селовардаҳо пок карда мешаванд

Май 23, 2020 15:19

ДУШАНБЕ, 23.05.2020 /АМИТ «Ховар»/. 53 нафар сарбозон ва афсарони қисми ҳарбии 45989-и Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон (КҲФ)  хонаҳои  42 хонаводаро аз обу лойқа  тоза карданд, хабар додан ба АМИТ «Ховар» дар КҲФ.

Нақлиёти аз ҷониби мақомоти иҷроияи ҳокимияти давлатии ноҳияи Хуросон ва КҲФ ҷудошуда 180 метр заҳбуру заҳкаш, 63 метр канали обгузарро тоза карданд. То бегоҳи рӯзи 22-уми май Хадамоти муҳофизат аз селҳо 659 маҷрои канал дар мавзеи офати табииро соҳилбандӣ намуд. Инчунин, теппаҳои муҳофизатии канали Хоҷақалъа барқарор карда шуданд. Хадамоти нақлиёт ва роҳи ноҳияи Хуросон дар маҷмуъ 250 метр роҳи деҳаи Н.Асадуллоро аз лой пок намуд, инчунин 1500 метр роҳои байникучавиро тахту ҳамвор намуд.

Беморхонаи №5 ҷамоати деҳоти С.Айнӣ аз  хоку лой тоза карда шуда, деворҳо ва дарахтон сафед карда шуданд.

Хадамоти энергетикии ноҳия дар деҳаи Гулистони ҷамоати деҳоти С.Айнӣ 10 адад пояҳои бетонӣ   насб кард ва дар сохтмони хатҳои интиқоли қувваи барқ бо дарозии 1,5 км ва кашидани хати интиқоли қувваи барқ бо дарозии 3 км корҳо оғоз гардиданд.

Аз ҷониби Шуъбаи дезинфексияи ноҳия дар деҳаи Н.Асадулло  130 хона ва иншоотҳои ёрирасон, шаҳрчаи хаймавӣ  инчунин, дар деҳаи Хуросон 20 хона ва иншотҳои ёрирасон, кӯчаю роҳравҳо, беморхонаи № 5 корҳои безараргардонӣ гузаронида шуд.

Корҳои бартарафсозии оқибатҳои офати табиӣ дар минтақа идома доранд.

Май 23, 2020 15:19

Хабарҳои дигари ин бахш

Аморати муттаҳидаи Араб ба Тоҷикистон таҷҳизоти тиббӣ кумак намуд
ОБУ ҲАВО: Имрӯз дар Тоҷикистон ҳавои тағйирёбанда дар назар аст
«Таъсири пандемияи COVID-19 ба иқтисодиёти кишварҳои ИДМ»: видеоконференсия миёни намояндагони донишгоҳҳои Иттиҳод
«Раҳмат ба табибон барои наҷоти мардум»-таҳти чунин унвон дар Кӯлоб аксия доир шуд
ОБУ ҲАВО: Имрӯз дар Тоҷикистон ҳавои тағйирёбанда дар назар аст
Нодир Амонов, мудири кафедраи равоншиносии ДМТ: Карантини нарм — бурди равонӣ дар шароити СОVID-19
Сабаби сӯхтор дар бозори марказии ноҳияи Шаҳритус — расиши ноқилҳои барқӣ
ОБУ ҲАВО: Имрӯз дар Тоҷикистон ҳаво тағйирёбанда мешавад
ОБУ ҲАВО: Имрӯз дар Тоҷикистон ҳавои бебориш дар назар аст
Мулоқоти видеоии роҳбарони маъмурияти сайёҳии давлатҳои аъзои СҲШ
ОБУ ҲАВО: Имрӯз дар Тоҷикистон ҳавои тағйирёбандаи бебориш дар назар аст
Хуҷанд: Саҳми ҷомеаҳои меҳнатӣ дар корҳои тарғиботиву тамизгардонӣ назаррас аст

Маводҳои таҳлилӣ