Вазорати корҳои дохилии Тоҷикистон шаҳрвандонро ҳушдор медиҳад, ки ҳангоми барасмиятдарории қитъаҳои наздиҳавлигӣ зудбовар набошанд
ДУШАНБЕ, 15.06.2020 /АМИТ «Ховар»/. Вазорати корҳои дохилии Тоҷикистон шаҳрвандони кишварро огоҳ месозад, ки зудбовар набошанд ва барои бар хилофи қонун соҳиб шудан ба қитъаҳои замини наздиҳавлигӣ ҳаракат нанамоянд. Бояд қайд намуд, ки қаллобон ба боварии нафаре даромада, бо мақсади дарёфти даромади муфт ба ин навъи ҷиноят бисёр даст мезананд.
Тибқи иттилои вазорат, дар давоми як ҳафта кормандони шӯъбаи корҳои дохилӣ дар шаҳрҳои Бӯстон ва Ваҳдат ду далели қаллобӣ оид ба ҷудо кардани заминро ошкор намудаанд.
Дар натиҷаи гузаронидани корҳои фаврӣ-ҷустуҷӯии милитсия бо гумони қаллобӣ як сокини 25-солаи шаҳри Бӯстон боздошта шуд.
«Моҳи декабри соли 2019 гумонбар як сокини 33-солаи шаҳри Конибодомро фиреб дода, аз ӯ 40 ҳазор сомонӣ рӯёнидааст. Қаллоб бар ивази пул 0,25 гектарро дар ҳудуди ҷамоати деҳоти Э.Шарипов ваъда дода, ба қавлаш вафо накардааст.
Нисбат ба ҷавони номбурда бо моддаи 247 қ.3, КҶ ҶТ парвандаи ҷиноятӣ оғоз шуда, тафтишот идома дорад», — хабар медиҳад манбаъ.
Боз як рӯйдоди ба ин монанд дар шаҳри Ваҳдат рух додааст. Ба шӯъбаи корҳои дохилӣ як сокини маҳалии 56-сола муроҷиат намуда, гуфтааст, ки соли 2015 марди 34-солаи сокини ҳамин шаҳр аз ӯ 10 ҳазор доллар гирифта, ваъда додааст, ки барояш 0,06 гектар қитъаи замини наздиҳавлигӣ ҷудо карда медиҳад. Аммо дар асл ин кор амалӣ нагардид. Аз рӯи ин ҳодиса низ тафтишот идома дорад.
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
