Агентии назорат дар соҳаи маориф ва илм: аттестатсияи 35 муассисаи таълимӣ идома дорад

Июль 29, 2020 14:20

ДУШАНБЕ, 29.07.2020 /АМИТ «Ховар»/. Аттестатсия ва аккредитатсияи давлатии муассисаҳои таълимӣ шакли муҳими хизматрасонӣ дар раванди баҳодиҳӣ ба фаъолияти муассисаҳои таълимӣ маҳсуб шуда, дар шашмоҳаи аввали соли  равон  тибқи нақшаи корӣ аттестатсияи 35 муассисаи таълимӣ, аз ин 12 муассисаи таълимии таҳсилоти умумӣ, 8 муассисаи таълимии таҳсилоти ибтидоии касбӣ, 11 муассисаи таълимии таҳсилоти миёнаи касбӣ ва 4 муассисаи таълимии таҳсилоти олии касбӣ ва таҳсилоти касбии баъд аз муассисаи олии таълимӣ пешбинӣ  шуда буд. Вале бинобар хуруҷи бемории коронавирус Агентӣ натавонист назоратро дар ин самт амалӣ намояд. Аз ин рӯ дар нақша дорем, ки бо оғоз гардидани соли нави хониш нақшаи кори аттестатсиониро иҷро намоем.

Дар ин бора имрӯз зимни нишасти матбуотии Агентии назорат дар соҳаи маориф ва илми назди Президенти Ҷумҳурии Тоҷикистон директори ин ниҳод Шоҳин Саидзода ба доираи васеи хабарнигорон хабар дод

«Агентии назорат дар соҳаи маориф ва илми назди Президенти Ҷумҳурии Тоҷикистон ягона мақомоти давлатии назоратӣ дар самти аттестатсия, аккредитатсия, баҳогузории маҷмўӣ ва иҷозатномадиҳии муассисаҳои таълимӣ мебошад. Дар ҷумҳурӣ 3884 адад муассисаҳои таҳсилоти умумии давлатӣ бо фарогирии 2 033 900 нафар хонанда фаъолият менамоянд, ки сол ба сол зиёд гардидани шумораи муассисаҳои таълимӣ сабаби дар самти хизматрасониҳои давлатӣ, аз қабили аттестатсия, аккредитатсия, баҳогузории маҷмўӣ ва иҷозатномадиҳии муассисаҳои таълимии давлатии дорои мақоми маҳаллӣ ба миён омадани як зумра мушкилот гардид»,-афзуд номбурда.

Шоҳин Саидзода зикр намуд, ки дар зарфи ним соли фаъолият аз ҷониби Агентӣ барномаҳои аттестатсионӣ ва аккредитатсионӣ, дастурамалҳои вазифавӣ ва санадҳои дигари меъёрии ҳуқуқии фаъолияти воҳидҳои сохторӣ омода гардид.

«Яке аз самтҳои дигари фаъолияти Агентӣ иҷозатномадиҳӣ маҳсуб ёфта,  вобаста ба ин, дар нимсолаи аввал 20 муроҷиати муассисаҳо ҷиҳати дарёфти иҷозатнома оид ба пешбурди фаъолият мавриди ташхис қарор дода шуд»,-илова кард директори Агентӣ.

Зикр гардид, ки сохтори Агентӣ аз роҳбарият, 3 раёсат, 2 шуъба, 3 бахш, раёсат ва шуъбаҳои он дар Вилояти Мухтори Кўҳистони Бадахшон, вилоятҳои Суғду Хатлон, шаҳри Душанбе ва минтақаҳои дахлдори ҷумҳурӣ иборат аст. Агентӣ ҳамчун ниҳоди нави назоратӣ дар соҳаи маориф ва илм ҷиҳати амалисозии сиёсати давлат дар ин самт фаъолият намуда, иҷрои қонунҳо ва дигар санадҳои меъёрии ҳуқуқии соҳаи маориф ва илмро дар муассисаҳои таълимӣ, илмӣ, илмӣ-таҳқиқотӣ, новобаста аз шакли ташкилию ҳуқуқӣ ва тобеияти идоравии онҳо назорат менамояд.

Агентии назорат дар соҳаи маориф ва илми назди Президенти Ҷумҳурии Тоҷикистон ҳамчун мақоми иҷроияи марказии ҳокимияти давлатӣ сиёсати ягонаи назорати давлатиро дар соҳаи маориф ва илми Ҷумҳурии Тоҷикистон дар назар дошта, фаъолияти худро дар шашмоҳаи якуми соли равон дар доираи Паёми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон, қонунҳои амалкунандаи Ҷумҳурии Тоҷикистон, нақшаи кори Ҳукумати Ҷумҳурии Тоҷикистон, нақшаи кории Агентии назорат дар соҳаи маориф ва илми назди Президенти Ҷумҳурии Тоҷикистон ва дигар санадҳои меъёрии ҳуқуқии соҳа ба роҳ мондааст.

Ёдовар мешавем, ки тибқи Фармони Президенти Ҷумҳурии Тоҷикистон аз 27 январи соли равон Хадамоти давлатии назорат дар соҳаи маориф ба Агентии назорат дар соҳаи маориф ва илми назди Президенти Ҷумҳурии Тоҷикистон табдил дода шуд. Тибқи банди 2 фармони мазкур Агентии назорат дар соҳаи маориф ва илми назди Президенти Ҷумҳурии Тоҷикистон вазифадор гардида буд, ки дар муддати ду моҳ санадҳои меъёрии ҳуқуқии дахлдори соҳавиро таҳия ва ба Ҳукумати Ҷумҳурии Тоҷикистон пешниҳод намояд.  Дар ин давра дар мувофиқа бо вазорату идораҳои дахлдор бо фармони Президенти Ҷумҳурии Тоҷикистон аз 18 июни соли равон Низомнома, сохтори дастгоҳи марказӣ ва нақшаи идоракунии Агентӣ тасдиқ карда шуданд.

Июль 29, 2020 14:20

Хабарҳои дигари ин бахш

22 СЕНТЯБР-РӮЗИ РӮДАКӢ. Маликушшуаро бо осори гаронбаҳо, сухани равону шево ва дурдонаҳои нодири ашъораш ба адабиёти тоҷик асос гузошт
Дар Консерваторияи миллии Тоҷикистон ҷиҳати таҳқиқ ва тармими созҳои миллии мусиқӣ озмоишгоҳи омӯзишӣ таъсис дода шуд
Камол Насрулло: «Одамушшуаро Абуабдулло Рӯдакӣ мазҳари ифтихор, худшиносӣ ва сарбаландии ҳар фарди бедордили тоҷик мебошад»
Озмуни ҷумҳуриявии «Библиомарафон» ва маҳфили шеъру суруди «Рӯдакихонӣ» ҷамъбаст гардид
БАХШИДА БА РӮЗИ РӮДАКӢ. Устод Рӯдакӣ падидаи нодири забонӣ ва адабии рӯзгори Сомониён мебошад
БАХШИДА БА РӮЗИ РӮДАКӢ. Бозтоби масъалаҳои рӯдакишиносӣ дар номаҳои устод Садриддин Айнӣ
ПЕШВОИ МИЛЛАТ ВА РУШДИ ВОСИТАҲОИ АХБОРИ ОММА ДАР ЗАМОНИ ИСТИҚЛОЛИ ДАВЛАТӢ. Инкишофи он ба ҳайси ниҳоди иҷтимоӣ барои ҳар давлати ҷаҳони муосир хеле муҳим аст
БАХШИДА БА РӮЗИ РӮДАКӢ. Чанд сухан атрофи ишқи Ватан дар осори Одамушшуаро ва маҷрои бардавоми «Ҷӯи мӯлиён»
Дар Душанбе ҷаласаи гурӯҳи корӣ оид ба таъминоти меъёрию техникии лоиҳаҳои дар соҳаи фаъолияти кайҳонӣ амалишаванда баргузор шуд
«РӮДАКӢ, ЗАБОН ВА ФАРҲАНГИ МИЛЛӢ». Таҳти ин унвон дар Душанбе бахшида ба Рӯзи Рӯдакӣ конференсияи илмӣ баргузор мешавад
9 ёдгории таърихии Тоҷикистон ба Феҳристи асосии мероси фарҳанги умумибашарии ЮНЕСКО ворид шуд
Дар Душанбе машғулияти байналмилалии омӯзишии «CollAsia 2023» оғоз ёфт