«Тоҷикгидроэлектро-монтаж» ба Раёсати тандурустии шаҳри Душанбе ба маблағи 1,5 миллион сомонӣ таҷҳизот кумак намуд

Май 13, 2020 15:46

ДУШАНБЕ, 13.05.2020. /АМИТ «Ховар»/. Имрӯз Ширкати ватании «Тоҷикгидроэлектромонтаж» шумораи муайяни таҷҳизотро барои эҳтиёҷоти кунунии соҳаи тиб ба Тоҷикистон таҳвил дода, ба воситаи Раёсати тандурустии шаҳри Душанбе ба муассисаҳои тиббии пойтахт ба таври ройгон супорид. Ҳаҷми кумаки имрӯзаи расонидаи ширкат 1,5 миллион (як миллиону 500 ҳазор) сомониро дар бар гирифтааст.

Тавре АМИТ «Ховар» бо истинод ба ширкати мазкур хабар медиҳад, шумораи умумии таҷҳизоти нафасдиҳии сунъӣ барои шушҳо (ИВЛ) 10 ададро ташкил додааст.

Ширкати ватании «Тоҷикгидроэлектромонтаж» бо дарки баланди масъулият ва ҳисси меҳанпарастӣ дар як муддати кӯтоҳ дафъаи дуюм аст, ки иқдоми эҳсонкорона нишон медиҳад.

Моҳи апрели имсол ширкати мазкур аввалин шуда, 20 000 (бист ҳазор) адад тестҳои санҷишӣ барои муайян кардани вируси COVID-19, 10 (даҳ) адад таҷҳизоти нафасдиҳии сунъӣ барои шушҳо (ИВЛ) ва 500 (панҷ сад) маҷмӯи либосҳои махсуси тиббӣ барои табибонро ба маблағи зиёда аз 5 миллион сомонӣ ҳамчун кумаки башардӯстона ба Раёсати тандурустии шаҳри Душанбе тақдим намуд.

Дар ҷараёни тақдими таҷҳизоти тиббӣ намояндаи ширкат иттилоъ дод, ки маводи мазкур тавассути беморхонаҳои шаҳри Душанбе тақсим карда мешавад.

Таҷҳизоти дастрасшуда барои фаъолияти имрӯзаи кормандони соҳаи тиб ниҳоят муҳим арзёбӣ гардида, ҷиҳати анҷом додани фаъолияти пурмасъули табибон мусоидат мекунад.

Намояндаи ширкат зикр намуд, ки иқдоми анҷомдодашуда ҷавоб ба дастгириҳои пайваста ва ғамхориҳои доимии роҳбарияти олии мамлакат ва ҳукумати ҷумҳурӣ аз фаъолияти бахши хусусӣ ба шумор меравад.

ҶСК «Тоҷикгидроэлектромонтаж» миёни дигар ширкатҳои ватанӣ аввалин шуда, ба чунин иқдоми башардӯстона дар дастрас намудани кумак ба сокинони мамлакат даст задааст ва итминони комил дорем, ки дигар соҳибкорони ҷумҳурӣ ин ташаббуси ватандӯстонаро ҳамаҷониба дастгирӣ хоҳанд кард.

Имрӯз, ки соҳаи тиб ба пандемияи бемории сироятии COVID-19 рӯ ба рӯ гардидааст, ҳамаи моро зарур аст сарҷамъона барои ҳифзи тандурустии мардуми Тоҷикистон мубориза бурда, қоидаҳои солим нигоҳ доштани онро риоя намоем.

Ширкати ватании «Тоҷикгидроэлектромонтаж» тасмим гирифтааст, ки минбаъд низ иқдомҳои эҳсонкориро идома дода, бо пайравӣ аз ибтикороти хайру эҳсонкории Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо ҳисси баланди ватандӯстӣ ташаббусҳои башардӯстонаро идома диҳад.

Май 13, 2020 15:46

Хабарҳои дигари ин бахш

Рустами Эмомалӣ қарор дар бораи таъйин ва пардохти кумакпулии унвонии иҷтимоӣ ба оилаҳо ва шаҳрвандони камбизоати шаҳри Душанберо ба имзо расониданд
Бо ташаббуси Раиси шаҳри Душанбе Рустами Эмомалӣ ба муассисаҳои тандурустии пойтахт лавозимоту таҷҳизоти нави тиббӣ дастрас гардид
ОБ ЗАХИРА КУНЕД! Дар баъзе маҳаллаҳои ноҳияи Синои шаҳри Душанбе интиқоли оби нӯшокӣ ба муҳлати як шабонарӯз қатъ мегардад
Раиси шаҳри Душанбе Рустами Эмомалӣ дар мақомоти иҷроияи ҳокимияти давлатии пойтахт ва ноҳияҳои он як қатор тағйироти кадрӣ ба амал овард
ЯК СОЛ МУҲЛАТ. Вокуниши Раиси шаҳри Душанбе Рустами Эмомалӣ ба муроҷиатномаи саҳмдорони бинои сохтмонаш нотамом дар кӯчаи А. Ғуломов
Дар шаҳри Душанбе корҳои фаҳмондадиҳӣ дар самти риояи гигиенаи шахсӣ ва истифодаи ҳатмии ниқоб вусъат дода мешаванд
Қарори Раиси шаҳри Душанбе дар бораи даъвати навбатии тирамоҳии шаҳрвандон ба хизмати ҳарбӣ ба тасвиб расид
Масъалаҳои вобаста ба сирояти коронавируси COVID-19 дар ҷаласаи назди Раиси шаҳри Душанбе Рустами Эмомалӣ баррасӣ гардиданд
Раиси шаҳри Душанбе Рустами Эмомалӣ бо ҷараёни корҳои сохтмонӣ дар иншооти ҷашнии соҳаи маорифи пойтахт шинос шуданд
Гурӯҳҳои ташвиқотӣ вобаста ба пешгирӣ аз паҳншавии сирояти COVID-19 дар Душанбе корҳои таблиғотӣ-фаҳмондадиҳӣ мегузаронанд
COVID-19. Рӯзҳои санитарӣ дар як қатор муассисаҳои хизматрасонии шаҳри Душанбе то 15 июн тамдид карда шуданд
ДАСТИ ДӮСТ. Бо ибтикори бевоситаи Раиси шаҳри Душанбе Рустами Эмомалӣ ширкати ӯзбекистонӣ ба Тоҷикистон доруворӣ кумак намуд