Завқӣ Завқизода ва Сун Ян тариқи видеоконфронс сохтмону навсозии лоиҳаҳои инфрасохторӣ дар соҳаҳои нақлиёт ва энергетикаро матраҳ карданд
ДУШАНБЕ, 23.07.2020. /АМИТ «Ховар»/. Бо мақсади иҷрои дастуру супоришҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон вохӯрии Вазири рушди иқтисод ва савдои Ҷумҳурии Тоҷикистон Завқӣ Завқизода бо Мушовири Раёсати корҳои тиҷоратӣ-иқтисодии Сафорати Ҷумҳурии Мардумии Чин дар Ҷумҳурии Тоҷикистон Сун Ян дар шакли видеоконфронс баргузор гардид.
Зимни вохӯрӣ як зумра масъалаҳои муҳим, аз ҷумла ҷалби мутахассисони чинӣ барои таъмини фаъолияти мунтазами корхонаҳои муштараки саноатӣ ва сохтмону навсозии лоиҳаҳои инфрасохторӣ дар соҳаҳои нақлиёт, энергетика ва иҷтимоӣ, бахусус Ширкати кӯҳӣ — саноатии Тоҷикистону Чин, воқеъ дар шаҳраки Зарнисори шаҳри Гулистони вилояти Суғд мавриди муҳокима қарор гирифт.
Вазири рушди иқтисод ва савдо вобаста ба содагардонии тартиби интиқоли молҳо дар минтақаи наздисарҳадии Кулма тариқи ядаки нақлиёти боркаш ва ҷиҳати мусоидат намудан барои анҷом додани корҳои сохтмонии лоиҳаҳои «Кӯлоб- Ш. Шоҳин» ва «Шкев-Қалъаихумб» то 30-солагии Истиқлолияти давлатии Ҷумҳурии Тоҷикистон изҳори хоҳиш намуд.
Ҷониби чинӣ иттилоъ дод, ки моҳи августи имсол 250 нафар мутахассисони чинӣ, аз ҷумла 150 нафарро барои сохтмони «Бинои нави Парламент ва маҷмааи Ҳукумати Ҷумҳурии Тоҷикистон” ва 100 нафарро барои роҳҳои дохилишаҳрии Бохтар ва Кӯлоб, қитъаи Кӯлоб-Муъминобод, инчунин садҳо мутахассисонро ба дигар лоиҳаҳои соҳаҳои гуногун ба Ҷумҳурии Тоҷикистон сафарбар менамояд.
Ҷониби Чин вобаста ба пешниҳодҳои манзуршуда омодагии худро барои ҳамкорӣ ва расонидани кумаки техникӣ изҳор кард.
АКС аз Вазорати рушди иқтисод ва савдои ҶТ
Агентии рейтингии байналмилалии «Standard & Poor’s» ба дастовардҳои иқтисодии Тоҷикистон баҳои сазовор дод
Ҳамкории Тоҷикистон ва Русия дар соҳаи нафту газ тақвият меёбад
Гузариш ба гардиши ҳуҷҷатҳои электронӣ қадами муассир дар самти беҳтарнамоии фаъолияти сохторҳои давлатӣ аст
Тоҷикистон ва Британияи Кабир дар соҳаи инноватсия ва технологияҳои иттилоотӣ ҳамкорӣ менамоянд
Тоҷикистон ва Иттиҳоди Аврупо ҳамкориро дар бахшҳои мошинсозӣ, дорусозӣ ва истихроҷи маъдан густариш медиҳанд
Форуми соҳибкорони Тоҷикистон ва Амороти Муттаҳидаи Араб баргузор мегардад
Дар Суғд оид ба муаррифии имконоти сармоягузории минтақа форуми тиҷоратӣ баргузор шуд
Истеҳсоли неруи барқ дар Бадахшон қариб 5 баробар афзоиш ёфтааст
Тоҷикистон ва WIPO ҳамкориро дар соҳаи рушди инноватсия тақвият медиҳанд
Хайринисо Идрисова: «Дастрасӣ ба маблағи гранти президентӣ имкон дод, ки фаъолияти ҳунармандиямро васеъ намоям»
Панҷакент — яке аз аввалин шаҳрҳои Тоҷикистон, ки дар солҳои соҳибистиқлолӣ аз шаҳри аграрӣ ба саноативу аграрӣ табдил ёфт
Дар Душанбе оғози Даҳсолаи байналмилалии амал оид ба илмҳои яхшиносӣ (криосферӣ), солҳои 2025-2034 баррасӣ гардид
