Дар давраи пандемияи коронавирус дар Хуҷанд ба маблағи 37,8 миллион сомонӣ маводи муҳофизатӣ истеҳсол шуд
ДУШАНБЕ, 17.07.2020 /АМИТ «Ховар»/. Бо мақсади бо ниқобҳои тиббӣ, либосҳои махсус ва маҳлулҳои безараргардонӣ таъмин намудани аҳолӣ ва муассисаҳои тиббӣ дар давраи пандемияи коронавирус 13 корхонаи саноатии шаҳри Хуҷанд ба маблағи 37,8 миллион сомонӣ маҳсулот истеҳсол кардааст. Дар ин хусус раиси шаҳр Маъруф Муҳаммадзода ба хабарнигорон иттилоъ дод.
Қобили зикр аст, ки қаблан маҳсулоти мазкур асосан аз хориҷа ворид карда мешуд. Дар 6 моҳи соли 2020 4,2 миллион ниқобҳои тиббӣ истеҳсол шудааст.
«Аз оғози пайдоиши коронавирус маъмурияти шаҳр барои хариди доруворӣ ва дигар лавозимоти тиббӣ беш аз 380 ҳазор сомонӣ ҷудо намуда буд. Айни замон дар шаҳр 16 муассисаи тиббӣ фаъолият менамояд, ки бо 75 дастгоҳи нафаскашии сунъӣ таъмин шудаанд», — иброз намуд мавсуф.
Ба гуфтаи вай, барои табобати беморони коронавирус 4 беморхона, аз ҷумла беморхонаи клиникии вилоятӣ, таваллудхонаи шаҳрӣ, беморхонаи шаҳрии №2 ва беморхонаи касалиҳои сироятии шаҳр сафарбар шуда буданд. Барои муоинаи таъҷилии аҳолӣ ва ба муроҷиаткунандагон додани машваратҳои аввалияи тиббӣ 53 бунгоҳи иловагии тиббӣ ташкил шудааст.
Дар Рӯзи кормандони соҳаи энергетика фаъолони соҳа қадрдонӣ шуданд
ИМРӮЗ-РӮЗИ ЭНЕРГЕТИКҲО. Неругоҳи барқи обии «Роғун» беназиртарин тарҳи гидроэнергетикӣ дар минтақа аст
Дар Агентии содироти Тоҷикистон бахшида ба Соли маърифати ҳуқуқӣ ҳамоиш баргузор шуд
Барои татбиқи лоиҳаи «Барномаи рушди НБО-и «Роғун», марҳилаи 1» 270 миллион доллар ҷудо гардид
Коршиносони ширкати Чин бо шароити хизматрасонии ҳаракати ҳавоӣ дар «Тоҷикаэронавигатсия» шинос шуданд
Озмуни байналмилалии «Кашфи олами моликияти зеҳнӣ» ҷамъбаст шуд
Вобаста ба нақши дипломатияи фарҳангӣ дар рушди иқтисоди Тоҷикистон ва Эрон ҳамоиш доир шуд
Мулоқоти Қоҳир Расулзода бо Директори генералии Фонди кувайтии рушди иқтисодиёти араб Валид Ал-Баҳар
Бахшида ба Рӯзи кормандони соҳаи энергетика дар неругоҳи «Сангтӯда -1» ҳамоиши тантанавӣ доир шуд
Барои татбиқи лоиҳаи «Маблағгузории устувор барои НБО-и «Роғун» созишномаи молиявӣ ба имзо расид
Дар Маркази миллии патенту иттилоот ҷаласаи муштарак доир гардид
Дар Душанбе масъалаи идоракунии захираҳои табиӣ ва тағйирёбии иқлим баррасӣ гардид
