Дар Тоҷикистон ба суғуртакунонии одамон аз коронавирус шурӯъ намуданд

Июль 20, 2020 14:28

ДУШАНБЕ, 20.07.2020 /АМИТ «Ховар»/. Дар Тоҷикистон намуди нави суғуртакунонӣ аз коронавирус пайдо шуд. Бинобар ин дар қоидаҳои суғуртакунонӣ баъзе тағйирот ворид гардид. Дар ин хусус муовини якуми директори генералии Корхонаи воҳиди давлатии «Тоҷиксуғурта» Абдулло Абдуллоев дар ҷавоб ба саволи мухбири АМИТ «Ховар» зимни нишасти матбуотӣ посух дод.

Ба гуфтаи вай, аллакай баъзе одамон худро аз коронавирус суғурта кардаанд, вале хушбахтона, то ҳол зарурати пардохти маблағи суғурта ба касе пеш наомадааст.

Зикр гардид, ки агар маблағи суғуртакунонӣ 100 сомонӣ бошад, дар сурати фавти шахси суғурташуда маблағи ҷубронпулӣ 10 ҳазор сомониро ташкил медиҳад.

«Пардохт танҳо дар ҳолате сурат мегирад, ки агар дар асноди тиббӣ сабаби фавт  — «бар асари коронавирус» зикр шуда бошад, на илтиҳоби шуш ва ё бемории дигари монанд», — гуфта шуд дар ҷараёни нишасти матбуотӣ.

Абдулло Абдуллоев инчунин зикр намуд, ки  ҳарчанд пандемияи коронавирус ба фаъолияти идора таъсири манфӣ расонида бошад ҳам, дар шашмоҳаи аввали соли 2020 бо 301 689 нафар шахсони ҳуқуқӣ ва воқеӣ шартномаҳо баста шуданд.

Июль 20, 2020 14:28

Хабарҳои дигари ин бахш

ҲИФЗИ СИРРИ ДАВЛАТӢ ВА ҲИФЗИ ТЕХНИКИИ ИТТИЛООТ. Роҳбарони дастгоҳҳои шаҳру ноҳияҳои тобеи ҷумҳурӣ такмили ихтисос намуданд
35-СОЛАГИИ ИСТИҚЛОЛИ ДАВЛАТӢ. Дар деҳаи Долонаи Ашт мактаб ва бунгоҳи тиббӣ сохта мешавад
Дар Душанбе вобаста ба нақши қонунҳои миллӣ дар таъмини зиндагии шоистаи мардум конференсияи илмӣ — назариявӣ доир гардид
Дар ташкилоти ибтидоии ҳизбии «Заминсоз» маҷлиси ҳисоботӣ-интихоботӣ баргузор шуд
Дар Вазорати тандурустӣ ва ҳифзи иҷтимоии аҳолӣ масъалаи ошкорсозӣ ва бақайдгирии гепатитҳои вирусӣ баррасӣ гардид
Тоҷикистон ва Туркия бо мақсади рушди инфрасохтори соҳаи кор бо ҷавонон ва варзиш ҳамкориро тақвият медиҳанд
Риояи талаботи муқаррароти қонунҳои миллӣ дар Бонки миллии Тоҷикистон шарҳу тавзеҳ дода шуд
Дар Вазорати меҳнат, муҳоҷират ва шуғли аҳолӣ вобаста ба татбиқи Стратегияи давлатии муқовимат бо коррупсия вохӯрӣ доир гардид
Дар Душанбе маҷлиси Раёсати Кумитаи Иҷроияи Марказии Ҳизби Халқии Демократии Тоҷикистон баргузор гардид
Дар Кооперативи тиҷоратии ба номи Латиф Муродови шаҳри Ҳисор дар майдони 210 гектар кишти такрорӣ мегузаронанд
Дар Суғд биноҳои иловагии Маркази клиникавии эндокринологӣ ва Маркази саратоншиносӣ сохта мешавад
Дар оянда мусофирон дар фурудгоҳҳои Тоҷикистон сарҳадро тавассути «дарвозаи электронӣ» убур менамоянд