Ҳаракати нақлиёт дар роҳи мошингарди хиёбони Рӯдакӣ – маҳаллаи Нодираи ноҳияи Исмоили Сомонӣ муваққатан қатъ мегардад

Август 22, 2020 09:33

ДУШАНБЕ, 22.08.2020 /АМИТ «Ховар»/. Аз 25 то 29 августи  соли равон бинобар сабаби  гузаронидани  корҳои сохтмонӣ дар  роҳи мошингарди хиёбони Рӯдакӣ – маҳаллаи Нодираи ноҳияи Исмоили Сомонии шаҳри Душанбе  ҳаракати воситаҳои  нақлиёти автомобилӣ муваққатан қатъ мегардад. Дар ин бора аз Раёсати иттилоот ва робитаҳои хориҷии дастгоҳи Раиси шаҳри Душанбе ба АМИТ «Ховар» хабар доданд.

«Навсозии роҳи мазкур  дар доираи лоиҳаи иншооти «Сохтмони селпарто аз маҳаллаи Нодира то дарёи Варзоб»  амалӣ мегардад. Тибқи қарори дахлдори Раиси шаҳри Душанбе,  МДК «Душанбенақлиётхадамотрасон», шуъбаи Бозрасии давлатии автомобилии Раёсати Вазорати корҳои дохилии Ҷумҳурии Тоҷикистон дар шаҳри Душанбе ва Раёсати хадамоти давлатии назорат ва танзим дар соҳаи нақлиёт дар пойтахт вазифадор гардидаанд, ки  самти ҳаракати нақлиёти автомобилии мусофирбарро, ки аз хиёбони Рӯдакӣ – маҳаллаи Нодираи ноҳияи Исмоили Сомонӣ мегузарад, ба воситаи кӯчаҳои ҳамшафат муайян намуда, дар нақшаи хатсайрҳои нақлиёти мусофирбар тағйироти  дахлдор ворид намоянд»,-афзуд манбаъ.

Раиси шаҳр ҳамчунин  Раёсати Вазорати корҳои дохилии Ҷумҳурии Тоҷикистон дар шаҳри Душанберо барои андешидани  тадбирҳои мушаххас ҷиҳати  таъмини бехатарии ҳаракати воситаҳои нақлиёт дар кӯчаҳои ҳамшафат муваззаф гардонидааст.

Ба Муассисаи давлатии «Раёсати сохтмон, азнавсозӣ ва таъмири роҳу кӯпрукҳои шаҳри Душанбе» супориш дода шудааст, ки  барои танзими алоқаи мунтазами нақлиёт дар қитъаи роҳи иншооти мазкур, инчунин бе монеа даромадани воситаҳои нақлиёти ёрии таъҷилии тиббӣ, милитсия ва хадамоти оташнишонӣ ба минтақаҳои атрофи иншооти сохташаванда  тадбирҳои зарурӣ андешад.

Август 22, 2020 09:33

Хабарҳои дигари ин бахш

Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе Рустами Эмомалӣ ба номзади арзанда овоз доданд
Ярмарка-фурӯшгоҳҳои Душанбе фаъолтар мегарданд
Дар Душанбе автобуси дуқабата ба хизматрасонии мусофирон оғоз намуданд
«САРҲАДИ ТОҶИК ЗАБОНИ ТОҶИК АСТ…». Мулоҳизаҳои узви Комиссия оид ба татбиқи Қонуни забони давлатӣ дар шаҳри Душанбе
АЗ ШАҲДИ АНГУР ТО ГУЛИ АСАЛ. Имрӯз дар Бозори «Меҳргон»-и Душанбе Фестивал-намоиши фурӯши асал, озмуни ангур ва дигар анвои меваҷот доир гардид
Дар Душанбе таҳти унвони «Ҷонибдории Эмомалӣ Раҳмон дар интихобот – кафили саодати мардум ва рушди босуботи мамлакат» ҳамоиш доир шуд
Пагоҳ дар Бозори «Меҳргон»-и Душанбе Фестивал-намоиши фурӯши асал, озмуни ангур ва дигар анвои меваҷот доир мегардад
Дар Душанбе Рӯзи даъватшаванда доир гардид
Иқдоми «шаҳри сабз»-и Рустами Эмомалӣ Душанбеи гулпӯшро боз ҳам хуррамтар мегардонад
Дар Душанбе корхонаи муштараки истеҳсоли техникаи маишии «Артел Авесто Электроникс» ба истифода дода шуд
ҲАМОВОЗӢ БА ДАЪВАТИ РАИСИ ШАҲР. Ташаббусҳои созандаи Рустами Эмомалӣ ба маҳбубияти ў дар қалби мардум замина гузоштаанд
Иқдоми «шаҳри сабз»-и Рустами Эмомалӣ давоми сиёсати ободкоронаи Пешвои миллат аст