Дар маркази ноҳияи Рӯшон сутунпояи Парчами миллӣ бо баландии 30 метр қомат меафрозад
ХОРУҒ, 10.08.2020 /АМИТ «Ховар»/. Дар маркази ноҳияи Рӯшон, дар канори рӯдхонаи Панҷ дар остонаи 29-умин солгарди ҷашни Истиқлолияти давлатӣ сутунпояи Парчами миллӣ бо баландии 30 метр қомат меафрозад.
Дар атрофи ин парчам аз тарафи соҳибкорони маҳаллӣ роҳравҳои сангпӯш, ҳавзи оббозӣ, маркази дилхушӣ барои кӯдакону наврасон бунёд ёфта, гулҳои рангоранг, дарахтони ороишию мевадиҳанда шинонида мешаванд.
Мақомоти иҷроияи ҳокимияти давлатии ноҳия барои бунёди майдони Парчами миллӣ ва боғи фароғатӣ 620 ҳазор сомонӣ ҷудо карда, корҳои ободонию сабзазоркуниро дар баробари кормандони идораву муассисаҳои давлатӣ сокинони маркази ноҳия бар уҳда гирифтаанд.
Як сокини ноҳия Назаршо Шералиев гуфт, ки «ин ҳама ободкориҳо ба хотири насли имрӯзу ояндаи ҳамин сарзамин аст. Ман хушҳолам, ки дар бунёди майдони Парчами миллӣ ва боғи фароғатӣ каме ҳам бошад, саҳм мегузорам. Фардо агар ҳамроҳи наберагони худ барои истироҳат ба ин боғ биёям, бо ифтихор хоҳам гуфт, ки фалон дарахтро ман шинондаам, то шумо аз меваҳояш баҳра баред ва дар сояаш дам гиред».
Атрофи боғ пурра панҷара кашида шуда, мутахассисони соҳаи барқ ба насбу васл кардани чароғҳои барқӣ машғуланд. Занону духтарон ниҳолҳои гулро, ки қаблан дар гулдонҳо парвариш карда буданд, имрӯзҳо дар атрофи сутунпояи парчам мешинонанд. Сокини ин ноҳия Перӯза Замирова, ки ҳамроҳи ду наберааш чанд рӯз боз дар маъракаи гулшинонӣ ширкат меварзад, ин иқдоми мақомоти иҷрояи ҳокимияти давлатии ноҳияро сутуда, изҳор намуд, ки бо бунёд ёфтани майдони Парчами давлатӣ ва боғи фароғатӣ боз як гӯшаи маркази ноҳия зеботар мешавад.
Сафари Корвони «Навои модарони ваҳдатсаро» ба шаҳру ноҳияҳои Тоҷикистон оғоз шуд
Имсол дар Тоҷикистон чанд дармонгоҳи нав сохта шуд?
Имсол дар истироҳатгоҳи беруназшаҳрии «Шарора» 720 нафар кӯдакону наврасон таътили худро босамар мегузаронанд
ТАЪТИЛИ БОФАРОҒАТ. Имсол 1000 нафар кӯдаку наврас ба истироҳатгоҳи беруназшаҳрии «Зимчуруд» ҷалб мегарданд
Дар Тоҷикистон даври сеюми Форуми коршиносони Осиёи Марказӣ — Корея доир мешавад
Дар Душанбе маъракаи хунсупории шаҳрвандон доир гардид
Байни Кумита оид ба таҳсилоти ибтидоӣ ва миёнаи касбии Тоҷикистон ва Ташкилоти ғайридавлатии «Good Neighbors» Ёддошти тафоҳуми ҳамкорӣ ба имзо расид
Дар Чин дастовардҳои Тоҷикистон дар самти ҳуқуқи инсон муаррифӣ гардиданд
Дар Тоҷикистон беморони диабети қанд метавонанд инсулини ройгон дастрас намоянд
Иштирокдорони Форуми байналмилалии ҳизбҳои сиёсӣ дараи Алмосӣ ва Қалъаи Ҳисорро тамошо карданд
Форуми байналмилалии ҳизбҳои сиёсӣ зери унвони «Ҳизбҳои сиёсӣ ва уфуқҳои нави ҳамкорӣ» доир гардид
АБУАЛӢ ИБНИ СИНО — МУТАФАККИРИ БУЗУРГИ ШАРҚ, ФАРЗАНДИ ФАРЗОНАИ ХАЛҚИ ТОҶИК. Андешаҳои академик Фарҳод Раҳимӣ дар ин мавзуъ
