Ба осебдидагони ноҳияи Хуросон кумаки навбатӣ расид
ДУШАНБЕ, 15.06.2020. /АМИТ «ХОВАР»/. Ба осебдидагони сел дар ноҳияи Хуросон кӯмаки навбатии башардӯстона аз Сафорати Ҷумҳурии Покистон дар Тоҷикистон расид. Сокинони хонаҳои осебдида дар мавзеи нав ба бунёди манзилҳои нав шуруъ кардаанд. Дирӯз ихтиёриён аз ташкилоту муассисаҳои вилоят ба ёрии сокинон омаданд. Кумитаи ҳолатҳои фавқулода ва мудофиаи граждании назди Ҳукумати ҶТ барқарорсозии харобаҳои сел ва рафти корҳои сохтмониро дар мавзеи нав таҳти назорати пурраи худ қарор додаанд.
Дар ин бора аз Кумитаи ҳолатҳои фавқулода ва мудофиаи граждании назди Ҳукумати ҶТ ба АМИТ «Ховар» хабар доданд.
Бо ташаббуси Кумитаи ҳолатҳои фавқулода ба осебдидагони ноҳияи Хуросон кӯмакҳои нав расиданд. Сафорати Ҷумҳурии Исломии Покистон дар Тоҷикистон ба зарадидагони деҳаи Чорбоғи ҷамоати С.Айнии ноҳияи Хуросон 67 тонна семент чун ёрии башарӣ кумак намуд.
Дар маросими таҳвили ёрии башарӣ Сафири Фавқулода ва Мухтори Ҷумҳурии Исломии Покистон дар Ҷумҳурии Тоҷикистон ҷаноби Имрон Ҳайдар, муовини раиси Кумитаи ҳолатҳои фавқулода полковник М.Салимзода, ҳамчунин намояндагони ҳукумати иҷроияи вилоят ва ноҳия ширкат намуданд.
Сафири ҶИП зимни суханронии худ изҳор дошт, ки халқи Покистон ҳамеша омодаи кӯмак ба бародарони тоҷики худ мебошад.
Ин миқдор ёрии башарӣ бо техникаи Кумитаи ҳолатҳои фавқулода ба макони сохтмони хонаҳои нав расонида шуд ва бо иштироки намояндагони комиссияи ҳолатҳои фавқулодаи ноҳия ба осебдидагон тақсим карда шуд.
Дар ҳамин ҳол дафтари матбуотии раиси вилояти Хатлон хабар дод, ки дирӯз, 14-уми июн гурӯҳи кормандони мақомоти иҷроияи ҳокимияти давлатии вилояти Хатлон барои кӯмак дар умури сохтмонӣ ба маҳаллаи навбунёди Чорбоғи ноҳияи Хуросон омаданд. Бо дастури раиси вилоят Қурбон Ҳакимзода, мутахассисони соҳаи меъморӣ лоиҳаи сохтмони манзилро барои ҳар як оила таҳия намуда, ҳоло бинокорон аз рӯйи ин тарҳҳо хона месозанд.
Ин манбаъ ҳамчунин иттилоъ дод, ки ба ҳолати 13 июни соли 2020, аз 68 хонаи пурра ва қисман зарардида корҳои ҷобаҷокунӣ ва ҳамворкунии он 100%, кандани хандақ (траншея) 100%, асоси таҳкурсӣ (подушка) 100%, таҳкурсӣ дар 51 хона 100%, дар 17 хона сохтмони зербино дар арафаи анҷомёбист. Инчунин, дирӯз дар 5 хона бардоштани девор оғоз гардид.
ҚОНУНИ ТАНЗИМИ ҶАШНУ МАРОСИМ. Қабули он зарурати воқеӣ ва танзими он баракати зиндагӣ гардид
Дар шаҳри Хоруғ оид ба ғизои мактабӣ ҷаласа доир шуд
«ЗАНОН ДАР ҲИФЗИ ПИРЯХҲО». Иштироки фаъолонаи занон дар идораи захираҳои обӣ ва устувории экологӣ муҳим аст
Сулаймон Зиёзода: «Тоҷикистон аввалин давлатест, ки дар Осиёи Марказӣ феҳристи хатари иқлимиро барои кӯдакон амалӣ менамояд»
Масъалаи ҳамкории илмӣ байни Тоҷикистон ва Шоҳигарии Нидерланд баррасӣ гардид
Дар Душанбе Форуми кӯдакон ва ҷавонон бахшида ба ҳифзи пиряхҳо оғоз гардид
Дар Душанбе форуми пешазконфронсии «Занон дар ҳифзи пиряхҳо» оғоз гардид
Дар мавзуи «Тоҷикистон – пешоҳанги ҳифзи пиряхҳо дар ҷаҳон» конференсияи байналмилалӣ доир шуд
Беш аз 100 нафар ҷавонон аз Тоҷикистон ва дигар давлатҳо масъалаи ҳифзи пиряхҳоро баррасӣ менамоянд
Дар Душанбе маросими ҷоизасупорӣ ба ғолибони Озмуни ҷумҳуриявии «Малакаи касбӣ» баргузор шуд
Кумита оид ба таҳсилоти ибтидоӣ ва миёнаи касбии Тоҷикистон ва Институти ҷумҳуриявии таҳсилоти касбии Беларус ҳамкориро тақвият мебахшанд
Намояндагони Кумита оид ба таҳсилоти ибтидоӣ ва миёнаи касбӣ дар машварати байналмилалӣ дар Италия иштирок намуданд
