Намояндагони Тоҷикистон дар Бозиҳои Делфии давлатҳои аъзои СҲШ соҳиби 7 медал гардиданд
ДУШАНБЕ, 30.03.2026 /АМИТ «Ховар»/. Аз 23 то 28 март дар шаҳри Бишкеки Ҷумҳурии Қирғизистон нахустин маротиба Бозиҳои Делфии ҷавонони давлатҳои аъзои Созмони ҳамкории Шанхай баргузор гардиданд. Тибқи натиҷаҳои озмуни фарҳангӣ, ҷавонони Ҷумҳурии Тоҷикистон дар ҳисоби умумӣ бо гирифтани 7 медал мақоми дуюмро ишғол намуданд.
Тавре аз Вазорати фарҳанги Ҷумҳурии Тоҷикистон ба АМИТ «Ховар» иттилоъ доданд, ҷойи аввалро ҷавонони Ҷумҳурии Беларус бо 9 медал соҳиб шуданд. Ҷавонони Ҷумҳурии Тоҷикистон сазовори ҷойи дуюм ва 7 медал шуда, ҷавонони Федератсияи Русия ҷойи сеюмро бо 6 медал ба даст оварданд.
Донишҷӯи Донишкадаи давлатии санъати тасвирӣ ва дизайни Тоҷикистон Малика Расулӣ дар номинатсияи санъати тасвирӣ медали тиллоро сазовор гардид. Инчунин ду нафар медали нуқра ва чор нафар медали биринҷии озмунро ба даст оварданд. Ҳамчунин иштирокчиёни фаъол аз Ҷумҳурии Тоҷикистон бо дипломҳои махсуси озмун сарфароз гардонида шуданд.
Дар Бозиҳои Делфии ҷавонони давлатҳои аъзои Созмони ҳамкории Шанхай ҷавонони болаёқат аз давлатҳои Тоҷикистон, Беларус, Ҳиндустон, Қазоқистон, Чин, Қирғизистон, Покистон, Русия ва Узбекистон иштирок намуданд.
Иттилоъ дода шуд, ки намояндагони Ҷумҳурии Тоҷикистон аз ҳисоби хонандагону донишҷӯёни муассисаҳои тахассусии мусиқӣ ва санъат интихоб шуда буданд. Барномаи бозиҳо аз рӯйи номинатсияи фортепиано, санъати тасвирӣ, сурудхонии анъанавӣ ва эстрадӣ, рақси халқӣ, ди-ҷей, созҳои миллӣ ва ҳунарҳои мардумӣ доир гардид.
Дар доираи бозиҳо намояндагони Вазорати фарҳанги Ҷумҳурии Тоҷикистон ва Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар конфронси байналмилалӣ иштирок намуданд.
Ёдовар мешавем, ки маротибаи нахуст дар Бозиҳои Делфии ҷавонони давлатҳои аъзои Созмони ҳамкории Шанхай беш аз 500 ҳунарманди ҷавон аз давлатҳои аъзои Созмон дар номинатсияи фарҳангию ҳунарӣ бо ҳам рақобат карданд.
АКС: Вазорати фарҳанги Ҷумҳурии Тоҷикистон
Дар Фестивали байналмилалии «Интермузей. БРИКС+» густариши ҳамкорӣ байни осорхонаҳо баррасӣ шуд
Дар Донишгоҳи технологии Тоҷикистон даври якуми Озмуни ҷумҳуриявии «Донандаи беҳтарини асарҳои Пешвои миллат» доир гардид
Бахшида ба 35-солагии робитаҳои бародаршаҳрӣ байни Душанбе ва Санкт-Петербург дар Осорхонаи миллӣ намоиши аксҳо ифтитоҳ ёфт
Аъзои ҳайати шаҳри Санкт-Петербург дар Осорхонаи миллӣ бо давраҳои пурифтихори таъриху фарҳанги бостонии тоҷикон шинос шуданд
Дабири кулли САҲА дар Осорхонаи миллии Тоҷикистон бо тамаддуни миллати тоҷик шинос шуд
Рушди ҳамкории фарҳангии Тоҷикистону Қирғизистон баррасӣ шуд
«…МОДАР ЯКТОСТ, ТОҶИКИСТОН ЯКТОСТ…». Ба зодрӯзи Шоири халқии Тоҷикистон устод Лоиқ Шералӣ 85 сол пур шуд
«МЕАНДЕШАМ, ПАС ҲАСТАМ». Таҳти ин унвон намоиши осори Рассоми халқии Тоҷикистон Суҳроб Қурбонов ташкил карда мешавад
Дар Бишкек маросими тантанавии ифтитоҳи Рӯзҳои фарҳанги Ҷумҳурии Тоҷикистон баргузор гардид
Дар Донишкадаи санъати тасвирӣ ва дизайни Тоҷикистон даврҳои омӯзишии «Эбру», 3D ва колиграфия ифтитоҳ шуданд
«ЗЕБОИИ ТОҶИКИСТОН–МЕРОС БАРОИ ОЯНДА». Дар Бишкек намоишгоҳи санъати тасвирии Тоҷикистон ифтитоҳ ёфт
Дар Хуҷанд даври шаҳрии Озмуни ҷумҳуриявии «Тоҷикистон— Ватани азизи ман» оғоз шуд
