Раёсати Вазорати корҳои дохилӣ нисбат ба 13 ронандаи мошинҳои гаронарзиш тадбир андешид
ДУШАНБЕ, 14.08.2020 /АМИТ «Ховар»/. Корбарони шабакаи иҷтимоии Фейсбук бо ирсоли расми қоидавайронкунии ронандагон аз Раёсати Вазорати корҳои дохилӣ дар шаҳри Душанбе дархост намудаанд, ки нисбат ба ронандагони воситаҳои нақлиёти дар аксҳо инъикосгардида барои вайрон намудани Қоидаҳои ҳаракат дар роҳ тадбирҳои қонунӣ андешида шаванд. Муроҷиати мазкур таҳти назорат ва баррасии роҳбарияти Раёсат қарор гирифта, қувваю воситаҳои шуъбаи БДА РВКД дар шаҳри Душанбе барои муайян намудани ҳолатҳои дар расмҳо инъикосгардида равона карда шуд. Дар ин бора сардори маркази матбуоти Раёсати Вазорати корҳои дохилӣ дар шаҳри Душанбе Сироҷиддин Шукуров ба АМИТ «Ховар» хабар дод.
Дар натиҷаи баррасии муроҷиатҳои мазкур муайян карда шуд, ки аксари онҳо соҳибони воситаҳои нақлиёти гаронарзиш буда, нисбат ба талаботи Қоидаҳои ҳаракат дар роҳ хунукназарӣ зоҳир менамудаанд. Зимни пешбурди корҳои санҷишӣ қоидавайронкуниҳои дар аксҳо иъикосгардида ошкор ва муайян карда шуда, ронандагони воситаҳои нақлиёт ба Шуъбаи БДА Раёсати ВКД дар шаҳри Душанбе дастрас ва нисбат ба онҳо чораҳои таъсиррасони қонунӣ ва корҳои прорфилактикӣ-фаҳмонидадиҳӣ гузаронида шуданд.
Ин ронандагон мошинҳояшонро дар қатори дуюму сеюм беназорат гузоштаанд, ки аз як ҷиҳат сабаби ба вуҷуд омадани танбашавии сунъии воситаҳои нақлиёт гардида, аз ҷониби дигар сабаби норозигии шаҳрвандон ва муроҷиати онҳо ба мақомоти милитсия гардидааст.
Дар натиҷа нисбат ба ин ронандагон тибқи талаботи моддаҳои дахлдори Коддекси ҳуқуқвайронкунии маъмурии Ҷумҳурии Тоҷикистон парвандаҳои маъмурӣ тартиб дода шуда, онҳо огоҳонида шуданд, ки минбаъд Қоидаҳои ҳаракат дар роҳро ба таври қатъӣ риоя намоянд.
Дар Душанбе Форуми амниятии Осиёи Марказӣ баргузор мешавад
Имрӯз дар Душанбе Вохӯрии сеюми котибони шуроҳои амнияти давлатҳои Осиёи Марказӣ баргузор гардид
Дар шаҳри Хоруғ даври вилоятии мусобиқаи «Ватанпарвар» баргузор гардид
«ШАҲРИ ҲУШМАНД». Дар Душанбе насби чароғакҳои замонавӣ оғоз гардид
Нақшаи даъвати баҳории шаҳрвандон ба сафи Қувваҳои Мусаллаҳи Тоҷикистон 89,1 фоиз иҷро шуд
Вазири корҳои дохилии Тоҷикистон дар Форуми байналмилалӣ доир ба мубориза бо маводи нашъаовар иштирок намуд
ПАСТ КАРДАНИ ХАВФИ ОФАТҲОИ ТАБИӢ. Беш аз 60 миллион сомонӣ барои ҳифзи минтақаҳои осебпазир ҷудо гардид
Дар Хатлон мубориза бар зидди зуҳуроти номатлубу хатарнок пурзӯр карда мешавад
ФАРЗАНДОНРО АЗ ТАҲСИЛ МАҲРУМ НАКУНЕД! Дар Душанбе беш аз 40 ҳолати монеъ шудан ба таҳсил ошкор карда шуд
Изҳороти Маркази робитаҳои ҷамъиятии Кумитаи давлатии амнияти миллии Ҷумҳурии Тоҷикистон
Дар ноҳияи Рӯдакӣ ҷаласаи Шурои ҳамоҳангсози мақомоти ҳифзи ҳуқуқ баргузор шуд
«ҲАМКОРӢ–2026». Дар Хатлон машқҳои муштараки стратегӣ гузаронида шуданд
