ФУТЗАЛ. Дастаҳои «Соро компания» ва «Сипар» пешсафи мусобиқа шуданд
ДУШАНБЕ, 03.08.2020 /АМИТ «Ховар»/. Бозиҳои даври сеюми Лигаи касбии футзали Тоҷикистон 2 август баргузор шуданд. Дар даври сеюм чемпиони феълии мамлакат-дастаи футзали «Соро компания»-и шаҳри Душанбе бар дастаи “Муҳоҷир”-и шаҳри Душанбе бо ҳисоби калони 8:1 ғалаба кард. Дар ин бора мухбири АМИТ «Ховар» Меҳрони Қурбон бо истинод ба Федератсияи футболи Тоҷикистон иттилоъ медиҳад.
Дар ҳайати дастаи «Соро компания»-и шаҳри Душанбе Некрӯз Алимаҳмадов се гол зад. Дастаи «Сипар»-и шаҳри Хуҷанд дар бозии пуршӯр бар дастаи «Истаравшан»-и шаҳри Истаравшан бо ҳисоби 7:4 дастболо шуд. Дар ҳайати дастаи ғолиб Иқбол Воситзода панҷ гол зад. Дар бозии дигари даври мазкур дастаи футзали «Равшан»-и шаҳри Кӯлоб дастаи «Самандар»-и шаҳри Турсунзодаро бо ҳисоби 10:5 мағлуб намуд. Ин аввалин ғалабаи дастаи «Равшан» дар мавсими имсола аст. Ҳотамшоҳ Раҳмонов дар ҳайати дастаи «Равшан»-и шаҳри Кӯлоб се тӯб ба ҳадаф расонд.
Баъд аз натиҷагирии се даври Лигаи касбии футзали Тоҷикистон дастаҳои «Соро компания»-и Душанбе ва «Сипар»-и шаҳри Хуҷанд бо нуҳхолӣ пешсафанд.
| Б | Ғ | М | Б | Т-Т | Х | ||
| 1 | «Соро компания» (Душанбе) | 3 | 3 | 0 | 0 | 27-5 | 9 |
| 2 | «Сипар» (Хуҷанд) | 3 | 3 | 0 | 0 | 20-9 | 9 |
| 3 | «Истаравшан» (Истаравшан) | 3 | 1 | 0 | 2 | 16-19 | 3 |
| 4 | «Равшан» (Кӯлоб) | 3 | 1 | 0 | 2 | 19-25 | 3 |
| 5 | «Муҳоҷир» (Душанбе) | 3 | 1 | 0 | 2 | 10-16 | 3 |
| 6 | «Самандар» (Турсунзода) | 3 | 0 | 0 | 3 | 13-30 | 0 |
Ёдовар мешавем, ки бозиҳои даври навбатии Лигаи касбии футзали Тоҷикистон 5 август баргузор мешаванд. Дар ин давр дастаҳои футзали «Самандар»-и шаҳри Турсунзода бо «Сипар»-и шаҳри Хуҷанд, «Муҳоҷир»-и шаҳри Душанбе бо «Истаравшан»-и шаҳри Истаравшан ва «Соро компания» -и шаҳри Душанбе бо «Равшан»-и шаҳри Кӯлоб баргузор мегарданд.
Дар шаҳри Панҷакент мусобиқаи байналмилалии гӯштингирӣ баргузор мешавад
ФУТБОЛ. Дастаи духтаронаи Тоҷикистон (U-17) дар чемпионати CAFA-2025 иштирок менамояд
ФУТБОЛ. Тоҷикистон мизбони марҳилаи интихобии Ҷоми Осиё-2026 байни дастаҳои мунтахаби занон интихоб шуд
Зуҳал Хуҷаназарова нахустин маротиба дар бозии Лигаи қаҳрамонҳои элитаи Осиё-2024/2025 ба ҳайси нозир фаъолият менамояд
Тоҷикистон, Узбекистон ва Қирғизистон барои мизбонии Ҷоми Осиё-2031 пешниҳоди муштарак ирсол менамоянд
Дастаи «Истиқлол» барандаи Ҷоми Федератсияи футболи Тоҷикистон-2025 гардид
ФУТБОЛ. Дастаи мунтахаби занонаи Тоҷикистон тими Арабистони Саудӣ бозии дӯстон мегузаронад
ФУТБОЛ. Гулмуроди Саъдулло бозии марҳилаи интихобии Ҷоми ҷаҳон-2026 байни дастаҳои Индонезия ва Баҳрайнро доварӣ менамояд
«ҶОМИ РУШД-2025». Дастаи мунтахаби наврасони Тоҷикистон (U-17) бар дастаи Эрон зафар ёфт
ҶОИЗАИ ПРЕЗИДЕНТИ ҶУМҲУРИИ ТОҶИКИСТОН. Беш аз 1,7 миллион сомонӣ ба ғолибони мусобиқаҳои байналмилалӣ супорида шуд
«ҶОМИ РУШД-2025». Бозии якуми дастаи мунтахаби наврасони Тоҷикистон (U-17) баргузор шуд
«Baku Grand Slam 2025». Ҷудочиёни тоҷик дар ин мусобиқа соҳиби ду медали биринҷӣ шуданд
