Дар Тоҷикистон Лоиҳаи «Обтаъминкунӣ ва беҳдошти санитарӣ дар деҳот» татбиқ мегардад

Июль 27, 2020 14:10

ДУШАНБЕ, 27.07.2020 /АМИТ «Ховар»/. Дар айни замон  зери сарпарастии  Ҳукумати Ҷумҳурии Тоҷикистон ва дар ҳамоҳангӣ бо Бонки ҷаҳонӣ Маркази идораи лоиҳаи рушди инфрасохтори маҳаллӣ (коммуналӣ) дар Ҷумҳурии Тоҷикистон Лоиҳаи «Обтаъминкунӣ  ва беҳдошти санитарӣ дар деҳот» -ро ба маблағи 58 миллион доллари ИМА (грант) татбиқ менамояд. Лоиҳаи мазкур ба беҳтар намудани вазъи воқеӣ дар соҳаи обтаъминкунӣ ва беҳдошти санитарӣ дар деҳот нигаронида шуда, татбиқи он асосан дар ноҳияҳои ҷануби вилояти Хатлон, аз ҷумла  Бохтар, Вахш, Ҷ. Балхӣ, Сарбанд, Дӯстӣ, Ҷайҳун ва Восеъ дар назар дошта шудааст. Дар ин бора имрӯз директори генералии КВД «Хоҷагии манзилию коммуналӣ» Ҷамшед Табарзода зимни нишасти матбуотӣ ибрози назар  намуд.

Лоиҳаи «Обтаъминкунӣ ва беҳдошт дар хоҷагии деҳот» аз ҷумлаи тадбирҳое мебошад, ки КВД «Хоҷагии манзилию коммуналӣ» дар доираи ташаббусҳои Президенти мамлакат, Пешвои миллат муҳтарам Эмомалӣ Раҳмон бахшида ба Даҳсолаи байналмилии амал «Об барои рушди устувор» эълон гардидани солҳои 2018-2028 амалӣ намуда истодааст.

«Таҳлилҳо нишон доданд, ки дар сурати пурра ба анҷом расидани лоиҳа аз 180 то 200 ҳазор аҳолии деҳот иловатан ба оби ошомиданӣ дастрасӣ пайдо мекунанд»,-иброз намуд номбурда.

Инчунин дар нишаст гуфта шуд, ки айни замон дар доираи ҳамкорӣ ва маблағгузории Бонки Аврупоии Таҷдид ва Рушд, бо мақсади барқарорсозии системаи обтаъминкунӣ ва канализатсия дар шаҳру ноҳияҳо дар назди КВД «Хоҷагии манзилию коммуналӣ» 3 лоиҳаи инвеститсионии амалишаванда, аз  ҷумла лоиҳаҳои «Барқарорсозии системаи обтаъминкунии шаҳрҳои Хатлон, марҳилаи 2», «Барқарорсозии системаи обтаъминкунии шаҳрҳои Шимол-1» ва «Барқарорсозии системаи обтаъминкунии шаҳрҳои Шимол -2» амалӣ шуда истодаанд.  Ҷиҳати расидан ба ҳадафҳои мазкур ва амалӣ кардани нақшаи корию молиявии соли ҳисоботӣ дар ҷараёни татбиқи лоиҳаҳои мазкур корҳои зерин: насби лӯлаҳои полиэтилении қутрашон аз 63 мм то 400 мм -18 380 метр, сохтмони 2 адад ҳавзҳои оби нӯшокӣ, сохтмони 2 адад пойгоҳи обкашӣ, сохтмони 3 адад иншооти безараргардонӣ, пармакунии 5 адад чоҳҳои амудӣ ва ғайра ба анҷом расонида шудаанд. Нақшаи молиявии шашмоҳаи якуми соли равон пурра иҷро гардида, татбиқи лоиҳаҳои мазкур идома дорад.

Зикр гардид, ки ҳадафи асосии КВД «Хоҷагии манзилию коммуналӣ»- ин зиёд намудани ҳаҷми хизматрасонӣ ва дастрасии аҳолӣ ба оби ошомиданӣ мебошад. Роҳбарияти корхона саъю талош дорад, ки ба ҳамин ҳадаф муваффақ шавад.

 

Июль 27, 2020 14:10

Хабарҳои дигари ин бахш

Сарвазири Ҷумҳурии Тоҷикистон Қоҳир Расулзода дар ноҳияи Ҷалолиддини Балхӣ муассисаи таълимӣ ва маркази саломатиро ба истифода дод
Сарвазири Тоҷикистон Қоҳир Расулзода дар ноҳияи Хуросон иншооти таъйиноти гуногунро ифтитоҳ намуд
«СТРАТЕГИЯИ РУШДИ ҲИФЗИ ИҶТИМОИИ АҲОЛИИ ҶУМҲУРИИ ТОҶИКИСТОН БАРОИ ДАВРАИ ТО СОЛИ 2040». Доир ба амалишавии он ҳамоиш доир шуд
Соли 2024 Тоҷикистон мизбони Шурои байнидавлатии обуҳавошиносии Иттиҳоди Давлатҳои Мустақил мегардад
«ЗАБОН ВА ИСТИҚЛОЛ». Пагоҳ дар шаҳри Душанбе бахшида ба Рӯзи забони давлатӣ ҳамоиш доир мегардад
ОМОДАГӢ БА САРМО. Муассисаҳои давлатии нигоҳдории роҳҳои автомобилгарди минтақаи Рашт ба зимистонгузаронӣ тайёр мебошанд
Бахшида ба Рӯзи байналмилалии коҳиши хавфи офатҳои табиӣ дар Хоруғ мусобиқаи қаиқронӣ доир шуд
Дар мавзуи тарбияи ватандӯстӣ ва ҳувияти миллии ҷавонони Тоҷикистон дар шароити ҷаҳонишавӣ ҳамоиш баргузор гардид
ЗАБОНИ ДАВЛАТӢ-САРВАТИ БЕБАҲОИ МИЛЛАТИ ТОҶИК. Дар Суди Олии иқтисодии Тоҷикистон ҳамоиш доир шуд
«ЗАБОНИ МИЛЛАТ-ҲАСТИИ МИЛЛАТ». Ба истиқболи Рӯзи забони давлатӣ дар шаҳри Ҳисор маҳфил-озмун баргузор мегардад
1 ОКТЯБР-РӮЗИ БАЙНАЛМИЛАЛИИ ПИРОНСОЛОН. Ҳар нигоҳ ва ҳар сухану насиҳатҳои онҳо нуре дар торикии шаб ва гармие дар сардиҳои зиндагии насли имрӯза аст
Рамзи Шӯрои ҷамъиятии назди Сафорати Ҷумҳурии Тоҷикистон дар Федератсияи Русия тасдиқ гардид