ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Рӯзҳои наздик дар Душанбе дуюмин эстакадаи сесатҳа ба истифода дода мешавад

Июль 6, 2020 18:00

ДУШАНБЕ, 06.07.2020. /АМИТ «Ховар»/. Рӯзҳои наздик эстакадаи сесатҳаи маҳаллаи Қарияи Болои шаҳри Душанбе мавриди баҳрабардорӣ қарор мегирад. Дар ин бора аз Раёсати иттилоот ва робитаҳои хориҷии дастгоҳи Раиси шаҳри Душанбе ба АМИТ «Ховар» хабар доданд.

«Сохтмони  эстакадаи сесатҳаи мазкур дар доираи  амалишавии  марҳилаи дуюми лоиҳаи «Барқароркунии роҳи минтақавии Душанбе-Турсунзода, қитъаи роҳ аз ҳайкали Абуалӣ ибни Сино то дарвозаи ғарбии шаҳри Душанбе»,  дар буриши роҳи ҳалқавии маҳаллаи Қарияи Болои шаҳри Душанбе анҷом ёфт. Ин эстакада аз  роҳи давродавр ва пул иборат буда, дар буриши ҳалқавии хиёбонҳои Исмоили  Сомонӣ ва Абуалӣ ибни Сино ҷойгир мебошад»,-афзуд манбаъ.

Дар доираи ин лоиҳа   инчунин сохтмони роҳ бо пул дар ду сатҳ дар буриши хиёбони Н. Махсум бо кӯчаи Маяковский, сохтмони роҳ бо пул дар ду сатҳ дар буриши хиёбони Н. Махсум бо кӯчаи Баҳоваддинов ва таҷдиди роҳу гузаргоҳи зеризаминии маҳаллаи Қарияи Боло то дарвозаи ғарбии шаҳри Душанбе дар назар аст.


Ин  эстакадаи  сеқабатаи замонавӣ бехатарии ҳаракати воситаҳои нақлиёт ва гузариши пиёдагардонро дар ин қитъаи роҳ таъмин менамояд. Бояд гуфт, ки ин мавзеъ яке аз ҷойҳои серодами шаҳр буда, ҳамарӯза онро теъдоди зиёди воситаҳои нақлиёт убур менамуданд, ки он боиси танбашавии роҳ ва рух додани ҳар гуна ҳодисаҳои нохуши нақлиётӣ мегардид.

Мавриди зикр аст, ки Ҳукумати Ҷумҳурии Тоҷикистон барои  бартараф намудани танбашавии зиёди воситаҳои нақлиёт дар роҳҳои пойтахт,  бехатарии ҳаракати нақлиёт ва роҳгузарҳо, инчунин  ба меъёрҳои  ҷаҳонӣ мутобиқ намудани  онҳо бунёди эстакадаҳои  сесатҳа  (роҳҳои болои ҳам)-ро  дар  шаҳр   ба  роҳ мондааст.

Аз ҷумла, 5 сентябри соли 2018 Президенти Ҷумҳурии Тоҷикистон муҳтарам Эмомалӣ Раҳмон бо Раиси шаҳри Душанбе Рустами Эмомалӣ дар маҳаллаи 82-юми пойтахт дар маросими ифтитоҳи расмии аввалин эстакадаи сеқабата дар мамлакат иштирок намуданд. Ин далели таваҷҷуҳи роҳбарияти олии мамлакат дар ин самт ва аз ҷониби дигар, қадами муҳиме дар самти расидан ба яке аз ҳадафҳои олии стратегии ҳукумати мамлакат – баромадан аз бунбасти коммуникатсионӣ мебошад.

Ёдовар мешавем, ки то соли 2040, яъне дар доираи амалишавии Нақшаи генаралии шаҳри Душанбе  дар пойтахти мамлакат 20 адад  чунин чорроҳаҳои сесатҳа сохта мешаванд.

Июль 6, 2020 18:00

Хабарҳои дигари ин бахш

ОБ ЗАХИРА НАМОЕД! Интиқоли оби нӯшокӣ дар баъзе кӯчаҳои ноҳияи Исмоили Сомонӣ ва Синои шаҳри Душанбе қатъ мегардад
ДУШАНБЕ – ШАҲРИ ҲУШМАНД. Пойтахти мамлакат дар татбиқи «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» пешсаф аст
Маҳмадсаид Зувайдзода: «Зиёда аз 200 бинову иншооти дигари Душанбе ба шабакаҳои гармидиҳӣ пайваст карда мешаванд»
Президенти мамлакат: «Тайи се соли охир дар Душанбе 255 майдончаи варзишӣ ба маблағи умумии 205 миллион сомонӣ сохта шуд»
Дар Душанбе низоми муосири назорат ва ҳисоби нерўи барқ ҷорӣ мегардад
Шурӯъ аз 15 июл дар Душанбе ярмаркаҳои фурӯши либос ва лавозимоти мактабӣ ташкил гардиданд
Рӯзҳои наздик дар шаҳри Душанбе Маҷмааи универсалии варзишӣ мавриди баҳрабардорӣ қарор мегирад
МАҶЛИСИ ВАКИЛОНИ ХАЛҚИ ШАҲРИ ДУШАНБЕ: ҳудуди маъмурии пойтахти Ҷумҳурии Тоҷикистон 20318,25 гектар муқаррар гардид
ТАҒЙИР ДОДАНИ САРҲАДИ НОҲИЯҲОИ ШОҲМАНСУР, ФИРДАВСӢ, СИНО ВА ИСМОИЛИ СОМОНӢ. Ин масъала пагоҳ дар иҷлосияи дуюми Маҷлиси вакилони халқи шаҳри Душанбе баррасӣ мегардад
Дар Душанбе ҷаласаи сайёр бо мақсади пешгирӣ аз COVID-19 баргузор гардид
15 июл иҷлосияи дуюми Маҷлиси вакилони халқи шаҳри Душанбе баргузор мегардад
Дар Душанбе намояндагии Донишкадаи рушди менеҷменти Сингапур (MDIS) ифтитоҳ мегардад