Президенти мамлакат: «Тайи се соли охир дар Душанбе 255 майдончаи варзишӣ ба маблағи умумии 205 миллион сомонӣ сохта шуд»

Июль 21, 2020 11:37

ДУШАНБЕ, 21.07.2020 /АМИТ «Ховар»/. Пешвои миллат муҳтарам Эмомалӣ Раҳмон имрӯз зимни ифтитоҳи Қасри теннис ва маҷмааи варзиши обии шаҳри Душанбе зикр карданд, ки «дар зарфи солҳои 2019 – 2020 дар пойтахт барои татбиқи босамари сиёсати давлат дар соҳаи тарбияи ҷисмонӣ ва варзиш зиёда аз 33 миллион сомонӣ ҷудо гардидааст.Аз ҷониби мақомоти иҷроияи ҳокимияти давлатии шаҳр, вазорату идораҳо, соҳибкорону тоҷирон ва дигар шахсони саховатманд тайи се соли охир дар пойтахт 255 майдончаи варзиш ва бозии кӯдакон ба маблағи умумии 205 миллион сомонӣ сохта, мавриди баҳрабардорӣ қарор дода шудааст. Инчунин, дар ин давра бо мақсади беҳдошти саломатӣ ва фароғати сокинону меҳмонони пойтахт дар 17 боғи фарҳангу фароғати шаҳри Душанбе 319 таҷҳизоти варзиш насб гардидааст, ки аз онҳо ҳамарӯза садҳо нафар сокинону меҳмонони пойтахт истифода мебаранд».

Президенти мамлакат бо қаноатмандӣ изҳор доштанд, ки ҳоло дар пойтахт бунёди калонтарин варзишгоҳи кишвар бо 30 ҳазор ҷойи нишаст, 12 толору майдончаи варзиш ва бозии кӯдакон идома дорад, ки то ҷашни 30-солагии истиқлоли давлатӣ ба истифода супорида мешаванд.

Сарвари давлат хотирнишон сохтанд, ки  дар доираи дастгириҳои доимии роҳбарияти пойтахт аз соли 2017 то имрӯз дастпарварони мактабҳои махсуси захираҳои олимпии шаҳри Душанбе дар як қатор мусобиқаҳои бонуфузи ҷумҳуриявӣ, байналмилалӣ, чемпионатҳои Осиёву ҷаҳон, Ҷоми ҷаҳон, Ҷоми Осиё ва Бозиҳои Осиё ширкат варзида, сазовори 13 126 медал, аз ҷумла 5 122 тилло, 4018 нуқра ва 3986 медали биринҷӣ гардидаанд. Дар ин давра бо ташаббуси шаҳрдорӣ дар самти тарбияи ҷисмонӣ ва варзиш қариб 2200 чорабинӣ баргузор шудааст, ки дар онҳо зиёда аз 1,3 миллион варзишгарону дӯстдорони намудҳои гуногуни варзиш иштирок кардаанд.

Ёдовар мешавем, ки  имрӯз дар пойтахти мамлакат 795 иншооти соҳаи варзиш, аз ҷумла 6 варзишгоҳ, 91 толор ва 554 майдончаи варзиш, 13 ҳавзи шиноварӣ, 10 маҷмааи варзиш ва 121 иншооти махсуси варзиш (тир, боулинг, фитнес) фаъолият дорад, ки ҳамаи онҳо дар амри солимии ҷомеа ва обутоби ҷисмонии наврасону ҷавонон нақши муҳим доранд.

Бо мақсади ҷалби наврасону ҷавонон ба варзиши касбӣ дар шаҳри Душанбе 10 мактаби махсуси захираҳои олимпӣ аз рӯи 23 намуди варзиш фаъолият менамояд.

Июль 21, 2020 11:37

Хабарҳои дигари ин бахш

Дар ноҳияи Шоҳмансури шаҳри Душанбе маҳаллаи замонавии «Баҳор» бунёд мегардад
Имсол дар Душанбе барои баргузории Озмуни «Фурӯғи субҳи доноӣ китоб аст» як миллиону чорсаду чилу панҷ ҳазор сомонӣ ҷудо мегардад
Дар Душанбе оид ба ҳифзу тарғиби арзишҳо ва дастовардҳои 30-соли Истиқлоли давлатӣ мулоқот сурат гирифт
Мақомоти шаҳри Душанбе эълон менамояд: шахсони ҳуқуқӣ ва соҳибкорони ватаниву хориҷӣ метавонанд «Боғи ҳайвонот»-ро ҳамчун моликияти хусусӣ бунёд намоянд
Дар Душанбе маҷмааи нави биноҳои истиқоматии баландошёнаи бунёд мегардад
Бахшида ба Рӯзи пойтахт таҳти унвони «Аҷаб шаҳри дилороӣ, Душанбе!» барномаи фарҳангӣ доир гардид
Ғолибони Ниммарафони ХI байналмилалии Душанбе-2021 муайян гардиданд
Ғолибони Мусобиқаи кушоди футболи хурд барои дарёфти «Ҷоми Раиси шаҳри Душанбе» муайян шуданд
«АҶАБ ШАҲРИ ДИЛОРОӢ, ДУШАНБЕ». Таҳти ин унвон бахшида ба Рӯзи пойтахт барномаи фарҳангӣ доир мегардад
Барои ҳавасмандгардонии ғолибони озмуни Стипендияи Раиси шаҳри Душанбе чорсаду ҳаштоду чор ҳазору ҳаштсад сомонӣ ҷудо гардид
Дар Душанбе Маркази хизматрасонӣ ва савдои «Аминҷон» мавриди баҳрабардорӣ қарор дода шуд
17 апрел бахшида ба Рӯзи пойтахт Ниммарафони XI байналмилалии Душанбе баргузор мегардад