Конибодом: Ба гирандаи Шоҳҷоизаи Озмуни «Фурӯғи субҳи доноӣ китоб аст» 1000 сомонӣ тақдим гардид
ДУШАНБЕ, 03.08.2020 /АМИТ «Ховар»/. Дар шаҳри Конибодоми вилояти Суғд даври шаҳрии Озмуни ҷумҳуриявии «Фурӯғи субҳи доноӣ китоб аст» ҷамъбаст гардид. Шоҳҷоизаи озмунро бо маблағи 1000 сомонӣ хонандаи Муассисаи таҳсилоти миёнаи умумии №42 Мубина Маҳкамова ба даст овард. Дар ин бора аз хадамоти матбуоти Раиси вилояти Суғд ба АМИТ «Ховар» хабар доданд.
Дар маросими ҷамъбасти озмун муовини раиси шаҳр Илҳом Ҳомидӣ ба ғолибони ҷойи аввал дар ҳаҷми 700 сомонӣ, барои ҷойи дуюм 500 сомонӣ ва барои ҷойи сеюм 300 сомонӣ мукофотпулӣ тақдим намуд.
Шумораи зиёди иштирокчиён ва омодагии ҳамаҷонибаи онҳо ба озмун далели маҳбубияти хосса пайдо кардани озмуни мазкур буд. Озмун ду рӯз идома ёфта, беҳтарин иштирокчиён аз даври шаҳрӣ ба даври вилоятӣ роҳхат гирифтанд.
Тибқи Низомномаи озмун даври дуюм дар маркази ноҳия ва шаҳрҳо (ба истиснои шаҳри Душанбе) ҷамъбаст гардида, ғолибони ин давр ба даври сеюм, ки нимаи дуюми моҳи сентябр дар маркази Вилояти Мухтори Кӯҳистони Бадахшон, вилоятҳо ва шаҳри Душанбе баргузор мегарданд, роҳхат мегиранд.
Ғолибони даври якум, дуюм, сеюми озмун ва омӯзгорони онҳо аз ҷониби мақомоти иҷроияи ҳокимияти давлатӣ (Вилояти Мухтори Кӯҳистони Бадахшон, вилоятҳо, шаҳру ноҳияҳо) ва дигар ташкилот ба таври моддию маънавӣ ҳавасманд гардонида мешаванд.
Омӯзгороне, ки шогирдони онҳо дар даври чоруми озмун сазовори ҷойҳои намоён мегарданд, бо нишони ифтихории «Аълочии маориф ва илми Ҷумҳурии Тоҷикистон» ва «Аълочии фарҳанги Ҷумҳурии Тоҷикистон» сарфароз гардонида мешаванд.
Туҳфаи Президенти Тоҷикистон — «Шоҳнома»-и Абулқосим Фирдавсӣ ба ноҳияи Мастчоҳ расид
ҲИФЗИ МЕРОСИ МИЛЛӢ ДАР ТОҶИКИСТОН. Тавассути сиёсати хирадмандона имрӯз ҷаҳониён бо таъриху фарҳанги миллати мо шинос мешаванд
Донишкадаи давлатии санъати тасвирӣ ва дизайни Тоҷикистон бо «Россотрудничество» ҳамкориро густариш медиҳад
Дар Институти масъалаҳои об, гидроэнергетика ва экология озмоишгоҳи муштараки муҳити экологӣ ба истифода дода шуд
Фестивали байналмилалии «Сӯзании Панҷакент» баргузор мешавад
«Харитаи хатсайри Шӯриши Восеъ» таҳия мегардад
«ФАРҲАНГИ СУМАНАКПАЗӢ». Номинатсияи миллии Ҷумҳурии Тоҷикистон ба Феҳристи мероси фарҳанги ғайримоддии ЮНЕСКО ворид гардид
Ғолибони озмунҳои ҷумҳуриявӣ дар ноҳияи Рӯдакӣ бо туҳфаҳо қадрдонӣ гардиданд
РӮЗИ БАЙНАЛМИЛАЛИИ РАССОМОН. Ин ҳунар дар Тоҷикистон беш аз ҳазор сол пеш ба вуҷуд омадааст
«ҲИФЗИ МЕРОС». Бо мақсади муаррифии сазовори таъриху фарҳанги миллати тоҷик маҷаллаи илмӣ ба нашр расид
РӮЗҲОИ ФАРҲАНГИ ЧИН ДАР ТОҶИКИСТОН. Дар Донишкадаи давлатии фарҳанг ва санъат барномаи фарҳангӣ доир шуд
«МАВЛОНО ВА ТАМАДДУНИ ИНСОНӢ». Ин китоби Президенти Ҷумҳурии Тоҷикистон дар озмуни байналмилалӣ сазовори ҷойи якум гардид
