Сироҷиддин Муҳриддин дар машварати видеоии вазирони кишварҳои Осиёи Марказӣ ва ИА иштирок намуд

Июнь 13, 2020 09:00

ДУШАНБЕ, 13.06.2020 /АМИТ «Ховар»/. 12 июн Вазири корҳои хориҷии Ҷумҳурии Тоҷикистон Сироҷиддин Муҳриддин дар машварати видеоии вазирони корҳои хориҷии кишварҳои Осиёи Марказӣ ва Иттиҳоди Аврупо иштирок намуд. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.

Дар машварат ҷонибҳо ҳамкории густурда ва босамари кишварҳои Осиёи Марказӣ ва Иттиҳоди Аврупоро дар мавриди паёмадҳои бемории ҳамагири COVID-19, вазъи ҷаҳон ва самтҳои татбиқи талошҳои муштарак дар ҳалли вазифаҳои имрӯза баррасӣ карданд.

Сироҷиддин Муҳриддин зимни суханронӣ тадбирҳои саривақтии Ҳукумати Ҷумҳурии Тоҷикистон, фаъолияти мунтазами Ситоди ҷумҳуриявӣ ва қабули нақшаи чорабиниҳо ҷиҳати пешгирӣ ва коҳиши таъсири эҳтимолии COVID-19 ба иқтисодиётро арз намуда, аҳаммияти татбиқи барномаҳои муштарак ҷиҳати вокуниш ба буҳрони имрӯза ва сафарбарсозии манбаъҳои иловагӣ барои бартараф намудани паёмадҳои он дар минтақаро таъкид намуд.

Намояндаи олии Иттиҳоди Аврупо оид ба корҳои хориҷӣ ва сиёсати амниятӣ Жозеп Боррелл нақши Стратегияи нави Аврупо дар Осиёи Марказӣ ва Барномаи бисёрсолаи индикативӣ барои солҳои 2021-2027-ро, ки ҳафтаи сипарӣ қабул шудааст, ҷиҳати густариши муносибатҳо дар заминаҳои гуногун ва ҳамкорӣ дар бартарафсозии паёмадҳои COVID-19 ба соҳаҳои иқтисодӣ ва иҷтимоии кишварҳои муҳим арзёбӣ намуд.

Мусоҳибон бо ситоиш аз дастгирии мутақобили ҳукуматҳо дар расонидани кумакҳои башардӯстона қайд намуданд, ки муборизаи дастаҷамъона бо дарназардошти равандҳои ҳамгироӣ ва пайвандҳои маҳками иқтисодӣ ва тиҷоратӣ дар минтақа пас аз бастани марзҳо, ки ба хотири пешгирии беморӣ сурат гирифт, саривақтӣ мебошад.

Дар амри таъмини сулҳу субот ва беҳтар гардидани вазъи амниятӣ дар Афғонистон татбиқи лоиҳаҳои бузурги иқтисодӣ ва нақлиётии минтақавӣ муҳим дониста шуд.

Гуфтугӯи судманд ҳамчунин дар атрофи масъалаҳои омодагӣ ба нишастҳои навбатӣ дар чаҳорчӯби ҳамкории кишварҳои Осиёи Марказӣ ва Иттиҳоди Аврупо, раванди татбиқи тарҳҳои муштараки авлавиятнок, рӯзномаи байналмилалӣ ва дигар мавзӯъҳои мавриди эҳтимоми муштарак сурат гирифт.

Акс аз ВКХ ҶТ

 

Июнь 13, 2020 09:00

Хабарҳои дигари ин бахш

Дар Форуми XVIII Созмони ҳамкории Шанхай дар Душанбе масъалаи рақобати геполитикӣ ва чолишҳои сиёсӣ баррасӣ гардид
Дар Вазорати корҳои хориҷии Тоҷикистон бо сафири Русия вохӯрӣ баргузор гардид
Дар Пекин Форуми агентиҳои иттилоотии «Чин-Осиёи Марказӣ» баргузор гардид
Дар Душанбе Форуми XVIII Созмони ҳамкории Шанхай ба кор шуруъ намуд
ТОҶИКИСТОН ВА ЧИН-МАСИРИ НАВИ ҲАМКОРӢ. Сафари давлатии таърихӣ бо тадбирҳои бузург дар роҳи таҳкими ҳамкории байнидавлатӣ ва минтақавӣ
Дар Ню Йорк вохӯрии навбатии Гурӯҳи дӯстони об оид ба натиҷаҳои Конфронси оби СММ баргузор гардид
Дар Берлин байни Тоҷикистон ва Олмон машваратҳои сиёсӣ баргузор гардид
Сарвазири Ҷумҳурии Тоҷикистон Қоҳир Расулзода бо ҳайати вакилони Парлумони Иттиҳоди Аврупо мулоқот намуд
Дар Душанбе машваратҳои сиёсӣ байни Тоҷикистон ва Фаронса баргузор гардид
Президенти Ҷумҳурии Узбекистон Шавкат Мирзиёев Сарвазири Ҷумҳурии Тоҷикистон Қоҳир Расулзодаро ба ҳузур пазируфт
ДИПЛОМАТИЯИ ОБИИ ТОҶИКИСТОН. Дар Институти афкори стратегии Туркия бахшида ба ин мавзуъ ҳамоиш доир шуд
Сафари давлатии Президенти Туркманистон дар Ҷумҳурии Тоҷикистон ба анҷом расид