Дар Вазорати корҳои хориҷӣ дуюмин Мусобиқаи шоҳмот барои дарёфти «Ҷоми Пешвои миллат» баргузор гардид

Июль 25, 2020 09:50

ДУШАНБЕ, 25.07.2020 /АМИТ «Ховар»/. Дар Вазорати корҳои хориҷии Ҷумҳурии Тоҷикистон марҳилаи якуми дуюмин Мусобиқаи ҷумҳуриявии шоҳмот барои дарёфти «Ҷоми Пешвои миллат» баргузор гардид. Дар мусобиқаи мазкур 30 корманди Вазорати корҳои хориҷӣ ширкат варзида, аз онҳо 5 нафар баранда шуда, ба даври навбатӣ роҳ ёфтанд.

Тавре АМИТ «Ховар» бо истинод ба Вазорати мазкур хабар медиҳад, дар маросими ифтитоҳ муовини якуми Вазири корҳои хориҷии Ҷумҳурии Тоҷикистон Хусрав Нозирӣ ва муовини Раиси Кумитаи ҷавонон ва варзиши назди Ҳукумати Ҷумҳурии Тоҷикистон Дилшод Назаров иштирок карда, сухан гуфтанд.

Муовини якуми Вазири корҳои хориҷӣ Хусрав Нозирӣ таъкид кард, ки соли гузашта бо ташаббуси Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон заминаи Мусобиқаи ҷумҳуриявии шоҳмот барои дарёфти «Ҷоми Пешвои миллат» гузошта шуд. Мояи ифтихор аст, ки ин ибтикори муҳим идома ёфта, имсол мамлакати мо шоҳиди баргузории дуюмин Мусобиқаи ҷумҳуриявии шоҳмот барои дарёфти «Ҷоми Пешвои миллат» мебошад. Амри мазкур, бидуни тардид, аз таваҷҷуҳи фаровони Пешвои миллат ба соҳаи варзиш ва ба вежа бозии шоҳмот гувоҳӣ медиҳад.

Таъкид гардид, ки шоҳмот ё шатранҷ яке аз куҳантарин бозиҳост, ки имрӯз дар саросари ҷаҳон ривоҷу шуҳрат дорад. Шатранҷ мусобиқаи зеҳнҳо ва навъе варзиши фикрист. Дониш, ҳуш, рой, ҳофиза ва диққат аз унсурҳоеанд, ки барандаро дар ин бозӣ муайян мекунанд. Шоёни зикр аст, ки ин «нағзбозӣ», бино ба тавсифи яке аз бузургони мо, бо таъриху фарҳанги халқи тоҷик гиреҳ хӯрдааст.

 

АКС аз ВКХ ҶТ

 

Июль 25, 2020 09:50

Хабарҳои дигари ин бахш

ИҚДОМЕ, КИ МОЯИ ИФТИХОРИ ҲАР ТОҶИКИСТОНӢ АСТ. Дар Донишгоҳи технологии Тоҷикистон ба ғолибони мусобиқаи футболи хурд ҷоизаҳо супорида шуданд
Рустами Эмомалӣ – ташаббускори сатҳи ҷаҳонӣ дар соҳаи варзиш
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Суғд спартакиадаи вилоятӣ ҷамъбаст шуд
Бахшида ба Рӯзи ҷаҳонии футбол дар Ховалинг мусобиқаҳои гӯштин ва аспдавонӣ доир шуданд
Дар Ховалинг бахшида ба Рӯзи ҷаҳонии футбол мусобиқаҳои варзишӣ доир шуданд
Маҷаллаи машҳури Покистон «The World Ambassador» таҷлили Рӯзи ҷаҳонии футболро инъикос намуд
ЧЕМПИОНАТИ ҶАҲОН-2024. Дастаи мунтахаби Тоҷикистон оид ба футзал бо Португалия, Марокаш ва Панама бозӣ мекунад
РӮЗИ ҶАҲОНИИ ФУТБОЛ. Дастаи футболбозони иттифоқи касабаи Донишгоҳи давлатии Бохтар соҳиби Ҷом, медал ва Ифтихорнома шуд
БАХШИДА БА РӮЗИ ҶАҲОНИИ ФУТБОЛ. Дар Донишгоҳи байналмилалии забонҳои хориҷии Тоҷикистон мусобиқа оид ба футболи хурд доир шуд
Дар вилояти Суғд бахшида ба Рӯзи ҷаҳонии футбол бозии рафиқона баргузор гардид
РӮЗИ ҶАҲОНИИ ФУТБОЛ. Нашри махсуси рӯзномаи «Паёми Душанбе» ба ташаббуси глобалии Президенти Федератсияи футболи Тоҷикистон Рустами Эмомалӣ бахшида шуд
Президенти Федератсияи футболи Тоҷикистон Рустами Эмомалӣ дар нахустин фестивали Рӯзи ҷаҳонии футбол дар Душанбе иштирок намуданд