Тоҷикистон ва Нидерланд дурнамои робитаҳои дуҷонибаро дар соҳаҳои гуногун баррасӣ карданд
ДУШАНБЕ, 29.08.2020 /АМИТ «Ховар»/. Дирӯз муовини Вазири корҳои хориҷии Ҷумҳурии Тоҷикистон Музаффар Ҳусейнзода бо муовини Вазири тиҷорати хориҷӣ ва ҳамкории Подшоҳии Нидерланд хонум Китти ван дер Ҳейден гуфтугӯи телефонӣ анҷом дод. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Зимни суҳбат ҳолати кунунӣ ва дурнамои робитаҳои дуҷонибаи Тоҷикистон ва Нидерланд дар соҳаҳои мухталиф, аз ҷумла сиёсӣ, иқтисодӣ ва гуманитарӣ, инчунин нақшаи чорабиниҳои муштарак дар сатҳҳои дуҷониба ва байналмилалӣ мавриди баррасӣ қарор гирифтанд.
Дар ин робита, аҳамияти баргузории вохӯриҳои дуҷониба ва бизнес-форум бо иштироки намояндагони корхонаҳои пешрафтаи кишоварзӣ ва доираҳои тиҷоратии ду давлат пас аз ба эътидол омадани вазъи ҷаҳонӣ вобаста ба ҳамагирӣ таъкид гардид.
Ҳамзамон миёни ҷонибҳо атрофи мавзӯъҳои равобити ду давлат дар чаҳорчӯби созмонҳои байналмилаливу минтақавӣ, инчунин Иттиҳоди Аврупо ва СММ табодули афкор сурат гирифта, зарурати тавсеаи бештари муносибатҳо дар доираи ниҳодҳои байналмилалӣ таъкид шуд.
Дар ин росто, мусоҳибон аз сатҳи ҳамкории мутақобила дар доираи Даҳсолаи байналмилалии амал: “Об барои рушди устувор, 2018-2028” изҳори қаноатмандӣ намуда, омодагии хешро ҷиҳати ташкили муваффақонаи Конфронси СММ оид ба бознигарии миёнамуддати фарогири Даҳсолаи байналмилалии амал: “Об барои рушди устувор, 2018-2028”, ки 22-24 марти 2023 дар Ню-Йорк ба нақша гирифта шудааст, баён карданд.
АКС аз бойгонӣ
Дар Душанбе муносибатҳои дуҷониба байни Тоҷикистон ва Швейтсария баррасӣ гардид
Эмомалӣ Раҳмон: «Соли равон нахустин маротиба корвони мошинҳои боркаши Ширкати миллии логистикии Покистон ба Тоҷикистон ворид шуд»
АМИТ «Ховар» ва Медиакорпоратсияи «CMG»-и Чин Ёддошти ҳамкорӣ ба имзо мерасонанд
Сарвазири Ҷумҳурии Исломии Покистон Шаҳбоз Шариф дар пояи муҷассамаи Исмоили Сомонӣ гулчанбар гузошт
Сарвазири Ҷумҳурии Исломии Покистон Шаҳбоз Шариф бо сафари расмӣ ба Ҷумҳурии Тоҷикистон ташриф овард
Имрӯз Сарвазири Ҷумҳурии Исломии Покистон бо сафари расмӣ ба Тоҷикистон ташриф меорад
Раиси Ҷумҳурии Мардумии Чин Си Ҷинпин бо сафари давлатӣ ба Ҷумҳурии Тоҷикистон ташриф меорад
Сафири Тоҷикистон нусхаи Эътимодномаи худро дар Вазорати корҳои хориҷии Миср супорид
Ҳайати Тоҷикистон дар ҷаласаи Кумитаи мансабдорони сатҳи баланди Машварати ҳамкорӣ ва тадбирҳои боварӣ дар Осиё иштирок намуд
Дар Ҷопон Рӯзи Ваҳдати миллӣ таҷлил гардид
Дар Душанбе ҳамкории Тоҷикистон бо Малта ва Созмони амният ва ҳамкорӣ дар Аврупо баррасӣ гардид
