COVID-19. Иштирокдорони Муколамаи «Осиёи Марказӣ + Япония» масъалаи тақвияти ҳамкориро дар мубориза бо пандемия баррасӣ намуданд
ДУШАНБЕ, 11.08.2020 /АМИТ «Ховар»/. Имрӯз бо ташаббуси Япония видеоконфронси вижаи вазирони корҳои хориҷии сиғаи Муколамаи «Осиёи Марказӣ + Япония» баргузор гардид, хабар медиҳад АМИТ «Ховар» бо истинод ба Вазорати корҳои хориҷии Ҷумҳурии Тоҷикистон.
Зимни ҷаласа вазирони корҳои хориҷии кишварҳои узви Муколама дар бораи масъалаҳои тақвияти ҳамкорӣ дар мубориза бо пандемияи COVID-19, барқарорсозии иқтидори иқтисодӣ, таъмини амнияти минтақавӣ ва рушди муносибатҳои байналмилалӣ мубодилаи афкор намуданд.
Зимни суханронӣ Вазири корҳои хориҷии Тоҷикистон Сироҷиддин Муҳриддин таъкид кард, ки ҳамкории муштарак дар чаҳорчӯби сиғаи «Осиёи Марказӣ+Япония» муҳим буда, дар рушду тақвияти шарокати стратегии миёни кишварҳои минтақа нақши муҳим мебозад.
Бо ишора ба вазъи зудтағйирёбандаи ҷаҳонӣ бар асари ҳамагирии Ковид-19, Вазири корҳои хориҷии Тоҷикистон аз ҳамтоёни худ даъват кард, ки барои пешгирии сирояти коронавирус ва барқарор кардани рушди устувори иҷтимоию иқтисодии кишварҳои минтақа тадбирҳои муассир андешида шаванд. Зикр гардид, ки пандемияи COVID-19 башариятро бо таҳдид ва чолишҳои ҷиддӣ рӯбарӯ кардааст. Дар робита ба ин, ӯ аз кишварҳои иштироккунанда даъват намуд, ки дар мубориза бо пайомадҳои ҳамагирӣ аз тамоми захираву имкониятҳои мавҷуда сарҷамъона кор бигиранд.
Таъкид гардид, ки Ҳукумати Ҷумҳурии Тоҷикистон тадбирҳои заруриро ҷиҳати пешгирии паҳншавӣ ва аз байн бурдани бемории мазкур меандешад. Дар ин замина, ӯ барои кумак ва дастгирии Япония ва кишварҳои Осиёи Марказӣ ба Тоҷикистон дар мубориза бо хуруҷи коронавирус изҳори сипос кард.
С. Муҳриддин роҷеъ ба мавзӯъҳои рушди ҳамкории минтақавӣ таъкид намуд, ки бояд татбиқи лоиҳаҳои бахши энергетикиву саноатӣ ва кишоварзӣ сурат гирифта, тавсеаи иқтидор ва имкониятҳои содиротӣ ва интиқоли беисти молҳо таъмин гардад.
Даъват ба амал оварда шуд, то кишварҳои минтақа дар соли 2022 ҷиҳати сазовор пешвоз гирифтани 30-солагии барқарорсозии муносибатҳои дипломатӣ бо Япония муштаракан иқдом кунанд.
АКСҲО аз ВКХ ҶТ
РАВАНДИ ОБИ ДУШАНБЕ. Сомонаи расмии Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор, 2018–2028» фаъол гардид
Барои иштирок дар Конфронси байналмилалии сатҳи баланд оид ба Даҳсолаи байналмилалии амал «Об барои рушди устувор» бақайдгирӣ оғоз ёфт
Дар Қоҳира ҳамкорӣ байни ширкатҳои Тоҷикистону Миср баррасӣ гардид
Дар Душанбе Ҷаласаи навбатии Шурои сарони ҳукуматҳо (сарвазирон)-и давлатҳои узви СҲШ доир мегардад
Сафири Тоҷикистон бо муовини якуми Раиси Бонки марказии Арабистони Саудӣ мулоқот намуд
Дар Душанбе бо иштироки намояндагони 27 давлат маъракаи ниҳолшинонӣ баргузор шуд
Сафири Тоҷикистон дар Ҷумҳурии Корея бо мудири иҷроияи AFoCO мулоқот намуд
Дар Боку тавсеаи ҳамкории Тоҷикистон ва Озарбойҷон дар соҳаи воситаҳои ахбори омма баррасӣ гардид
Дар Сафорати Ҷумҳурии Тоҷикистон дар Русия Рӯзи Модар таҷлил гардид
Сафири Тоҷикистон дар Амрико бо Директори иҷроияи ширкати Mooney Group мулоқот кард
Дар Қоҳира масъалаи таҳкими ҳамкории Тоҷикистону Миср баррасӣ шуд
Имконияти ҳамкорӣ байни Тоҷикистон ва ширкати NVIDIA дар соҳаи зеҳни сунъӣ баррасӣ гардид
