ФУТБОЛ. Ғолибони даври 7-уми Чемпионати Тоҷикистон муайян гардиданд

ДУШАНБЕ, 03.08.2020 /АМИТ «Ховар»/. Бозиҳои даври  7-уми Чемпионати Тоҷикистон миёни дастаҳои Лигаи якум дар  варзишгоҳҳои  мамлакат хеле ҷолиб баргузор  шуданд. Дар рақобати марказии ин давр  дастаи  футболи «Равшан»-и шаҳри  Кӯлоб дар майдони худ бо ҳисоби 3:0 дастаи «Эсхата»-и шаҳри Хуҷандро мағлуб намуд. Дар ин бора мухбири АМИТ «Ховар» Меҳрони  Қурбон бо истинод ба Федератсияи футболи Тоҷикистон иттилоъ медиҳад.

Пас аз ин ғалаба дастаи футболи  «Равшан»-и шаҳри Кӯлоб  бо касби 18 имтиёз мавқеи худро дар садри ҷадвал мустаҳкам намуд. Дар зинаи дуюм дастаи навкори Лигаи якум  «Моҳир»-и ноҳияи  Ёвон бо  14 имтиёз  қарор дорад.

Чемпионати Тоҷикистон миёни дастаҳои Лигаи якум. Даври 7-ум

«Равшан» (Кӯлоб) – «Эсхата» – 3:0

Голҳо: Далер Шомуродов, 8 – аз пеналти (1:0). Далер Шомуродов, 49 – аз пеналти (2:0). Саидамири Саидаҳмад, 86 (3:0).

Корти сурх: Амирҷон Раҳимов («Эсхата»), баъд аз бозӣ – таҳқири ҳайати доварон.

Беҳтарин бозингар: Амирҷони Фаррухзод («Равшан» Кӯлоб).

«Барқчӣ» – «Панҷшер» – 1:1

Голҳо: Маҳмуд Ғаюров, 83 (0:1). Зуҳриддин Фузайлов, 90+6 (1:1).

Корти сурх: Бахтиёр Ҳакимов (сармураббии дастаи «Панҷшер») – таҳқири ҳайати доварон.

Беҳтарин бозингар: Бахтиёр Неъматов («Панҷшер»).

«Ҳулбук» – «Ваҳдат» – 2:1

Голҳо: Суҳроб Асоев, 55 (0:1). Аваз Қамчинов, 76 (1:1). Зоирхон Холматов, 90+5 (2:1).

Беҳтарин бозингар: Аваз Қамчинов («Ҳулбук»).

«Ҳосилот» – «Равшан» (Зафаробод) – 1:1

Голҳо: Тоҳирҷон Тағойзода, 25 (1:0). Бахтиёр Зарипов, 58 (1:1).

Беҳтарин бозингар: Бахтиёр Зарипов («Равшан» Зафаробод).

«Моҳир» – «Исфара» – 4:3

Голҳо: Муродбек Юсупов, 8 (1:0). Хушбахт Назиров, 19 (1:1). Фирдавс Мусоев, 23 (1:2). Абдураҳим Раҳимов, 34 (1:3). Бахтовар Ҳалимов, 77 (2:3). Бахтовар Ҳалимов, 79 (3:3). Бахтовар Ҳалимов, 90+1 (4:3).

Беҳтарин бозингар: Бахтовар Ҳалимов («Моҳир»).

«Саройкамар» – «Шоҳмансур» – 6:2

Голҳо: Соҳиб Ваҳобов, 21 (1:0). Фирдавс Икромов, 28 (1:1). Хуршед Ямаков, 45 (2:1). Ҷурабек Юсупов, 59 (2:2). Акмалҷон Авазов, 61 (3:2). Акмалҷон Авазов, 74 – аз пеналти (4:2). Соҳиб Ваҳобов, 77 (5:2). Ҷонибек Ғаффоров, 81 (6:2).

Беҳтарин бозингар: Акмалҷон Авазов («Саройкамар»).

Нишонзанҳо: Аваз Қамчинов («Ҳулбук») – 11 гол, Фирдавс Мусоев («Исфара») – 7 гол, Умедҷон Азизов («Ваҳдат»), Амирҷони Фаррухзод («Равшан» Кӯлоб), Мубинҷон Мӯминов («Эсхата») – 6 голӣ.

Бозиҳои даври 8-ум

6 август (панҷшанбе)

Оғози бозиҳо соати 17:00

«Шоҳмансур» – «Ҳулбук»

«Исфара» – «Саройкамар»

«Панҷшер» – «Моҳир»

7 август (ҷумъа)

Оғози бозиҳо соати 17:00

«Равшан» (Зафаробод) – «Ваҳдат»

«Эсхата» – «Барқчӣ»

«Ҳосилот» – «Равшан» (Кӯлоб)