Раёсати Кумитаи ҳолатҳои фавқулода ва мудофиаи гражданӣ дар Бадахшон реҷаи навбатдорӣ ҷорӣ намуд

Июль 21, 2020 16:10

ХОРУҒ, 21.07.2021. /АМИТ «Ховар»/. Раёсати Кумитаи ҳолатҳои фавқулода ва мудофиаи граждании Вилояти Мухтори Кӯҳистони Бадахшон бо мақсади иҷрои супориши Сарвазири Ҷумҳурии Тоҷикистон аз 4 июни соли равон доир ба «Риояи қоидаҳои оббозӣ ва андешидани чораҳо дар мавсими оббозӣ дар соли 2020» нақшаи чорабиниҳо  таҳия намуда, ба унвони сардорони шуъбаву бахшҳои раёсат, раисони ҷамоатҳои деҳот, раҳбарони муассисаҳои таълимӣ ирсол намуд. Ҳамчунин раёсати Кумитаи ҳолатҳои фавқулода ва мудофиаи гражданӣ  бо ирсоли як нома  аз волонтёрон даъват намудааст, ки барои пешгирӣ аз ҳодисаҳои нохуш ва ҷамъшавии зиёди кӯдакону наврасон дар назди ҳавзҳои шиноварӣ ва кӯлу дарёҳо реҷаи навбатдорӣ ба роҳ монанд.

Ёдовар мешавем, ки як гурӯҳ кормандони Раёсати Кумитаи ҳолатҳои фавқулода ва мудофиаи граждании Вилояти Мухтори Кӯҳистони Бадахшон бо  мақсади пешгирӣ аз бемории сироятии COVID-19 ва сар задани ҳодисаҳои нохуши ғарқшавӣ дар об санҷиш гузаронида, бо кӯдакону наврасон ва сокинони деҳот мулоқот карданд. Тавре мухбири минтақавии АМИТ «Ховар» бо истинод ба маълумоти Раёсати Кумитаи ҳолатҳои фавқулода ва мудофиаи граждании вилоят хабар медиҳад,  дар ҳафт моҳи соли равон дар шаҳру ноҳияҳои вилоят 5 ҳолати ғарқшавии кӯдакону наврасон ба қайд гирифта шудааст.

Ҳарчанд ҳавои тобистони имсол ҳамарӯза сарду  пур аз боронгарист, вале  шумораи зиёди кӯдакону наврасон ба соҳили кӯлу дарёҳо рафта, оббозӣ мекунанд. Дар бисёр маврид онҳо аз назари калонсолон дар канор мемонанд ва  чунин беназоратӣ ба ҳодисаҳои нохуш оварда мерасонад.

Сардори шуъбаи ҳифзи аҳолӣ ва ҳудуди Раёсати мазкур Шуҳрат Шоисматов гуфт, ки дар шаш моҳи имсол дар  шаҳру ноҳияҳои вилоят панҷ нафар  кӯдакону наврасон бо сабаби беназоратию беэҳтиётӣ дар об ғарқ шуданд.

Ҳамзамон ҷамъшавии зиёди кӯдакону наврасон дар соҳили ҳавзҳои шиноварӣ  эҳтимоли  сироятёбии онҳоро  ба бемории COVID-19 ба миён меорад.

Июль 21, 2020 16:10

Хабарҳои дигари ин бахш

Дар Бохтар лоиҳаи «Шаҳри бехатар» амалӣ мегардад
Дар Душанбе мулоқоти роҳбарони вазоратҳои корҳои дохилии Тоҷикистону Беларус баргузор гардид
4364 САДАМАҲОИ РОҲУ НАҚЛИЁТ ДАР 4 СОЛ. Чӣ тавр пеши роҳи ин ҳодисаҳои нохушро бигирем?
Тоҷикистон дар муборизаи муштарак ба муқобили ҷиноятҳои фаромиллӣ фаъолона иштирок мекунад
Дар Душанбе ҷаласаи роҳбарони мақомоти корҳои дохилии пойтахтҳои давлатҳои аъзои Иттиҳоди Давлатҳои Мустақил баргузор гардид
Дар Бӯстон вохӯрии навбатии гурӯҳҳои кории топографӣ ва гурӯҳҳои кории ҳайатҳои ҳукуматии Тоҷикистону Қирғизистон баргузор гардид
Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир шуд
Прокурори генералии Ҷумҳурии Тоҷикистон бо фаъолони вилояти Суғд вохӯрӣ намуд
Антониу Гутерриш: «Тоҷикистон дар масъалаи буҳрони Афғонистон шарики муҳими Созмони Милали Муттаҳид мебошад»
Президенти Тоҷикистон: «Дар фаъолияти Созмони ҳамкории Шанхай масъалаҳои амнияти минтақавӣ аввалиндараҷа боқӣ мемонанд»
ЭҲТИЁТ — НИМИ ҲАЁТ. Дар фасли тобистон зарфҳои нигаҳдории гази моеъро дар ҷойи соя ва дур аз гармӣ гузоред
Дар Петербург масъалаи истифодаи васеи технологияҳои иттилоотию коммуникатсионӣ дар пешниҳоди хизматрасониҳои давлатӣ дар Тоҷикистон баррасӣ шуд