Ислоҳоти қонунгузорӣ ба беҳбуди сабти кӯдакон дар вилояти Хатлон мусоидат намуд

Июль 21, 2020 11:07

ДУШАНБЕ, 21.07.2020 /АМИТ «Ховар»/. Тағйирот ва иловаҳои  дахлдор, ки  соли 2019 ба Қонуни Ҷумҳурии Тоҷикистон «Дар бораи бақайдгирии давлатии сабти асноди ҳолати шаҳрвандӣ» ворид шуда буданд, “натиҷаҳои хеле мусбат медиҳанд, — гуфт дар посухи суоли хабарнигори минтақавии АМИТ «Ховар» роҳбари Идораи сабти асноди ҳолати шаҳрвандии вилояти Хатлон Зинатгул Сафарзода зимни нишасти матбуотӣ.

Тибқи тағйироти нави ба қонун воридшуда, волидайн ҳуқуқ  доранд шаҳодатномаи таваллудро ройгон бигиранд, агар ариза дар хусуси сабти кӯдак дар муддати се моҳи пас аз таваллуди ӯ пешниҳод шуда бошад.

Зинатгул Сафарзода илова намуд, ки дар Ҳадафҳои рушди устувор то соли 2030 пешбинӣ шудааст, ки тамоми шаҳрвандон бо шаҳодатномаҳои қонунии тасдиқкунандаи шахсият, аз ҷумла шаҳодатномаи таваллуд таъмин карда шаванд. «Ҷумҳурии Тоҷикистон ҷиҳати расидан ба ин ҳадаф ва иҷро намудани уҳдадориҳои байналмилалиаш тамоми тадбирҳои заруриро меандешад ва бо назардошти стандартҳои ҷаҳонӣ санадҳои меъёрӣ-ҳуқуқӣ таҳия менамояд», – тавзеҳ дод вай.

Ба гуфтаи З. Сафарзода, сабти саривақтии таваллуди кӯдак на танҳо ҷузъи таркибии шахсияти тифл мебошад, инчунин барои банақшагирии давлатии тамоми соҳаҳои ҳаёти ҷамъиятӣ муҳим аст.

Тибқи омори пешниҳоднамудаи сардори САҲШ, дар шаш моҳи аввали соли 2020 дар вилояти Хатлон 41 ҳазору 70 тифл ва 8366 кӯдаки бузургтар аз яксола сабт шудаанд.

Дар ин давра 11 955 ҳолати издивоҷ ва 1230 ҳолати талоқ тибқи қонун сабт шудааст.

 

 

Июль 21, 2020 11:07

Хабарҳои дигари ин бахш

Дар Душанбе вобаста ба нақши қонунҳои миллӣ дар таъмини зиндагии шоистаи мардум конференсияи илмӣ — назариявӣ доир гардид
Дар ташкилоти ибтидоии ҳизбии «Заминсоз» маҷлиси ҳисоботӣ-интихоботӣ баргузор шуд
Дар Вазорати тандурустӣ ва ҳифзи иҷтимоии аҳолӣ масъалаи ошкорсозӣ ва бақайдгирии гепатитҳои вирусӣ баррасӣ гардид
Тоҷикистон ва Туркия бо мақсади рушди инфрасохтори соҳаи кор бо ҷавонон ва варзиш ҳамкориро тақвият медиҳанд
Риояи талаботи муқаррароти қонунҳои миллӣ дар Бонки миллии Тоҷикистон шарҳу тавзеҳ дода шуд
Дар Вазорати меҳнат, муҳоҷират ва шуғли аҳолӣ вобаста ба татбиқи Стратегияи давлатии муқовимат бо коррупсия вохӯрӣ доир гардид
Дар Душанбе маҷлиси Раёсати Кумитаи Иҷроияи Марказии Ҳизби Халқии Демократии Тоҷикистон баргузор гардид
Дар Кооперативи тиҷоратии ба номи Латиф Муродови шаҳри Ҳисор дар майдони 210 гектар кишти такрорӣ мегузаронанд
Дар Суғд биноҳои иловагии Маркази клиникавии эндокринологӣ ва Маркази саратоншиносӣ сохта мешавад
Дар оянда мусофирон дар фурудгоҳҳои Тоҷикистон сарҳадро тавассути «дарвозаи электронӣ» убур менамоянд
ҚОНУНИ ҶУМҲУРИИ ТОҶИКИСТОН «ДАР БОРАИ МАСЪУЛИЯТ БАРОИ ТАЪЛИМУ ТАРБИЯИ КӮДАК». Мулоҳизаҳои доктор ва номзади илмҳои ҳуқуқшиносӣ дар хусуси навгониҳо ва афзалиятҳои ҳуқуқии ин қонун
Беш аз 13 ҳазор гектар заминҳои корам дар ноҳияҳои Восеъ ва Фархор ба воситаи пойгоҳҳои обкашӣ обёрӣ мешаванд