Бо ташаббуси Раиси шаҳри Душанбе Рустами Эмомалӣ ба муассисаҳои тандурустии пойтахт лавозимоту таҷҳизоти нави тиббӣ дастрас гардид

Июнь 22, 2020 18:40

ДУШАНБЕ, 22.06.2020 /АМИТ «Ховар»/. Имрӯз бо ташаббуси мақомоти иҷроияи ҳокимияти давлатии шаҳри Душанбе, махсусан Раиси шаҳри Душанбе муҳтарам Рустами Эмомалӣ бо мақсади табобат ва муолиҷаи гирфторони бемориҳои сироятӣ, аз ҷумла коронавируси COVID-19 аз Ҷумҳурии Мардумии Чин бо маблағи беш аз  се милиону нуҳсад ҳазор сомонӣ лавозимот ва таҷҳизоти тиббӣ, инчунин маводи доруворӣ дастрас гардида, дар муассисаҳои табобатии Раёсати тандурустии шаҳри Душанбе захира карда шуд, хабар медиҳад АМИТ «Ховар» бо истинод ба Раёсати иттилоот ва робитаҳои хориҷии дастгоҳи Раиси шаҳри Душанбе. 

Мавриди зикр аст, ки аз замони хуруҷи бемории сироятии коронавирусти COVID-19 то имрӯз дар мамлакат аз тарафи Ҳукумати Ҷумҳурии Тоҷикистон ва мақомоти иҷроияи ҳокимияти давлатии шаҳри Душанбе ба хотири пешгирӣ аз паҳншавии ин вирус тадбирҳои зарурӣ ва саривақтӣ андешида мешаванд.

Бо мақсади пурзӯр намудани чораҳои зиддиэпидемикӣ, табобат ва пешгирӣ аз паҳншавии сирояти бемориии коронавирус аз тарафи мақомоти иҷроияи ҳокимияти давлатии шаҳри Душанбе аз Чин бо маблағи беш 3 миллиону 900 ҳазор сомонӣ муосиртарин лавозимоту таҷҳизоти тиббӣ, инчунин маводи доруворӣ харидорӣ гардида, ба муассисаҳои тандурустии шаҳри Душанбе интиқол дода шуд.

Аз ҷумла, 200 дона дастгоҳи нафасдиҳии сунъӣ (консентратори кислород (10L-OX-10A), ки нақши тавлид кардани ҳавои сунъиро дорад ва барои гирифторони бемориҳои сироятӣ, аз ҷумла COVID-19 бениҳоят зарур аст, инчунин 100 адад дастгоҳи ларингоскоп, 160 адад зарфи (баллон) кислороди ғунҷоишаш 40 литр бо таҷҳизоти интиқолдиҳанда, 50 адад мониторҳои назди кати бемор, 500 дона пулсоксиметр (таҷҳизот барои мурратаб ва бо низом ворид намудани доруворӣ ба бемор), 50 дона перфузор (таҷҳизот барои муайян кардани фоизи таъминоти организми бемор бо оксиген) ва дигар лавозимоту таҷҳизоти тиббӣ дастрас  карда шуд.

Маҳз бо заҳматҳои шабонарӯзии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва талошҳои пайвастаи Раиси шаҳри Душанбе муҳтарам Рустами Эмомалӣ  барои муолиҷа ва табобати саривақтии бемории сироятии COVID-19 шароит ва имконияти зарурӣ фароҳам оварда шуд.

Лавозимоту таҷҳизоти тиббии дастрасгардида дар муассисаҳои табобатии Раёсати  тандурустии  мақомоти иҷроияи ҳокимияти давлатии шаҳри Душанбе захира гардида, дар сурати зарурат барои табобат ва муолиҷаи бемориҳои сироятӣ истифода бурда мешаванд.

Июнь 22, 2020 18:40

Хабарҳои дигари ин бахш

«Ҷавонон – пайравони Пешвои миллат ва меросдори анъанаҳои наврӯзӣ». Дар Душанбе Фестивали чоруми дӯстии ҷавонон доир мешавад
«КАРНАВАЛИ НАВРӮЗӢ». Имрӯз дар Майдони Истиқлоли шаҳри Душанбе бахшида ба ҷашни байналмилалии Наврӯз барномаи фарҳангӣ доир мегардад
«Карнавали Наврӯзӣ» дар Майдони Истиқлоли шаҳри Душанбе 25 март баргузор мегардад
ХУШ ОМАДӢ, НАВРӮЗИ МАН! Дар Боғи фарҳангӣ-фароғатии ба номи Садриддин Айнӣ сокинону меҳмонон ҷашни Наврӯз таҷлил гардид
Аз ҷониби Раиси шаҳри Душанбе Рустами Эмомалӣ ба қишри ниёзманди ҷомеа ва сарбозони қисмҳои низомӣ кумак расонида шуд
ТАНТАНАҲОИ НАВРӮЗӢ. Имрӯз дар тамоми боғҳои пойтахт барномаҳои рангини фарҳангӣ баргузор мегарданд
Субҳи имрӯз дар «Боғи Ғалаба» сокинони чор ноҳияи пойтахт бо оростани гулхани ҷашнӣ фарорасии Соли нави аҷдодиро пешвоз гирифтанд
Дар шаҳри Душанбе Фестивали байналмилалии «Наврӯз-мероси фарҳангию ҷаҳонгардӣ» баргузор гардид
РАМЗИ БАҲОРУ НАВРӮЗ. Дар чор ноҳияи шаҳри Душанбе табақи суманак гузошта шуд
Дар Душанбе бо мақсади муаррифии имконияти сайёҳӣ ва фарҳанги миллии тоҷикон фестивали байналмилалӣ оғоз ёфт
«НАВРӮЗ-МЕРОСИ ФАРҲАНГИЮ ҶАҲОНГАРДӢ». Дар шаҳри Душанбе фестивали байналмилалӣ баргузор мегардад
ДУШАНБЕ-МАКОНИ БЕҲТАРИНИ САЙЁҲӢ. Дар айёми баҳор пойтахт барои гардишгарӣ хеле муносиб аст