ФУТБОЛ. Натиҷаи бозиҳои марҳилаи муқаддамотии Ҷоми Тоҷикистон-2020 муайян гардид

Июль 9, 2020 10:41

ДУШАНБЕ, 09.07.2020 /АМИТ «Ховар»/. 7-8 июли соли равон бозиҳои марҳилаи муқаддамотии Ҷоми Тоҷикистон-2020 оид ба футбол дар варзишгоҳҳои мамлакат баргузор шуданд. Дар натиҷа дастаҳое, ки ба марҳилаи навбатӣ роҳхат гирифтанд, муайян гардиданд. Ба даври 1/8-финали Ҷоми Тоҷикистон дастаҳои футболи «Равшан»-и Кӯлоб, «Барқчӣ»-и Ҳисор, «Равшан»-и Зафаробод, «Моҳир»-и Ёвон ва «Эсхата»-и Хуҷанд роҳ ёфтанд. Дар ин бора мухбири АМИТ «Ховар» Меҳрони  Қурбон бо истинод ба Федератсияи футболи Тоҷикистон иттилоъ медиҳад.

Бозии марҳилаи муқаддамотии Ҷоми Тоҷикистон миёни дастаҳои футболи «Саройкамар»-и Панҷ  ва Панҷшер»-и Ҷалолиддин Балхӣ бо ҳисоби 2:1 ба фоидаи бозингарони ноҳияи Панҷ анҷом ёфт. Вале дастаи  «Саройкамар»  дар иваз кардани бозингарон қоидаро риоя накарда, чор имконияти иваз кардани футболбозонро дар вақти бозӣ истифода бурд (тибқи қоида дар вақти бозӣ се бозингарро иваз кардан мумкин аст). Ин масъала дар ҷаласаи навбатии Кумитаи назоратӣ-интизомии Федератсияи футболи Тоҷикистон баррасӣ хоҳад шуд.

Ёдовар мешавем, ки имсол формати бозиҳои Ҷоми Тоҷикистон тағйир ёфт. Агар солҳои гузашта дастаҳо дар ҳар марҳила ду бозӣ анҷом медоданд, имсол он аз як бозӣ иборат аст. Мизбони бозӣ дар натиҷаи қуръакашӣ муайян мегардад.

Ҷоми Тоҷикистон-2020

Марҳилаи муқаддамотӣ

«Саройкамар (Панҷ) – «Панҷшер» (Ҷалолиддин Балхӣ) – 2:1

«Равшан (Кӯлоб) – «Ҳулбук» (Восеъ) – 3:2

«Равшан» (Зафаробод) – «Шоҳмансур» (Душанбе) – 6:1

«Ваҳдат» (Ваҳдат) – «Барқчӣ» (Ҳисор) – 2:2. Пеналти – 0:3

«Ҳосилот» (Фархор) – «Моҳир» (Ёвон) – 1:4

«Исфара» (Исфара) – «Эсхата» (Хуҷанд) – 1:5

Июль 9, 2020 10:41

Хабарҳои дигари ин бахш

Ғолибони Чемпионати Тоҷикистон оид ба камонварӣ муайян шуданд
Бозии финалии Ҷоми Тоҷикистон оид ба футзал миёни дастаҳои «Соро компания» ва «Равшан» доир мешавад
Футболбозони ҷавони тоҷик бар ҳамсолони худ аз Ӯзбекистон ғолиб омаданд
Дастаи «Зебонисо»-и Душанбе ғолиби дукаратаи Лигаи футболи бонувони Тоҷикистон гардид
Дар Рашт Мусобиқаи ҷумҳуриявӣ оид ба бандкашӣ доир гардид
Дабири кулли ФФТ Давлатманд Исломов комиссари бозиҳои марҳилаи гурӯҳии Лигаи чемпионҳои КФО-2020 таъйин шуд
Дар Душанбе марҳилаи ниҳоии Фестивали дӯстии ҷавонону варзишгарони пойтахт доир шуд
Дар ноҳияи Восеъ мусобиқаи Лигаи «Умед Ю-15» оғоз ёфт
Замони баргузории бозиҳои даври 17-уми Чемпионати Тоҷикистон оид ба футбол миёни бонувон муайян шуд
Дастаҳои мунтахаби Тоҷикистон ва Ӯзбекистон дар доираи бозии дӯстона бо ҳам рақобат намуданд
«Соро компания» ва «Сипар» ба нимфинали Лигаи касбии футзали Тоҷикистон роҳ ёфтанд
Беҳтарин қаиқронҳои Тоҷикистон дар соли 2020 муайян шуданд