Сафари кории Сарвазири мамлакат Қоҳир Расулзода ба шаҳру ноҳияҳои вилояти Суғд аз Панҷакент оғоз гардид
ДУШАНБЕ, 23.07.2020 /АМИТ «Ховар»/. Сарвазири мамлакат Қоҳир Расулзода зимни сафари корӣ ба шаҳру ноҳияҳои вилояти Суғд дар шаҳри Панҷакент бо рафти сохтмони иншооти таъйиноти гуногун, аз ҷумла корхонаи коркарди мис, коргоҳи коркарди меваи хушк, сардхона, беморхонаи марказӣ, бинои муассисаи таълимӣ, бинои агентии назорати давлатии молиявӣ ва мубориза бо коррупсия, иншооти ҷашнӣ дар «Мамнуъгоҳи таърихию бостоншиносии Саразм» ва бо фаъолияти корхонаҳои истеҳсолӣ шинос шуд, хабар медиҳад АМИТ «Ховар».
Мавриди зикр аст, ки корхонаи коркарди мис дар Ҷамъияти дорои масъулияти маҳдуди корхонаи муштараки «Зарафшон» аз ҷониби Ҳукумати Ҷумҳурии Тоҷикистон дар ҳамбастагӣ бо сармоягузорони хориҷӣ бунёд карда мешавад.
Аснои шиносоӣ аз фаъолияти коргоҳҳои истеҳсолии ин минтақаи саноатӣ Сарвазири мамлакат масъулонро вазифадор намуд, ки барои ҳарчи зудтар татбиқ намудани лоиҳаи сохтмони корхонаи коркарди мис чораандешӣ карда, иншооти мазкурро бо сифати баланд ва ҷавобгӯ ба талаботи замони муосир сохта ба истифода диҳанд.
Бояд тазаккур дод, ки дар шаҳри Панҷакент дар доираи ҷашни 30-солагии Истиқлолияти давлатӣ ва эълон гардидани солҳои 2019-2021 «Солҳои рушди деҳот, сайёҳӣ ва ҳунарҳои мардумӣ» сохтмони 405 иншоот ба нақша гирифта шуда буд. Аз ин 266 иншоот, аз ҷумла дар соли 2018 81, дар соли 2019 161 ва дар 6 моҳи соли 2020 24 иншоот сохта ба истифода дода шуда, корҳои бунёдкорӣ идома доранд.
Дар идомаи сафар таҳти раёсати Сарвазири мамлакат Қоҳир Расулзода дар «Мамнуъгоҳи таърихию бостоншиносии Саразм» баҳри тақвияти рафти корҳои ободонию бунёдкорӣ дар доираи омодагиҳо ба истиқболи ҷашни 5500-солагии Саразм маҷлиси ситоди корӣ баргузор гардид.
Таъкид карда шуд, ки ҳамаи иншооти ба нақшагирифташуда бо назардошти хизматрасонии мусоир, талаботи меъморию сохтмонӣ ва унсурҳои хоси миллӣ дар доираи дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бунёд карда мешаванд ва имрӯзҳо корҳо дар ин самт бо суръат идома доранд.
Зимни баргузории маҷлиси ситоди корӣ Сарвазири мамлакат Қоҳир Расулзода ҳамчунин аз мақсаднок истифода нагардидани қитъаҳои замини наздиҳавлигию саҳроӣ, изофанависӣ дар маълумоти кишти картошка ва дар сатҳи зарурӣ ҷараён надоштани кишти такрорӣ дар шаҳри Панҷакент изҳори нигаронӣ намуда, барои рушди соҳаи кишоварзӣ ва тақвият бахшидани корҳои фаҳмондадиҳӣ масъулонро вазифадор кард.
Эмомалӣ Раҳмон: «Ваҳдати миллӣ дар баробари Истиқлоли давлатӣ як рукни муҳимми давлатдорӣ ва шарти аслии пешрафту шукуфоии Тоҷикистон мебошад»
БА ИФТИХОРИ 35-СОЛАГИИ ИСТИҚЛОЛӢ ДАВЛАТӢ. Дар ноҳияи Шамсиддин Шоҳин иншооти таъйиноти гуногун ба истифода дода шуд
Президенти Тоҷикистон: «Сулҳи тоҷиконро ҳамчун нодиртарин роҳи хотима гузоштан ба мухолифатҳои мусаллаҳона эътироф кардаанд»
Пешвои миллат: «Хишти аввали бинои сулҳу ваҳдати миллӣ дар Иҷлосияи XVI Шурои Олӣ гузошта шуда буд»
Эмомалӣ Раҳмон: «Созишномаи сулҳ ва ваҳдати миллӣ барои халқи Тоҷикистон пайки шодӣ, паёми оромӣ ва номаи иқболу саодат гардид»
35-СОЛАГИИ ИСТИҚЛОЛИ ДАВЛАТӢ. Соҳили дарёи Сир дар Хуҷанд ба макони муосири истироҳатию варзишӣ тадбил дода мешавад
35-СОЛАГИИ ИСТИҚЛОЛИ ДАВЛАТӢ. Соҳибкор бо фарзандонаш дар таъмиру мумфаршсозии якчанд кӯча дар шаҳри Ҳисор саҳм мегузорад
«МАН БА МАРДУМИ ТОҶИК ҲАВАС МЕБАРАМ, КИ ДАР ЧУНИН ТАБИАТИ ЗЕБО УМР БА САР МЕБАРАНД…». Таассуроти меҳмонон ва иштирокдорони Конфронси сеюми оби Душанбе аз тамошои манзараҳои Тоҷикистон
ИҚДОМҲОИ ПРЕЗИДЕНТИ ТОҶИКИСТОН ҶОМЕАИ ҶАҲОНРО БА ҲАМ ОВАРД! Таассуроти меҳмонон ва иштирокдорони Конфронси сеюми оби Душанбе аз тамошои дараи Ромит
35-СОЛАГИИ ИСТИҚЛОЛИЯТИ ДАВЛАТӢ. Ба пешвози ин ҷашн дар Хоруғ бунёду навсозии 300 иншоот ба нақша гирифта шудааст
35-СОЛАГИИ ИСТИҚЛОЛИ ДАВЛАТӢ. Дар ноҳияи Лахш бинои нави Раёсати молия ба истифода дода мешавад
ТОҶИКИСТОН — ШВЕЙТСАРИЯИ ДУЮМ. Меҳмонон ва иштирокдорони Конфронси оби Душанбе аз тамошои манзараҳои дилфиреби Варзоб, хусусан оби мусаффои дарёи Сиёма ангушти ҳайрат газиданд
